[Officium]
Feria secunda infra Hebdomadam X post Octavam Pentecostes

[Rank]
;;Feria;;1

[Rule]
Oratio Dominica

[Lectio1]
De libro quarto Regum
!4 Reg 11:1-3
1 Athalía vero mater Ochozíæ videns mórtuum fílium suum surréxit et interfécit omne semen régium. 
2 Tollens autem Jósaba fília regis Joram, soror Ochozíæ, Joas fílium Ochozíæ, furáta est eum de médio filiórum regis qui interficiebántur, et nutrícem ejus de triclínio: et abscóndit eum a fácie Athalíæ, ut non interficerétur. 
3 Erátque cum ea sex annis clam in domo Dómini; porro Athalía regnávit super terram.

[Responsory1]
@Tempora/Pent03-1Feria:Responsory1

[Lectio2]
!4 Reg 11:4-7
4 Anno autem séptimo misit Jójada, et assúmens centuriónes et mílites, introdúxit ad se in templum Dómini, pepigítque cum eis fœdus; et adjúrans eos in domo Dómini, osténdit eis fílium regis:
5 et præcépit illis, dicens: Iste est sermo quem fácere debétis: 
6 tértia pars vestrum intróëat sábbato, et obsérvet excúbias domus regis; tértia autem pars sit ad portam Sur, et tértia pars sit ad portam quæ est post habitáculum scutariórum, et custodiétis excúbias domus Messa.
7 Duæ vero partes e vobis, omnes egrediéntes sábbato, custódiant excúbias domus Dómini circa regem.

[Responsory2]
@Tempora/Pent03-1Feria:Responsory2

[Lectio3]
!4 Reg 11:9-12
9 Et assuméntes sínguli viros suos, qui ingrediebántur sábbatum, cum his qui egrediebántur sábbato, venérunt ad Jójadam sacerdótem, 
10 qui dedit eis hastas et arma regis David, quæ erant in domo Dómini. 
11 Et stetérunt sínguli habéntes arma in manu sua, a parte templi déxtera usque ad partem sinístram altáris et ædis, circum regem. 
12 Produxítque fílium regis, et pósuit super eum diadéma et testimónium: fecerúntque eum regem, et unxérunt: et plaudéntes manu, dixérunt: Vivat rex.

[Responsory3]
@Tempora/Pent03-1Feria:Responsory3