[Officium]
Feria sexta infra Hebdomadam XI post Octavam Pentecostes

[Rank]
;;Feria;;1

[Rule]
Oratio Dominica

[Lectio1]
De libro quarto Regum
!4 Reg 24:8-11
8 Decem et octo annórum erat Jóachin cum regnáre cœpísset, et tribus ménsibus regnávit in Jerúsalem. Nomen matris ejus Nohésta fília Elnathan de Jerúsalem.
9 Et fecit malum coram Dómino, juxta omnia quæ fécerat pater ejus.
10 In témpore illo ascendérunt servi Nabuchodónosor regis Babylónis in Jerúsalem, et circúmdata est urbs munitiónibus,
11 venítque Nabuchodónosor rex Babylónis ad civitátem cum servis suis ut oppugnárent eam.

[Responsory1]
@Tempora/Pent01-2:Responsory1

[Lectio2]
!4 Reg 24:12-14
12 Egressúsque est Jóachin rex Juda ad regem Babylónis, ipse et mater ejus, et servi ejus, et príncipes ejus, et eunúchi ejus: et suscépit eum rex Babylónis anno octávo regni sui.
13 Et prótulit inde omnes thesáuros domus Dómini, et thesáuros domus regiæ: et cóncidit univérsa vasa aurea quæ fécerat Salomon rex Israël in templo Dómini juxta verbum Dómini,
14 et tránstulit omnem Jerúsalem, et univérsos príncipes, et omnes fortes exércitus, decem míllia, in captivitátem, et omnem artíficem et clusórem: nihílque relíctum est, excéptis paupéribus pópuli terræ.

[Responsory2]
@Tempora/Pent01-2:Responsory2

[Lectio3]
!4 Reg 24:15-17
15 Tránstulit quoque Jóachin in Babylónem, et matrem regis, et uxóres regis, et eunúchos ejus: et júdices terræ duxit in captivitátem de Jerúsalem in Babylónem;
16 et omnes viros robústos, septem míllia, et artífices, et clusóres mille, omnes viros fortes et bellatóres: duxítque eos rex Babylónis captívos in Babylónem;
17 et constítuit Matthaníam pátruum ejus pro eo: imposuítque nomen ei Sedecíam.

[Responsory3]
@Tempora/Pent01-2:Responsory3