[Officium]
Dominica Sanctissimæ Trinitatis
(sed rubrica tridentina)
Festum Sanctissimæ Trinitatis

[Rank]
;;Duplex I classis;;6.5

[Rank] (rubrica tridentina)
;;Duplex II classis;;5.9

[Rule]
9 lectiones
Psalmi Dominica
Antiphonas horas
Symbolum Athanasium
No Commemoration
No suffragium
Psalm5 Vespera=116
Psalm5 Vespera3=113
Prima=53

[Ant Vespera]
Glória tibi, Trínitas * æquális, una Déitas, et ante ómnia sǽcula, et nunc et in perpétuum.;;109
Laus et perénnis glória * Deo Patri, et Fílio, Sancto simul Paráclito, in sæculórum sǽcula.;;110
Glória laudis * résonet in ore ómnium, Patri, genitǽque Proli, Spirítui Sancto páriter resúltet laude perénni.;;111
Laus Deo Patri, * parilíque Proli, et tibi, Sancte, stúdio perénni, Spíritus, nostro résonet ab ore, omne per ævum.;;112
Ex quo ómnia, * per quem ómnia, in quo ómnia: ipsi glória in sǽcula.;;116

[Responsory Vespera 1] (rubrica cisterciensis)
Responsorium. Honor, * virtus, et potéstas, et impérium sit Trinitáti in Unitáte, Unitáti in Trinitáte. * In perénni sæculórum témpore.
V. Trinitáti lux perénnis, Unitáti sit decus pérpetim.
R. In perénni sæculórum témpore.

[Responsory Vespera] (rubrica cisterciensis)
@:Responsory Sexta:1-6

[Hymnus Vespera]
{:H-VespFeria:}v. Jam sol recédit ígneus:
Tu, lux perénnis, Únitas,
Nostris, beáta Trínitas,
Infúnde lumen córdibus.
_
Te mane laudum cármine,
Te deprecámur véspere;
Dignéris ut te súpplices
Laudémus inter cǽlites.
_
Patri, simúlque Fílio,
Tibíque, Sancte Spíritus,
Sicut fuit, sit júgiter
Sæclum per omne glória.
Amen.

[HymnusM Vespera]
{:H-VespFeria:}v. O lux beáta Trínitas,
Et principális Únitas,
Jam sol recédit ígneus,
Infúnde lumen córdibus.
_
Te mane laudum cármine,
Te deprecémur véspere:
Te nostra supplex glória
Per cuncta laudet sǽcula.
_
Deo Patri sit glória,
Ejúsque soli Fílio,
Cum Spíritu Paráclito,
Et nunc, et in perpétuum.
Amen.

[Versum 1]
V. Benedicámus Patrem et Fílium cum Sancto Spíritu.
R. Laudémus et superexaltémus eum in sǽcula.

[Ant 1]
Grátias * tibi Deus, grátias tibi, vera et una Trínitas, una et summa Déitas, sancta et una Unítas.

[Oratio]
Omnípotens sempitérne Deus, qui dedísti fámulis tuis in confessióne veræ fídei, ætérnæ Trinitátis glóriam agnóscere, et in poténtia majestátis adoráre Unitátem: quǽsumus; ut, ejúsdem fídei firmitáte, ab ómnibus semper muniámur advérsis.
$Per Dominum

[OratioW]
Deus, in te sperántium fortitúdo, adésto propítius invocatiónibus nostris: et, quia sine te nihil potest mortális infírmitas, præsta auxílium grátiæ tuæ; ut, in exsequéndis mandátis tuis, et voluntáte tibi et actióne placeámus.
$Per Dominum

[Commemoratio 1]
!Commemoratio Dominica I post Pentecosten
Ant. Lóquere, Dómine, quia audit servus tuus.
_
V. Vespertína orátio ascéndat ad te, Dómine.
R. Et descéndat super nos misericórdia tua.
_
$Oremus
Deus, in te sperántium fortitúdo, adésto propítius invocatiónibus nostris: et, quia sine te nihil potest mortális infírmitas, præsta auxílium grátiæ tuæ; ut, in exsequéndis mandátis tuis, et voluntáte tibi et actióne placeámus.
$Per Dominum

[Invit]
Deum verum, unum in Trinitáte, et Trinitátem in Unitáte, * Veníte, adorémus.

[Hymnus Matutinum]
v. Summæ Parens cleméntiæ,
Mundi regis qui máchinam,
Uníus et substántiæ,
Trinúsque persónis Deus:
_
Da déxteram surgéntibus,
Exsúrgat et mens sóbria,
Flagrans et in laudem Dei
Grates repéndet débitas.
_
Deo Patri sit glória,
Natóque Patris único,
Cum Spíritu Paráclito,
In sempitérna sǽcula.
Amen.

[HymnusM Matutinum]
v. Summæ Deus cleméntiæ,
Mundíque Factor máchinæ,
Unus potentiáliter,
Trinúsque personáliter.
_
Da déxteram surgéntibus,
Exsúrgat ut mens sóbria,
Flagrans et in laudem Dei,
Grates repéndet débitas.
_
Glória Patri Dómino,
Glória Unigénito,
Una cum Sancto Spíritu,
In sempitérna sǽcula.
Amen.

[Ant Matutinum]
Adésto, unus Deus * omnípotens, Pater, Fílius, et Spíritus Sanctus.;;8
Te unum * in substántia, Trinitátem in persónis confitémur.;;18
Te semper idem * esse, vívere, et intellégere profitémur.;;23
V. Benedicámus Patrem et Fílium cum Sancto Spíritu.
R. Laudémus et superexaltémus eum in sǽcula.
Te invocámus, * te laudámus, te adorámus, o beáta Trínitas.;;46
Spes nostra, * salus nostra, honor noster, o beáta Trínitas.;;47
Líbera nos, * salva nos, vivífica nos, o beáta Trínitas.;;71
V. Benedíctus es, Dómine, in firmaménto cæli.
R. Et laudábilis et gloriósus in sǽcula.
Cáritas * Pater est, grátia Fílius, communicátio Spíritus Sanctus, o beáta Trínitas.;;95
Verax est * Pater, véritas Fílius, véritas Spíritus Sanctus, o beáta Trínitas.;;96
Pater, * et Fílius, et Spíritus Sanctus una substántia est, o beáta Trínitas.;;97
V. Verbo Dómini cæli firmáti sunt.
R. Et Spíritu oris ejus omnis virtus eórum.

[Lectio1]
De Isaía Prophéta
!Isa 6:1-4
1 In anno, quo mórtuus est rex Ozías, vidi Dóminum sedéntem super sólium excélsum et elevátum: et ea, quæ sub ipso erant, replébant templum.
2 Séraphim stabant super illud: sex alæ uni, et sex alæ álteri, duábus velábant fáciem ejus, et duábus velábant pedes ejus, et duábus volábant.
3 Et clamábant alter ad álterum, et dicébant: Sanctus, sanctus, sanctus, Dóminus exercítuum, plena est omnis terra glória ejus.
4 Et commóta sunt superliminária cárdinum a voce clamántis, et domus repléta est fumo.

[Responsory1]
R. Vidi Dóminum sedéntem super sólium excélsum et elevátum, et plena erat omnis terra majestáte ejus:
* Et ea, quæ sub ipso erant, replébant templum.
V. Séraphim stabant super illud: sex alæ uni, et sex alæ álteri.
R. Et ea, quæ sub ipso erant, replébant templum.

[Lectio2]
!Isa 6:5-8
5 Et dixi: Væ mihi, quia tácui, quia vir pollútus lábiis ego sum, et in médio pópuli pollúta lábia habéntis ego hábito, et Regem Dóminum exercítuum vidi óculis meis.
6 Et volávit ad me unus de Séraphim, et in manu ejus cálculus, quem fórcipe túlerat de altári.
7 Et tétigit os meum, et dixit: Ecce tétigit hoc lábia tua, et auferétur iníquitas tua, et peccátum tuum mundábitur.
8 Et audívi vocem Dómini dicéntis: Quem mittam? et quis ibit nobis? Et dixi: Ecce ego, mitte me.

[Responsory2]
R. Benedíctus Dóminus Deus Israël, qui facit mirabília magna solus: 
* Et benedíctum nomen majestátis ejus in ætérnum.
V. Replébitur majestáte ejus omnis terra: fiat, fiat.
R. Et benedíctum nomen majestátis ejus in ætérnum.

[Lectio3]
!Isa 6:9-12
9 Et dixit: Vade, et dices pópulo huic: Audíte audiéntes, et nolíte intellégere: et vidéte visiónem, et nolíte cognóscere.
10 Excǽca cor pópuli hujus, et aures ejus ággrava, et óculos ejus claude, ne forte vídeat óculis suis, et áuribus suis áudiat, et corde suo intéllegat, et convertátur, et sanem eum.
11 Et dixi: Usquequo, Dómine? Et dixit: Donec desoléntur civitátes absque habitatóre, et domus sine hómine, et terra relinquétur desérta,
12 et longe fáciet Dóminus hómines, et multiplicábitur quæ derelícta fúerat in médio terræ.

[Responsory3]
R. Benedícat nos Deus, Deus noster, benedícat nos Deus:
* Et métuant eum omnes fines terræ.
V. Deus misereátur nostri, et benedícat nos Deus.
R. Et métuant eum omnes fines terræ.
&Gloria
R. Et métuant eum omnes fines terræ.

[Lectio4]
Ex libro sancti Fulgéntii Epíscopi, de fide ad Petrum
!Inter Opera Augustini, tom. 3
Fides, quam sancti Patriárchæ atque Prophétæ ante incarnatiónem Fílii Dei divínitus accepérunt, quam étiam sancti Apóstoli ab ipso Dómino in carne pósito audiérunt, et Spíritus Sancti magistério instrúcti non solum sermóne prædicavérunt, verum étiam ad instructiónem salubérrimam posterórum scriptis suis índitam reliquérunt; unum Deum prǽdicat Trinitátem, id est, Patrem, et Fílium, et Spíritum Sanctum. Sed Trínitas vera non esset, si una eadémque persóna dicerétur Pater et Fílius et Spíritus Sanctus.

[Responsory4]
R. Quis Deus magnus sicut Deus noster?
* Tu es Deus, qui facis mirabília.
V. Notam fecísti in pópulis virtútem tuam: redemísti in brácchio tuo pópulum tuum.
R. Tu es Deus, qui facis mirabília.

[Lectio5]
Si enim, sicut est Patris, et Fílii, et Spíritus Sancti una substántia, sic esset una persóna; nihil omníno esset in quo veráciter Trínitas dicerétur. Rursus quidem Trínitas esset vera, sed unus Deus Trínitas ipsa non esset, si quemádmodum Pater, et Fílius, et Spíritus Sanctus personárum sunt ab ínvicem proprietáte distíncti, sic fuíssent naturárum quoque diversitáte discréti. Sed quia in illo uno vero Deo Trinitáte, non solum quod unus Deus est, sed étiam quod Trínitas est, naturáliter verum est; proptérea ipse verus Deus in persónis Trínitas est, et in una natúra unus est.

[Responsory5]
R. Tibi laus, tibi glória, tibi gratiárum áctio in sǽcula sempitérna, 
* O beáta Trínitas.
V. Et benedíctum nomen glóriæ tuæ sanctum: et laudábile et superexaltátum in sǽcula.
R. O beáta Trínitas.

[Lectio6]
Per hanc unitátem naturálem totus Pater in Fílio et Spíritu Sancto est, totus Fílius in Patre et Spíritu Sancto est, totus quoque Spíritus Sanctus in Patre et Fílio. Nullus horum extra quémlibet ipsórum est: quia nemo álium aut præcédit æternitáte, aut excédit magnitúdine, aut súperat potestáte: quia nec Fílio nec Spíritu Sancto, quantum ad natúræ divínæ unitátem pértinet, aut antérior aut major Pater est; nec Fílii ætérnitas atque imménsitas, velut antérior aut major, Spíritus Sancti immensitátem æternitatémque aut præcédere aut excédere naturáliter potest.

[Responsory6]
R. Magnus Dóminus, et laudábilis nimis: 
* Et sapiéntiæ ejus non est númerus.
V. Magnus Dóminus, et magna virtus ejus: et sapiéntiæ ejus non est finis.
R. Et sapiéntiæ ejus non est númerus.
&Gloria
R. Et sapiéntiæ ejus non est númerus.

[Lectio7]
Léctio sancti Evangélii secúndum Matthǽum
!Matt 28:18-20
In illo témpore: Dixit Jesus discípulis suis: Data est mihi omnis potéstas in cælo et in terra. Eúntes ergo docéte omnes gentes, baptizántes eos in nómine Patris, et Fílii, et Spíritus Sancti. Et réliqua.
_
Homilía sancti Gregórii Nazianzéni
!In Tractatu de fide, post init.
Quis catholicórum ignórat Patrem vere esse Patrem, Fílium vere esse Fílium, et Spíritum Sanctum vere esse Spíritum Sanctum? sicut ipse Dóminus ad Apóstolos suos dicit: Eúntes baptizáte omnes gentes in nómine Patris, et Fílii, et Spíritus Sancti. Hæc est perfécta Trínitas in unitáte consístens, quam scílicet uníus substántiæ profitémur. Non enim nos secúndum córporum conditiónem, divisiónem in Deo fácimus; sed secúndum divínæ natúræ poténtiam, quæ in matéria non est, et nóminum persónas vere constáre crédimus, et unitátem divinitátis esse testámur.

[Responsory7]
R. Benedicámus Patrem et Fílium cum Sancto Spíritu: 
* Laudémus et superexaltémus eum in sǽcula.
V. Benedíctus es, Dómine, in firmaménto cæli: et laudábilis et gloriósus in sǽcula.
R. Laudémus et superexaltémus eum in sǽcula.

[Lectio8]
@:Lectio8a

[Lectio8] (rubrica 1960)
@:Lectio8a:s/ Dénique.*//s

[Lectio8a]
Nec extensiónem partis alicújus ex parte, ut quidam putavérunt, Dei Fílium dícimus: nec verbum sine re, velut sonum vocis, accípimus: sed tria nómina et tres persónas uníus esse esséntiæ, uníus majestátis atque poténtiæ crédimus. Et ídeo unum Deum confitémur: quia únitas majestátis, plúrium vocábulo deos próhibet appellári. Dénique Patrem et Fílium cathólice nominámus; duos autem Deos dícere, nec póssumus, nec debémus. Non quod Fílius Dei Deus non sit, immo verus Deus de Deo vero; sed quia non aliúnde, quam de ipso uno Patre, Dei Fílium nóvimus, perínde unum Deum dícimus. Hoc enim Prophétæ, hoc Apóstoli tradidérunt: hoc ipse Dóminus dócuit, cum dicit: Ego et Pater unum sumus. Unum ad unitátem divinitátis, ut dixi, refert; Sumus autem, persónis assígnat.

[Responsory8]
R. Duo Séraphim clamábant alter ad álterum: 
* Sanctus, sanctus, sanctus Dóminus Deus Sábaoth: * Plena est omnis terra glória ejus.
V. Tres sunt qui testimónium dant in cælo: Pater, Verbum, et Spíritus Sanctus: et hi tres unum sunt.
R. Sanctus, sanctus, sanctus Dóminus Deus Sábaoth.
&Gloria
R. Plena est omnis terra glória ejus.

[Lectio9]
!Commemoratio Dominicæ
Léctio sancti Evangélii secúndum Lucam
!Luc 6:36-42
In illo témpore: Dixit Jesus discípulis suis: Estóte misericórdes, sicut et Pater vester miséricors est. Et réliqua.
_
Homilía sancti Augustíni Epíscopi
!Serm. 15. in Evang. Matthǽi de Verbis Dómini, post inítium
Duo sunt ópera misericórdiæ, quæ nos líberant, quæ bréviter ipse Dóminus pósuit in Evangélio: Dimíttite, et dimittétur vobis: date, et dábitur vobis. Dimíttite, et dimittétur vobis, ad ignoscéndum pértinet: Date, et dábitur vobis, ad præstándum benefícium pértinet. Quod ait de ignoscéndo, et tu vis tibi ignósci quod peccas, et habes álium, cui tu possis ignóscere. Rursus, quod pértinet ad tribuéndum benefícium, petit te mendícus, et tu es Dei mendícus. Omnes enim quando orámus, mendíci Dei sumus: ante jánuam magni Patrisfamílias stamus, immo et prostérnimur, súpplices ingemíscimus, áliquid voléntes accípere; et ipsum áliquid ipse Deus est. Quid a te petit mendícus? Panem. Et tu quid petis a Deo, nisi Christum, qui dicit: Ego sum panis vivus, qui de cælo descéndi? Ignósci vobis vultis? ignóscite: Remíttite, et remittétur vobis. Accípere vultis? date, et dábitur vobis.
&teDeum

[Lectio9] (rubrica 1960)
@:Lectio8a:s/.*(Dénique)/$1/s
&teDeum

[Versum 0]
V. Magnus Dóminus, et laudábilis nimis: 
R. Et magnitúdinis ejus non est finis.

[Ant Laudes]
@:Ant Vespera:s/;;.*//g

[Ant Laudes] (rubrica cisterciensis)
O beáta, * et benedícta, et gloriósa Trínitas, Pater, et Fílius, et Spíritus sanctus: tibi laus, tibi glória, tibi gratiárum áctio.
O beáta, * benedícta, et gloriósa Unitas, Pater, et Fílius , et Spíritus sanctus, miserére, miserére, miserére nobis.
O vera, * summa, sempitérna Trínitas, Pater, et Fílius , et Spíritus sanctus, tibi laus, tibi glória, tibi gratiárum áctio.
O vera, * summa, sempitérna Unitas, Pater, et Fílius , et Spíritus sanctus, miserére, miserére, miserére nobis. 
Te jure laudant, * te adórant, te gloríficant omnes creatúræ tuæ, o beáta Trínitas.

[Capitulum Laudes]
!Rom 11:33
v. O Altitúdo divitiárum sapiéntiæ, et sciéntiæ Dei, quam incomprehensibília sunt judícia ejus, et investigábiles viæ ejus!
$Deo gratias

[Responsory Laudes] (rubrica cisterciensis)
R.br. Benedícat nos Deus, Deus noster, * Benedícat nos Deus.
R. Benedícat nos Deus, Deus noster, * Benedícat nos Deus.
V. Et métuant eum omnes fines terræ.
R. Benedícat nos Deus.

[Hymnus Laudes]
v. Tu, Trinitátis Unitas,
Orbem poténter quæ regis,
Atténde laudis cánticum,
Quod excubántes psállimus.
_
Ortus refúlget Lúcifer,
Præítque solem núntius:
Cadunt ténebræ nóctium:
Lux sancta nos illúminet.
_
Deo Patri sit glória,
Ejúsque soli Fílio,
Cum Spíritu Paráclito,
Nunc, et per omne sǽculum. 
Amen.

[HymnusM Laudes]
@:Hymnus Laudes:s/laudis cánticum/laudum cántica/ s/Quod/Quæ/ s/Præítque solem núntius/Sparsámque lucem núntiat/ s/Cadunt ténebræ/Cadit calígo/ s/Nunc, et per omne sǽculum/Et nunc et in perpétuum/

[Versum 2]
@:Versum 1

[Ant 2]
Benedícta sit * sancta creátrix et gubernátrix ómnium, sancta et indivídua Trínitas, nunc, et semper, et per infiníta sǽcula sæculórum.

[Commemoratio 2]
!Commemoratio Dominica I post Pentecostes
Ant. Estóte ergo misericórdes, sicut et Pater vester miséricors est, dicit Dóminus.
_
V. Dóminus regnávit, decórem índuit.
R. Induit Dóminus fortitúdinem, et præcínxit se virtúte.
_
$Oremus
Deus, in te sperántium fortitúdo, adésto propítius invocatiónibus nostris: et, quia sine te nihil potest mortális infírmitas, præsta auxílium grátiæ tuæ; ut, in exsequéndis mandátis tuis, et voluntáte tibi et actióne placeámus.
$Per Dominum

[Lectio Prima]
!1 Joann. 5:7
v. Tres sunt, qui testimónium dant in cælo: Pater, Verbum et Spíritus Sanctus, et hi tres unum sunt.

[Responsory Tertia]
R.br. Benedicámus Patrem et Fílium * Cum Sancto Spíritu.
R. Benedicámus Patrem et Fílium * Cum Sancto Spíritu.
V. Laudémus et superexaltémus eum in sǽcula.
R. Cum Sancto Spíritu.
&Gloria
R. Benedicámus Patrem et Fílium * Cum Sancto Spíritu.
_
V. Benedíctus es, Dómine, in firmaménto cæli.
R. Et laudábilis et gloriósus in sǽcula.

[Capitulum Sexta]
!2 Cor 13:13
v. Grátia Dómini nostri Jesu Christi et cáritas Dei et communicátio Sancti Spíritus sit cum ómnibus vobis. Amen.
$Deo gratias

[Responsory Sexta]
R.br. Benedíctus es, Dómine, * In firmaménto cæli.
R. Benedíctus es, Dómine, * In firmaménto cæli.
V. Et laudábilis et gloriósus in sǽcula.
R. In firmaménto cæli.
&Gloria
R. Benedíctus es, Dómine, * In firmaménto cæli.
_
V. Verbo Dómini cæli firmáti sunt.
R. Et Spíritu oris ejus omnis virtus eórum.

[Capitulum Nona]
@:Lectio Prima
$Deo gratias

[Responsory Nona]
R.br. Verbo Dómini * Cæli firmáti sunt.
R. Verbo Dómini * Cæli firmáti sunt.
V. Et Spíritu oris ejus omnis virtus eórum.
R. Cæli firmáti sunt.
&Gloria
R. Verbo Dómini * Cæli firmáti sunt.
_
V. Sit nomen Dómini benedíctum.
R. Ex hoc nunc, et usque in sǽculum.

[Versum 3]
V. Benedíctus es, Dómine, in firmaménto cæli.
R. Et laudábilis et gloriósus in sǽcula.

[Versum 3] (rubrica cisterciensis)
@:Versum 1

[Ant 3]
Te Deum * Patrem ingénitum, te Fílium unigénitum, te Spíritum Sanctum Paráclitum, sanctam et indivíduam Trinitátem, toto corde et ore confitémur, laudámus, atque benedícimus: tibi glória in sǽcula.

[Commemoratio 3]
!Commemoratio Dominica I post Pentecostem
Ant. Nolíte judicáre, ut non judicémini: in quo enim judício judicavéritis, judicabímini, dicit Dóminus.
_
V. Dirigátur, Dómine, orátio mea. 
R. Sicut incénsum in conspéctu tuo.
_
$Oremus
Deus, in te sperántium fortitúdo, adésto propítius invocatiónibus nostris: et, quia sine te nihil potest mortális infírmitas, præsta auxílium grátiæ tuæ; ut, in exsequéndis mandátis tuis, et voluntáte tibi et actióne placeámus.
$Per Dominum