@Tempora/Pasc6-6

[Lectio1]
Léctio sancti Evangélii secúndum Joánnem
!Joannes 14:15-21
In illo témpore: Dixit Jesus discípulis suis: Si dilígitis me, mandáta mea serváte. Et ego rogábo Patrem, et álium Paráclitum dabit vobis. Et réliqua.
_
Homilia sancti Augustíni Episcopi
!Tract. 74 in Joann.
Hic est in Trinitate Spíritus Sanctus: quem Patri et Filio consubstantiálem et coætérnum fides catholica confitétur. Ipse est, de quo dicit Apóstolus: Cáritas Dei diffúsa est in córdibus nostris per Spíritum Sanctum, qui datus est nobis. Quomodo ergo Dóminus dicit, Si dilígitis me, mandáta mea serváte, et ego rogábo Patrem, et álium Paráclitum dabit vobis: cum hoc dicat de Spíritu Sancto, quem nisi habeámus, nec Deum diligere possumus, nec ejus mandáta serváre? Quómodo diligémus, ut eum accipiamus, quem nisi habeamus, diligere non valémus? Aut quómodo mandáta servábimus, ut eum accipiamus, quem nisi habeamus, mandáta serváre non póssumus?

[Responsory1]
@TemporaOP/Pasc5-6

[Lectio2]
An forte præcédit in noligámus Christum, ut diligéndo Christum eiúsque mandáta faciéndo, mereámur accipere Spíritum Sanctum, ut cáritas, non Christi, quæ jam præcésserat, sed Dei Patris, diffundátur in cordibus nostris? Pervérsa est ista senténtia. Qui enim se Filium Dei diligere credit, et Patrem non diligit, profécto nec Fílium diligit, sed quod sibi ipse confínxit. Deinde Apostólica vox est: Nemo dicit, Dóminus Jesus, nisi in Spíritu Sancto. Et quis Dóminum Jesum, nisi qui eum diligit, dicit: si co modo dicit, quo Apóstolus intélligi võluit?

[Responsory2]
@Tempora/Pasc5-4:Responsory8

[Lectio3]
Jam ítaque Apóstoli dicébant: Dóminus Jesus. Et si co modo dicébant, ut non ficte dicerent, ore confiténtes, corde et factis negántes: prorsus, si veráciter hoc dicébant, procul dúbio diligébant. Quómodo ígitur diligébant, nisi in Spíritu Sancto? Restat ergo ut intelligámus Spíritum Sanctum habére qui diligit: et habéndo meréri ut plus hábeat, et plus habéndo plus diligat. Jam ítaque habébant Spíritum discípuli, quem Dóminus promittebat, sine quo eum Dóminum non dicébant: nec tamen eum adhuc habébant, sicut eum Dóminus promittébat.

[Responsory3]
@TemporaOP/Pasc6-3

[Ant 2]
Si dilígitis me, mandáta mea serváte, allelúja, allelúja, allelúja.

[Oratio]
Præsta, quǽsumus, omnípotens Deus, ut claritátis tuæ super nos splendor effúlgeat, et lux tuæ lucis corda eórum, qui per grátiam tuam sunt renáti, Sancti Spíritus illustratióne confírmet.
$Per ejusdem