@Tempora/114-6

[In Finem Lectio]
@TemporaOP/Quad5-0

[Lectio1]
De Jonas Prophéta
!Jonas 2:1-4
1 Et præparávit Dóminus piscem grandem ut deglutíret Jonam: et erat Jonas in ventre piscis tribus diébus et tribus nóctibus.
2 Et orávit Jonas ad Dóminum Deum suum de ventre piscis,
3 et dixit: Clamávi de tribulatióne mea ad Dóminum, et exaudívit me: de ventre ínferi clamávi, et exaudísti vocem meam.
4 Et proiecísti me in profúndum in corde maris, et flumen circúmdedit me: omnes gúrgites tui, et fluctus tui super me transiérunt.
@:In Finem Lectio

[Responsory1]
@Tempora/111-1:Responsory2

[Lectio2]
!Jonas 3:1-4
1 Et factum est verbum Dómini ad Jonam secúndo, dicens:
2 Surge, et vade in Níniven, civitátem magnam, et prǽdica in ea prædicatiónem quam ego loquor ad te.
3 Et surréxit Jonas, et ábiit in Níniven juxta verbum Dómini: et Nínive erat cívitas magna, itínere trium diérum.
4 Et cœpit Jonas introíre in civitátem itínere diéi uníus: et clamávit, et dixit: Adhuc quadragínta dies, et Nínive subvertétur.
@:In Finem Lectio

[Responsory2]
@TemporaOP/111-0:Responsory3

[Lectio3]
!Jonas 3:5-6
5 Et credidérunt viri Ninivítæ in Deum, et prædicavérunt jeiúnium, et vestíti sunt saccis, a maióre usque ad minórem.
6 Et pervénit verbum ad regem Nínive: et surréxit de sólio suo, et abiécit vestiméntum suum a se, et indútus est sacco, et sedit in cínere.
@:In Finem Lectio