@Tempora/Quad6-5

[Rule]
Psalmi minores Dominica
Antiphonas horas
Omit Incipit Invitatorium Hymnus Capitulum Lectio Commemoratio Preces Suffragium Conclusion Martyrologium De Officium Capituli
Limit Benedictiones Oratio
9 lectiones 1960
Feria

[Ant Matutinum]
@Tempora/Quad6-5::1-8
V. Ab insurgéntibus in me.
R. Líbera me, Dómine.
@Tempora/Quad6-5::11-15

[Lectio1]
De Lamentatióne Jeremíæ Prophétæ
!Lam 2:1-3
1 Aleph. Quómodo obtéxit calígine in furóre suo Dóminus fíliam Sion: projécit de cælo in terram ínclytam Israël, et non est recordátus scabélli pedum suórum in die furóris sui.
2 Beth. Præcipitávit Dóminus, nec pepércit, ómnia speciósa Jacob: destrúxit in furóre suo munitiónes vírginis Juda, et dejécit in terram: pólluit regnum et príncipes ejus.
3 Ghimel. Confrégit in ira furóris sui omne cornu Israël: avértit retrórsum déxteram suam a fácie inimíci: et succéndit in Jacob quasi ignem flammæ devorántis in gyro.
v. Jerúsalem, Jerúsalem, convértere ad Dóminum Deum tuum.

[Responsory1]
R. Omnes amíci mei dereliquérunt me, et prævaluérunt insidiántes mihi: trádidit me quem diligébam: et terribílibus óculis plaga crudéli percutiéntes,
* Acéto potábant me.
V. Et dedérunt in escam meam fel: et in siti mea.
R. Acéto potábant me.

[Lectio2]
!Lam 2:4-6
4 Daleth. Teténdit arcum suum quasi inimícus, firmávit déxteram suam quasi hostis: et occídit omne quod pulchrum erat visu in tabernáculo fíliæ Sion: effúdit quasi ignem indignatiónem suam.
5 He. Factus est Dóminus velut inimícus, præcipitávit Israël: præcipitávit ómnia mœ́nia ejus, dissipávit munitiónes ejus, et replévit in fília Juda humiliátum et humiliátam.
6 Vau. Et dissipávit quasi hortum tentórium suum: demolítus est tabernáculum suum: oblivióni trádidit Dóminus in Sion festivitátem et sábbatum: et in oppróbrium, et in indignatiónem furóris sui, regem et sacerdótem.
v. Jerúsalem, Jerúsalem, convértere ad Dóminum Deum tuum.

[Responsory2]
R. Velum templi scissum est, et omnis terra trémuit: latro de cruce clamábat, dicens:
* Meménto mei, Dómine, dum véneris in regnum tuum.
V. Amen dico tibi: hódie mecum eris in paradíso.
R. Meménto mei, Dómine, dum véneris in regnum tuum.

[Lectio3]
!Lam 2:7-9
7 Zain. Répulit Dóminus altáre suum: maledíxit sanctificatióni suæ: trádidit in manu inimíci muros túrrium ejus: vocem dedérunt in domo Dómini sicut in die solémni.
@Tempora/Quad6-5:Lectio1:3-4
v. Jerúsalem, Jerúsalem, convértere ad Dóminum Deum tuum.

[Responsory3]
@Tempora/Quad6-5::1-2
V.  Ego quidem plantávi te víneam meam eléctam, omne semen verum. 
@Tempora/Quad6-5::4-6

[Lectio4]
Sermo sancti Leónis Papæ
!Sermo 8 de Passione
Cum verbis oratiónis suæ Dóminus declarásset, veríssime sibi atque pleníssime et humánam et divinam inésse natúram, osténdens unde esset quod pati nollet, et unde quod vellet; depúlsa trepidatióne infirmitátis et confirmáta virtútis, magnanimitáte rédiit in sententiam suæ dispositiónis ætérnæ: sæviénti diábolo per ministéria Judæorum formam servi nihil peccáti habéntis objécit, ut per eum agerétur ómnium causa, in quo solo erat ómnium natúra sine culpa. Irruérunt ergo in lumen filii tenebrárum, et, uténtes fáculis et latérnis, non evasérunt infidelitátis suæ noctem. Occupant voléntem tenéri, et trahunt voléntem trahi. Quod si vellet obníti, nihil impiæ manus possent; sed mundi redémptio differrétur: et nullum salváret illæsus, qui pro ómnium erat salúte moritúrus.

[Responsory4]
R. Tamquam ad latrónem existis cum gládiis comprehendere me: quotidie apud vos eram in templo docens, et non me tenuistis: et ecce flagellátum dúcitis
* Ad crucifigéndum. 
V. Filius quidem hóminis vadit, sicut scriptum est de illo: væ autem hómini illi per quem tradétur. 
R. Ad crucifigéndum. 

[Lectio]
!Serm. 8 et 10 de Passione
Igitur ad Annam Cáiphæ sócerum, deinde ad Cáipham perdúcitur: et post insanas calumniántium voces, ad audiéntiam Piláti transfértur. Qui, divíno jure neglécto, tamquam Románis devóti légibus, expetiérunt exsecutorem magis sævitiæ, quam árbitrum causæ. Offerébant enim Jesum duris néxibus vinctum, cólaphis et álapis frequéntibus cæsum, sputis óblitum, clamóribus prædamnátum: ut inter tot præiudicia, quem omnes vellent perire, non audéret Pilátus absólvere.  Dénique nec in accusáto reo reperisse se culpam, nec in sententia sua tenuisse constántiam, docet judex, cum innocentem pronuntiat. Sed, cum vellet eum absólvi, conclamavérunt: Si hunc dimittis, non es amicus Cæsaris. Omnis enim, qui se regem facit, contradicit Cæsari. Imprudénter, Piláte, timuísti. Sed formidábile fúerit nomen régium, si dominándi consilium tyránnicus tibi pródidit apparátus: si provisio armórum, si congregatio divitiarum, si præsidia detécta sunt militum.

[Responsory5]
R. Ténebræ factæ sunt, dum crucifixissent Jesum Judæi: et circa horam nonam exclamávit Jesus voce magna: Deus meus, Deus meus, ut quid me dereliquísti?
* Et inclináto cápite emísit spíritum.
V. Cum ergo accepísset acétum, dixit: Consummátum est.
R. Et inclináto cápite emísit spíritum.

[Lectio6]
Quid eum gravári sinis, o Piláte,ðe affectáta poténtia, cujus speciális fuit de humilitáte doctrina? Románis légibus non contradíxit, censum súbiit, didráchma solvit, vectigália non inhibuit, quæ sunt Cæsaris Césari reddénda constítuit: paupertátem elégit, obediéntiam suásit, mansuetúdinem prædicávit. Hoc est vere non impugnáre Cæsarem, sed juváre. Verumtamen ne in totum inánis videátur Judæórum obiéctio, díscute diligéntius, præses, quid de Dómini Jesu opéribus notum sit, quid de potestáte compértum.  Cæcis visum, surdis audítum, claudis gressum, mutis donávit elóquium.  Febres abégit, dolóres resólvit, dæmónia ejécit, mórtuos vivificávit. Hanc ergo Judæi obíciant potestátem: et hoc próferant ore, quod tenent corde. Quare de terrénis calumniántur, qui cæléstia persequúntur?

[Responsory6]
R. Barábbas latro dimittitur et innocens Christus occiditur: nam et Judas armis doctus scéleris, qui per pacem dídicit fácere bellum,
* Osculándo trádidit Dóminum Jesum Christum.
V. Ecce turba, et qui vocabátur Judas, venit: et dum appropinquáret ad Jesum. 
R. Osculándo trádidit Dóminum Jesum Christum.
&Gloria
R. Barábbas latro dimittitur et innocens Christus occiditur: nam et Judas armis doctus scéleris, qui per pacem dídicit fácere bellum,

[Lectio7]
Sermo sancti Leónis Papa
!Sermo 8 de Passione
Excéssit quidem Piláti culpam facinus Judæórum, qui illum nómine Césaris térritum, ad efféctum sui scéleris impulérunt. Sed nec ipse evásit reátum, qui reliquit judicium próprium et in crimen transívit aliénum. Quod ergo Pilátus Jesum dehonestári ludibriis, vexári permisit injúriis; quodque eum flagéllis cæsum, spinis coronátum et amictu irrisóriæ vestis indútum, persequéntium aspéctui ostentávit: mitigándos inimicórum ánimos existimavit; ut exsaturátis ódiis, non ultra jam créderent persequéndum, quem tot modis intuebántur afflictum.  Sed, cum inardésceret ira clamántium, obtinuérunt in damnatiónem suam, quod pertináciter exigébant. Tráditus itaque Dóminus sæviéntium voluntáti, ad irrisiónem régiæ dignitátis, supplicii sui jussus est esse gestátor; ut implerétur illud: Cujus impérium super húmerum ejus. Quia pulchra spécie triúmphi sui portábat trophæum et signum salutáre adorándum regnis ómnibus inferébat.

[Responsory7]
@Tempora/Quad6-5::1-2
V. Astitérunt reges terræ, et príncipes convenérunt in unum.
@Tempora/Quad6-5::4

[Lectio8]
Eúntibus autem cum Jesu turbis, Simon quidam Cyrenǽus invéntus est, in quem lignum supplícii transfértur a Dómino: ut tali facto præsignarétur géntium fides, quibus crux Christi non confúsio erat futúra, sed glória. Non autem in templo, nec intra septa civitátis, sed extra castra crucifíxus est: ut, véterum victimárum cessánte mystério, nova hóstia novo imponerétur altári, et crux Christi non templi esset ara, sed mundi. Exaltáto ígitur, dilectíssimi, per crucem Christo, non illa tantum spécies aspéctui mentis occúrrat, quæ fuit in óculis impiórum, quibus per Móysen dictum est: Et erit pendens vita tua ante óculos tuos, et timébis die ac nocte, et non credes vitæ tuæ. Sed intelléctus noster glóriam crucis, cælo terráque radiántem, puro corde suscípiat, et vídeat quod Dóminus dixit: Nunc judícium mundi est, nunc princeps hujus mundi eiciétur foras: et ego, si exaltátus fúero a terra, ómnia traham ad me ipsum.

[Responsory8]
R. Jesum trádidit impius summis principibus sacerdótum et senioribus pópuli: Petrus autem sequebátur a longe,
* Ut vidéret finem.
V. Et ingréssus est Petrus átrium príncipis sacerdótum.
R. Ut vidéret finem.

[Lectio9]
O admirábilis potentia crucis, o ineffabilis glória passiónis, in qua et tribúnal Dómini et judícium mundi et potéstas est Crucifixi! Traxísti enim, Dómine, ómnia ad te: cum confiténdæ majestátis tuæ sensum totus mundus accépit. Traxísti, Dómine, ómnia ad te: cum in exsecratiónem judáici scéleris unam protulérunt ómnia eleménta senténtiam: cum obscurátis lumináribus cæli, terra quoque mótibus quaterétur insólitis, universáque creatúra impiórum se úsui denegáret. Traxísti, Dómine, ómnia ad te: quóniam, scisso templi velo, Sancta sanctórum ab indígnis pontificibus recessérunt: ut figúra in veritátem, prophetía in manifestatiónem, et lex in Evangélium verterétur.  Traxísti, Dómine, ómnia ad te: ut quod in uno Judææ templo obumbrátis significatiónibus tegebátur, apérto sacraménto universárum natiónum devotio celebráret.

[Responsory9]
R. Sicut ovis ad oсcisiónem ductus est: et, dum male tractarétur, non apéruit os suum: tráditus est ad mortem,
* Ut vivificáret pópulum suum.
V. Ipse vulneratus est propter iniquitates nostras: attritus est propter scélera nostra. 
R. Ut vivificáret pópulum suum.
&Gloria
R. Sicut ovis ad oсcisiónem ductus est: et, dum male tractarétur, non apéruit os suum: tráditus est ad mortem,

[Oratio Matutinum]
@TemporaOP/Quad6-4

[Oratio]
@TemporaOP/Quad6-4

[Ant Laudes]
@Tempora/Quad6-5::s/\n/_/gs s/_/\n/ s/_/\n/ s/_/;;62\n/ s/_/\n/ s/$/;;148/s s/Cum /Dum /

[Preces ad Laudes]
@TemporaOP/Quad6-4::s/Qui passúrus.*/Agno miti básia cui lupus dedit venenósa./ s/Qui, expánsis.*/Vita in ligno móritur, inférnus et mors lugens spoliátur./ s/Qui prophétice.*/Te qui vincíri voluísti, nosque a mortis vínculis eripuísti./

[Ant Prima]
@TemporaOP/Quad6-4

[Ant Tertia]
@:Ant Prima

[Ant Sexta]
@:Ant Prima

[Ant Nona]
@:Ant Prima

[Special Completorium]
@TemporaOP/Quad6-4