@Tempora/092-3

[Lectio1]
De libro Job
!Job 39:19-23
19 Numquid præbébis equo fortitúdinem, aut circúmdabis collo ejus hinnítum?
20 Numquid suscitábis eum quasi locústas? glória nárium ejus terror.
21 Terram úngula fodit: exsúltat audácter: in occúrsum pergit armátis.
22 Contémnit pavórem, nec cedit gládio.
23 Super ipsum sonábit pháretra: vibrábit hasta et clýpeus:

[Responsory1]
@TemporaOP/091-3

[Lectio2]
!Job 39:24-27
24 Fervens et fremens sorbet terram, nec réputat tubæ sonáre clangórem.
25 Ubi audíerit búccinam, dicit: Vah, procul odorátur bellum, exhortatiónem ducum, et ululátum exércitus.
26 Numquid per sapiéntiam tuam pluméscit accípiter, expándens alas suas ad austrum?
27 Numquid ad præcéptum tuum elevábitur áquila, et in árduis ponet nidum suum?

[Responsory2]
@TemporaOP/091-3

[Lectio3]
!Job 39:28-32
28 In petris manet, et in prærúptis silícibus commorátur, atque inaccéssis rúpibus.
29 Inde contemplátur escam, et de longe óculi ejus prospíciunt.
30 Pulli ejus lambent sánguinem: et ubicúmque cadáver fúerit, statim adest.
31 Et adiécit Dóminus, et locútus est ad Job:
32 Numquid qui conténdit cum Deo, tam fácile conquiéscit? útique qui árguit Deum, debet respondére ei.

[Responsory3]
@TemporaOP/091-0:Responsory3