[Lectio1]
De libro Ecclesiástici
!Sir 4:12-15
12 Sapiéntia fíliis suis vitam inspírat: et súscipit inquiréntes se, et præíbit in via justítiæ.
13 Et qui illam díligit, díligit vitam: et qui vigiláverint ad illam complecténtur placórem ejus.
14 Qui tenúerint illam, vitam hereditábunt: et quo introíbit benedícet Deus.
15 Qui sérviunt ei obsequéntes erunt sancto: et eos qui díligunt illam, díligit Deus.

[Responsory1]
@Tempora/081-0:Responsory4

[Lectio2]
!Sir 4:16-19
16 Qui audit illam judicábit gentes: et qui intuétur illam permanébit confídens.
17 Si credíderit ei, hereditábit illam, et erunt in confirmatióne creatúræ illíus:
18 quóniam in tentatióne ámbulat cum eo, et in primis éligit eum.
19 Timórem et metum, et probatiónem indúcet super illum: et cruciábit illum in tribulatióne doctrínæ suæ, donec tentet eum in cogitatiónibus suis, et credat ánimæ illíus.

[Responsory2]
@Tempora/081-0:Responsory7

[Lectio3]
!Sir 4:20-24
20 Et firmábit illum, et iter addúcet diréctum ad illum, et lætificábit illum:
21 et denudábit abscónsa sua illi, et thesaurizábit super illum sciéntiam et intelléctum justítiæ.
22 Si autem oberráverit, derelínquet eum, et tradet eum in manus inimíci sui.
23 Fili consérva tempus, et devíta a malo.
24 Pro ánima tua ne confundáris dícere verum.

[Responsory3]
@TemporaOP/081-2