[Lectio1]
De Parábolis Salomónis
!Prov 18:1-4
1 Occasiónes quærit qui vult recédere ab amíco: omni témpore erit exprobrábilis.
2 Non récipit stultus verba prudéntiæ, nisi ea díxeris quæ versántur in corde ejus.
3 Impius, cum in profúndum vénerit peccatórum, contémnit: sed séquitur eum ignomínia et oppróbrium.
4 Aqua profúnda verba ex ore viri: et torrens redúndans fons sapiéntiæ.

[Responsory1]
@TemporaOP/081-0

[Lectio2]
!Prov 18:5-8
5 Accípere persónam ímpii non est bonum, ut declínes a veritáte judícii.
6 Lábia stulti miscent se rixis: et os ejus júrgia próvocat.
7 Os stulti contrítio ejus: et lábia ipsíus ruína ánimæ ejus.
8 Verba bilínguis quasi simplícia, et ipsa pervéniunt usque ad interióra ventris. Pigrum déicit timor: ánimæ autem effeminatórum esúrient.

[Responsory2]
@Tempora/081-0

[Lectio3]
!Prov 18:9-13
9 Qui mollis et dissolútus est in ópere suo, frater est sua ópera dissipántis.
10 Turris fortíssima nomen Dómini: ad ipsum currit justus, et exaltábitur.
11 Substántia dívitis urbs róboris ejus, et quasi murus válidus circúmdans eum.
12 Antequam conterátur, exaltátur cor hóminis: et ántequam glorificétur, humiliátur.
13 Qui prius respóndet quam áudiat, stultum se esse demónstrat, et confusióne dignum.

[Responsory3]
@TemporaOP/081-1:Responsory3