[Lectio1]
De libro Ecclesiástæ
!Eccl 10:16-19
16 Væ tibi terra, cujus rex puer est, et cujus príncipes mane cómedunt.
17 Beáta terra, cujus rex nóbilis est, et cujus príncipes vescúntur in témpore suo, ad reficiéndum, et non ad luxúriam.
18 In pigrítiis humiliábitur contignátio, et in infirmitáte mánuum perstillábit domus.
19 In risum fáciunt panem et vinum ut epuléntur vivéntes: et pecúniæ obédiunt ómnia.

[Responsory1]
@Tempora/081-0:Responsory4

[Lectio2]
!Eccl 10:20; 11:1-2
20 In cogitatióne tua regi ne détrahas, et in secréto cubículi tui ne maledíxeris díviti: quia et aves cæli portábunt vocem tuam, et qui habet pennas annuntiábit senténtiam.
1 Mitte panem tuum super transeúntes aquas, quia post témpora multa invénies illum.
2 Da partem septem, necnon et octo, quia ignóras quid futúrum sit mali super terram.

[Responsory2]
@Tempora/081-0:Responsory7

[Lectio3]
!Eccl 11:3-5
3 Si replétæ fúerint nubes, imbrem super terram effúndent. Si cecíderit lignum ad austrum aut ad aquilónem, in quocúmque loco cecíderit, ibi erit.
4 Qui obsérvat ventum non séminat: et qui consíderat nubes numquam metet.
5 Quómodo ignóras quæ sit via spíritus, et qua ratióne compingántur ossa in ventre prægnántis, sic nescis ópera Dei, qui fabricátor est ómnium.

[Responsory3]
@TemporaOP/081-2