@Tempora/Pent12-0

[Lectio7]
@Tempora/Pent12-0::1-4
Homilía sancti Ambrósii Epíscopi
!Lib. 7 in Lucæ cap. 10
Homo quidam descendébat ab Jerúsalem in Jéricho, et incidit in latrónes. Jéricho figúra hujus mundi est, in quam de paradíso, hoc est, de Jerúsalem illa cælésti eiéctus Adam, prævaricatiónis prolapsióne descéndit, hoc est, de vitálibus ad inférna démigrans: cui non loci, sed morum mutátio natúræ suæ fecit exsílium.  Longe enim mutátus ab illo Adam, qui inoffénsa beatitúdine fruebátur. Ubi in sæculária peccáta defléxit, íncidit in latrónes: in quos non incidisset, nisi his, mandáti cæléstis dévius, se fecisset obnoxium.