[Officium]
Feria quarta infra Hebdomadam X post Octavam Pentecostes

[Rank]
;;Feria;;1

[Rule]
Oratio Dominica

[Lectio1]
De libro quarto Regum
!4 Reg 13:14-17
14 Eliséus autem ægrotábat infirmitáte, qua et mórtuus est; descendítque ad eum Joas rex Israël, et flebat coram eo, dicebátque: Pater mi, pater mi, currus Israël et auríga ejus.
15 Et ait illi Eliséus: Affer arcum et sagíttas. Cumque attulísset ad eum arcum et sagíttas, 
16 dixit ad regem Israël: Pone manum tuam super arcum. Et, cum posuísset ille manum suam, superpósuit Eliséus manus suas mánibus regis,
17 et ait: Aperi fenéstram orientálem. Cumque aperuísset, dixit Eliséus: Jace sagíttam. Et jecit. Et ait Eliséus: Sagítta salútis Dómini, et sagítta salútis contra Sýriam; percutiésque Sýriam in Aphec, donec consúmas eam.

[Responsory1]
@Tempora/Pent01-3:Responsory1

[Lectio2]
!4 Reg 13:18-20
18 Et ait: Tolle sagíttas. Qui cum tulísset, rursum dixit ei: Pércute jáculo terram. Et, cum percussísset tribus vícibus, et stetísset, 
19 irátus est vir Dei contra eum, et ait: Si percussísses quínquies aut séxies sive sépties, percussísses Sýriam usque ad consumptiónem; nunc autem tribus vícibus percúties eam. 
20 Mórtuus est ergo Eliséus, et sepeliérunt eum. Latrúnculi autem de Moab venérunt in terram in ipso anno.

[Responsory2]
@Tempora/Pent01-3:Responsory2

[Lectio3]
!4 Reg 13:21; 13:24-25
21 Quidam autem sepeliéntes hóminem, vidérunt latrúnculos, et projecérunt cadáver in sepúlcro Eliséi. Quod cum tetigísset ossa Eliséi, revíxit homo et stetit super pedes suos. 
24 Mórtuus est autem Házaël rex Sýriæ, et regnávit Bénadad fílius ejus pro eo. 
25 Porro Joas fílius Jóachaz tulit urbes de manu Bénadad fílii Házaël, quas túlerat de manu Jóachaz patris sui jure prǽlii; tribus vícibus percússit eum Joas, et réddidit civitátes Israël.

[Responsory3]
@Tempora/Pent01-3:Responsory3