[Officium]
Feria VI Quattuor Temporum in Adventu

[Rank]
;;Feria major;;2.1
(sed rubrica 196 aut rubrica 1930)
;;Feria major;;4.9

[Rule]
Oratio Dominica
no Gloria
no Credo
Suffr=Maria1;Ecclesiæ,Papa;;

[Introitus]
!Ps 118:151-152
v. Prope es tu, Dómine, et omnes viæ tuæ véritas: inítio cognóvi de testimóniis tuis, quia in ætérnum tu es.
!Ps 118:1
Beati immaculáti in via: qui ámbulant in lege Dómini.
&Gloria
v. Prope es tu, Dómine, et omnes viæ tuæ véritas: inítio cognóvi de testimóniis tuis, quia in ætérnum tu es.

[Oratio]
Excita, quǽsumus, Dómine, poténtiam tuam, et veni: ut hi, qui in tua pietáte confídunt, ab omni cítius adversitáte liberéntur:
$Qui vivis

[Lectio]
Léctio Isaíæ Prophétæ
!Is 11:1-5
Hæc dicit Dóminus Deus: Egrediétur virga de radíce Jesse, et flos de radíce ejus ascéndet. Et requiéscet super eum spíritus Dómini: spíritus sapiéntiæ et intelléctus, spíritus consílii et fortitúdinis, spíritus sciéntiæ et pietátis; et replébit eum spíritus timóris Dómini. Non secundum visiónem oculórum judicábit: neque secúndum audítum áurium árguet: sed judicábit in justítia páuperes, et árguet in æquitáte pro mansuétis terræ: et percútiet terram virga oris sui, et spíritu labiórum suórum interfíciet ímpium. Et erit justítia cíngulum lumbórum ejus: et fides cinctórium renum ejus.

[Graduale]
!Ps 84:8; 84:2
Osténde nobis, Dómine, misericórdiam tuam: et salutáre tuum da nobis. 
V. Benedixísti, Dómine, terram tuam: avertísti captivitátem Jacob.

[Evangelium]
Sequéntia ++ sancti Evangélii secúndum Lucam
!Luc 1:39-47
In illo témpore: Exsúrgens María ábiit in montána cum festinatióne in civitátem Juda: et intrávit in domum Zacharíæ et salutávit Elísabeth. Et factum est, ut audivit salutatiónem Maríæ Elísabeth, exsultávit infans in útero ejus: et repléta est Spíritu Sancto Elísabeth, et exclamávit voce magna et dixit: Benedícta tu inter mulíeres, et benedíctus fructus ventris tui. Et unde hoc mihi, ut véniat Mater Dómini mei ad me? Ecce enim, ut facta est vox salutatiónis tuæ in áuribus meis, exsultávit in gáudio infans in útero meo. Et beáta, quæ credidísti, quóniam perficiéntur ea, quæ dicta sunt tibi a Dómino. Et ait María: Magníficat ánima mea Dóminum: et exsultávit spíritus meus in Deo, salutári meo.

[Offertorium]
!Ps 84:7-8
Deus, tu convérsus vivificábis nos, et plebs tua lætábitur in te: osténde nobis, Dómine, misericórdiam tuam, et salutáre tuum da nobis.

[Secreta]
@Commune/C2

[Communio]
!Zach 14:5
Ecce, Dóminus véniet et omnes Sancti ejus cum eo: et erit in die illa lux magna.

[Postcommunio]
Tui nos, Dómine, sacraménti libátio sancta restáuret: et a vetustáte purgátos, in mystérii salutáris fáciat transíre consórtium.
$Per Dominum