[Officium]
Feria Tertia Majoris Hebdomadæ

[Officium] (rubrica 1955 aut rubrica 196)
Feria Tertia Hebdomadæ Sanctæ

[Rank]
;;Feria privilegiata;;6.9

[Rank] (rubrica 1955 aut rubrica 196)
;;Feria privilegiata;;7

[Rule]
Antiphonas horas
Feria

[Ant Laudes]
Vide, Dómine, * et consídera, quóniam tríbulor: velóciter exáudi me.
Discérne causam meam, * Dómine: ab hómine iníquo et dolóso éripe me.
Dum tribulárer, * clamávi ad Dóminum de ventre ínferi, et exaudívit me.
Dómine, vim pátior, * respónde pro me: quia néscio quid dicam inimícis meis.
Dixérunt ímpii: * Opprimámus virum justum, quóniam contrárius est opéribus nostris.

[Ant Laudes] (rubrica cisterciensis)
Vide, Dómine, * et consídera, quóniam tríbulor: velóciter exáudi me.
Discérne causam meam, * Dómine: ab hómine iníquo et dolóso éripe me.
Dum tribulárer, * clamávi ad Dóminum de ventre ínferi, et exaudívit me.
Dixérunt ímpii: * Opprimámus virum justum, quóniam contrárius est opéribus nostris.
Potestátem hábeo * ponéndi ánimam meam, et íterum suméndi eam. 

[Ant 2]
Ante diem festum * Paschæ, sciens Jesus quia venit hora ejus, cum dilexísset suos, in finem diléxit eos.

[Ant 2] (rubrica cisterciensis aut rubrica praedicatorum)
Nemo * tollit a me ánimam meam, sed ego pono eam, et íterum sumo eam. 

[Oratio 2]
Omnípotens sempitérne Deus: da nobis ita Domínicæ passiónis sacraménta perágere; ut indulgéntiam percípere mereámur.
$Per eumdem

[Ant 3]
Potestátem hábeo * ponéndi ánimam meam, et íterum suméndi eam.

[Ant 3] (rubrica cisterciensis)
Animæ impiórum * fremébant advérsum me, et gravátum est cor meum super eos.

[Oratio 3]
Tua nos misericórdia, Deus, et ab omni subreptióne vetustátis expúrget: et capáces sanctæ novitátis effíciat.
$Per Dominum.

[Lectio1]
De Jeremía Prophéta
!Jer 11:15-20
15 Quid est quod diléctus meus in domo mea fecit scélera multa? Numquid carnes sanctæ áuferent a te malítias tuas, in quibus gloriáta es? 
16 Olívam úberem, pulchram, fructíferam, speciósam vocávit Dóminus nomen tuum: ad vocem loquélæ, grandis exársit ignis in ea, et combústa sunt frutéta ejus. 
17 Et Dóminus exercítuum, qui plantávit te, locútus est super te malum: pro malis domus Israël et domus Juda, quæ fecérunt sibi ad irritándum me, libántes Báalim. 
18 Tu autem, Dómine, demonstrásti mihi, et cognóvi: tunc ostendísti mihi stúdia eórum.
19 Et ego quasi agnus mansuétus, qui portátur ad víctimam: et non cognóvi quia cogitavérunt super me consília, dicéntes: Mittámus lignum in panem ejus, et eradámus eum de terra vivéntium, et nomen ejus non memorétur ámplius. 
20 Tu autem, Dómine Sábaoth, qui júdicas juste, et probas renes et corda, vídeam ultiónem tuam ex eis: tibi enim revelávi causam meam.

[Responsory1]
R. Contumélias et terróres passus sum ab eis, qui erant pacífici mei, et custodiéntes latus meum, dicéntes: Decipiámus eum, et prævaleámus illi: sed tu, Dómine, mecum es tamquam bellátor fortis. 
* Cadant in oppróbrium sempitérnum, ut vídeam vindíctam in eis, quia tibi revelávi causam meam.
V. Júdica, Dómine, causam ánimæ meæ, defénsor vitæ meæ.
R. Cadant in oppróbrium sempitérnum, ut vídeam vindíctam in eis, quia tibi revelávi causam meam.

[Lectio2]
!Jer 12:1-4
1 Justus quidem tu es, Dómine, si dispútem tecum: verúmtamen justa loquar ad te: Quare via impiórum prosperátur: bene est ómnibus, qui prævaricántur, et iníque agunt?
2 Plantásti eos, et radícem misérunt: profíciunt et fáciunt fructum: prope es tu ori eórum, et longe a rénibus eórum. 
3 Et tu, Dómine, nosti me, vidísti me, et probásti cor meum tecum: cóngrega eos quasi gregem ad víctimam, et sanctífica eos in die occisiónis. 
4 Usquequo lugébit terra, et herba omnis regiónis siccábitur propter malítiam habitántium in ea? Consúmptum est ánimal et vólucre, quóniam dixérunt: Non vidébit novíssima nostra.

[Responsory2]
R. Deus Israël, propter te sustínui impropérium, opéruit reveréntia fáciem meam, extráneus factus sum frátribus meis, et hospes fíliis matris meæ: 
* Quóniam zelus domus tuæ comédit me.
V. Inténde ánimæ meæ, et líbera eam, propter inimícos meos éripe me.
R. Quóniam zelus domus tuæ comédit me.

[Lectio3]
!Jer 12:7-11
7 Relíqui domum meam, dimísi hereditátem meam: dedi diléctam ánimam meam in manu inimicórum ejus. 
8 Facta est mihi heréditas mea quasi leo in silva: dedit contra me vocem, ídeo odívi eam. 
9 Numquid avis díscolor heréditas mea mihi? numquid avis tincta per totum? Veníte, congregámini, omnes béstiæ terræ, properáte ad devorándum. 
10 Pastóres multi demolíti sunt víneam meam, conculcavérunt partem meam: dedérunt portiónem meam desiderábilem in desértum solitúdinis. 
11 Posuérunt eam in dissipatiónem, luxítque super me: desolatióne desoláta est omnis terra, quia nullus est qui recógitet corde.

[Responsory3]
R. Synagóga populórum circumdedérunt me: et non réddidi retribuéntibus mihi mala. 
* Consumétur, Dómine, nequítia peccatórum, et díriges justum.
V. Júdica me, Dómine, secúndum justítiam meam, et secúndum innocéntiam meam super me.
R. Consumétur, Dómine, nequítia peccatórum, et díriges justum.
&Gloria
R. Synagóga populórum circumdedérunt me: et non réddidi retribuéntibus mihi mala. * Consumétur, Dómine, nequítia peccatórum, et díriges justum.