@Tempora/095-1

[Lectio1]
De libro Esther
!Est 2:1-3
1 His ita gestis, postquam regis Assuéri indignátio deferbúerat, recordátus est Vasthi, et quæ fecísset, vel quæ passa esset:
2 dixerúntque púeri regis ac minístri ejus: Quærántur regi puéllæ vírgines ac speciósæ,
3 et mittántur qui consíderent per univérsas províncias puéllas speciósas et vírgines: et addúcant eas ad civitátem Susan.

[Responsory1]
@TemporaOP/093-0

[Lectio2]
!Est 2:5-7
5 Erat vir Judǽus in Susan civitáte, vocábulo Mardochǽus fílius Jair, fílii Sémei, fílii Cis, de stirpe Jémini,
6 qui translátus fúerat de Jerúsalem eo témpore quo Jechoníam regem Juda Nabuchodónosor rex Babylónis transtúlerat,
7 qui fuit nutrítius fíliæ fratris sui Edíssæ, quæ áltero nómine vocabátur Esther, et utrúmque paréntem amíserat: pulchra nimis, et decóra fácie.

[Responsory2]
@Tempora/093-1

[Lectio3]
!Est 2:7-9
7 Mortuísque patre ejus ac matre, Mardochǽus sibi eam adoptávit in fíliam.
8 Cumque percrebruísset regis impérium, et juxta mandátum illíus multæ pulchræ vírgines adduceréntur Susan, et Egéo traderéntur eunúcho, Esther quoque inter céteras puéllas ei trádita est, ut servarétur in número feminárum.
9 Quæ plácuit ei, et invénit grátiam in conspéctu illíus.

[Responsory3]
@TemporaOP/093-0:Responsory2