[Officium]
In Ascensione Domini

[Rank]
;;Duplex I classis cum Octava Privilegiata III classis;;7

[Rank] (rubrica 196)
;;Duplex I classis;;7

[Rule]
Psalmi Dominica
Antiphonas horas
Duplex
9 Lectiones
Doxology=Asc
Psalm5 vespera=116
No Commemoratio

[Ant Vespera]
Viri Galilǽi, * quid aspícitis in cælum? Hic Jesus qui assúmptus est a vobis in cælum, sic véniet, allelúja.
Cumque intueréntur * in cælum eúntem illum, dixérunt, allelúja.
Elevátis mánibus, * benedíxit eis, et ferebátur in cælum, allelúja.
Exaltáte Regem regum, * et hymnum dícite Deo, allelúja.
Vidéntibus illis, * elevátus est, et nubes suscépit eum in cælo, allelúja.

[Ant Vespera] (rubrica cisterciensis)
Vado * paráre vobis locum, et íterum véniam ad vos, allelúia, et gaudébit cor vestrum, allelúia, allelúia.
Non vos relínquam * órphanos, allelúia: vado et vénio ad vos, allelúia, et gaudébit cor vestrum, allelúia.
Pacem meam do vobis, * allelúia: pacem relínquo vobis, allelúia.
Viri Galilǽi, * quid aspícitis in cœlum? hic Jesus qui assúmptus est a vobis in cœlum, sic véniet, allelúia.
Sic véniet * quemadmodum vidístis eum eúntem in cœlum, allelúia.

[Responsory Vespera 1] (rubrica cisterciensis aut rubrica praedicatorum)
Responsorium. Omnis pulchritúdo Dómini exaltáta est super sídera: spécies ejus in núbibus cœli: * Et nomen ejus in ætérnum pérmanet, allelúia.
V. A summo cœlo egréssio ejus, et occúrsus ejus usque ad summum ejus:
R. Et nomen ejus in ætérnum pérmanet, allelúia.

[Hymnus Vespera]
{:H-Salutishumanæsator:}v. Salútis humánæ Sator,
Jesu, volúptas córdium
Orbis redémpti Cónditor,
Et casta lux amántium:
_
Qua victus es cleméntia,
Ut nostra ferres crímina?
Mortem subíres ínnocens,
A morte nos ut tólleres?
_
Perrúmpis inférnum chaos:
Vinctis caténas détrahis;
Victor triúmpho nóbili
Ad déxteram Patris sedes.
_
Te cogat indulgéntia,
Ut damna nostra sárcias,
Tuíque vultus cómpotes
Dites beáto lúmine.
_
Tu, dux ad astra, et sémita,
Sis meta nostris córdibus,
Sis lacrimárum gáudium,
Sis dulce vitæ prǽmium.
Amen.

[HymnusM Vespera]
v. Jesu nostra redémptio,
Amor et desidérium,
Deus Creátor ómnium,
Homo in fine témporum:
_
Quæ te vicit cleméntia,
Ut ferres nostra crímina,
Crudélem mortem pátiens,
Ut nos a morte tólleres!
_
Inférni claustra pénetrans,
Tuos captívos rédimens,
Victor triúmpho nóbili
Ad dextram Patris résidens.
_
Ipsa te cogat píetas,
Ut mala nostra súperes
Parcénd[o], et voti cómpotes
Nos tuo vultu sáties.
_
Tu esto nostrum gáudium,
Qui es futúrus prǽmium,
Sit nostra in te glória,
Per cuncta semper sǽcula.
Amen.

[Versum 1_]
V. Ascéndit Deus in jubilatióne, allelúja.
R. Et Dóminus in voce tubæ, allelúja.

[Versum 1OP]
V. Eleváta est, magnificéntia tua, allelúja.
R. Super cælos, Deus, allelúja.

[Versum 1]
@:Versum 1_
(sed rubrica praedicatorum)
@:Versum 1OP

[Ant 1]
Pater, * manifestávi nomen tuum homínibus quos dedísti mihi: nunc autem pro eis rogo, non pro mundo, quia ad te vénio, allelúja.

[Oratio]
Concéde, quǽsumus, omnípotens Deus: ut, qui hodiérna die Unigénitum tuum, Redemptórem nostrum, ad cælos ascendísse crédimus; ipsi quoque mente in cæléstibus habitémus.
$Per eumdem

[Invit]
Allelúja, Christum Dóminum ascendéntem in cælum, * Veníte adorémus, allelúja.

[Hymnus Matutinum]
{:H-Aeternarex:}v. Ætérne Rex altíssime,
Redémptor et fidélium,
Cui mors perémpta détulit
Summæ triúmphum glóriæ:
_
Ascéndis orbes síderum,
Quo te vocábat cǽlitus
Colláta, non humánitus,
Rerum potéstas ómnium:
_
Ut trina rerum máchina,
Cæléstium, terréstrium,
Et inferórum cóndita,
Flectat genu jam súbdita.
_
Tremunt vidéntes Angeli
Versam vicem mortálium:
Peccat caro, mundat caro,
Regnat Deus Dei caro.
_
Sis ipse nostrum gáudium,
Manens olýmpo prǽmium,
Mundi regis qui fábricam,
Mundána vincens gáudia.
_
Hinc te precántes quǽsumus,
Ignósce culpis ómnibus,
Et corda sursum súbleva
Ad te supérna grátia.
_
Ut, cum repénte cœ́peris
Clarére nube júdicis,
Pœnas repéllas débitas,
Reddas corónas pérditas.
_
* Jesu, tibi sit glória,
Qui victor in cælum redis,
Cum Patre, et almo Spíritu,
In sempitérna sǽcula.
Amen.

[HymnusM Matutinum]
@:Hymnus Matutinum:s/Cui mors.*ómnium:/Quo mors solúta déperit,\nDatur triúmphum grátiæ.\n_\nScandens tribúnal déxteræ\nPatris, potéstas ómnium\nColláta Jesu cǽlitus,\nQuæ non erat humánitus:/s s/Peccat caro, mundat/Culpat caro, purgat/ s/Sis ipse/Tu esto/ s/prǽmium,/prǽditum:/

[Ant Matutinum]
Eleváta est * magnificéntia tua super cælos, Deus, allelúja.;;8
Dóminus in templo * sancto suo, Dóminus in cælo, allelúja.;;10
A summo cælo * egréssio ejus, et occúrsus ejus usque ad summum ejus, allelúja.;;18
Exaltáre, Dómine, * in virtúte tua: cantábimus et psallémus, allelúja.;;20
Exaltábo te, * Dómine, quóniam suscepísti me, allelúja.;;29
Ascéndit Deus * in jubilatióne, et Dóminus in voce tubæ, allelúja.;;46
Nimis exaltátus est, * allelúja: super omnes deos, allelúja.;;96
Dóminus in Sion, * allelúja: magnus et excélsus, allelúja.;;98
Dóminus in cælo, * allelúja: parávit sedem suam, allelúja.;;102

[Lectio1]
Incipit liber Actuum Apostolórum
!Act. 1:1-5
1 Primum quidem sermónem feci de ómnibus, o Theóphile, quæ cœpit Jesus fácere, et docére,
2 usque in diem, qua præcípiens Apóstolis per Spíritum Sanctum, quos elégit, assúmptus est:
3 quibus et prǽbuit seípsum vivum post passiónem suam in multis arguméntis, per dies quadragínta appárens eis, et loquens de regno Dei.
4 Et convéscens, præcépit eis ab Jerosólymis ne discéderent, sed exspectárent promissiónem Patris, quam audístis (inquit) per os meum:
5 quia Joánnes quidem baptizávit aqua, vos autem baptizabímini Spíritu Sancto non post multos hos dies.

[Responsory1]
R. Post passiónem suam per dies quadragínta appárens eis, et loquens de regno Dei, allelúja: 
* Et, vidéntibus illis, elevátus est, allelúja: et nubes suscépit eum ab óculis eórum, allelúja.
V. Et convéscens, præcépit eis, ab Jerosólymis ne discéderent, sed exspectárent promissiónem Patris.
R. Et, vidéntibus illis, elevátus est, allelúja: et nubes suscépit eum ab óculis eórum, allelúja.

[Lectio2]
!Act. 1:6-9
6 Igitur qui convénerant, interrogábant eum, dicéntes: Dómine, si in témpore hoc restítues regnum Israël?
7 Dixit autem eis: Non est vestrum nosse témpora vel moménta, quæ Pater pósuit in sua potestáte:
8 sed accipiétis virtútem superveniéntis Spíritus Sancti in vos, et éritis mihi testes in Jerúsalem, et in omni Judǽa, et Samaría, et usque ad últimum terræ.
9 Et cum hæc dixísset, vidéntibus illis, elevátus est: et nubes suscépit eum ab óculis eórum.

[Responsory2]
R. Omnis pulchritúdo Dómini exaltáta est super sídera: 
* Spécies ejus in núbibus cæli, et nomen ejus in ætérnum pérmanet, allelúja.
V. A summo cælo egréssio ejus, et occúrsus ejus usque ad summum ejus.
R. Spécies ejus in núbibus cæli, et nomen ejus in ætérnum pérmanet, allelúja.

[Lectio3]
!Act. 1:10-14
10 Cumque intueréntur in cælum eúntem illum, ecce duo viri astitérunt juxta illos in véstibus albis,
11 qui et dixérunt: Viri Galilǽi, quid statis aspiciéntes in cælum? Hic Jesus qui assúmptus est a vobis in cælum, sic véniet, quemádmodum vidístis eum eúntem in cælum.
12 Tunc revérsi sunt Jerosólymam a monte, qui vocátur Olivéti, qui est juxta Jerúsalem, sábbati habens iter.
13 Et cum introíssent in cœnáculum, ascendérunt ubi manébant Petrus et Joánnes, Jacóbus et Andréas, Philíppus et Thomas, Bartholomǽus et Matthǽus, Jacóbus Alphǽi et Simon Zelótes, et Judas Jacóbi.
14 Hi omnes erant perseverántes unanímiter in oratióne cum muliéribus, et María Matre Jesu, et frátribus ejus.

[Responsory3]
R. Exaltáre, Dómine, allelúja, 
* In virtúte tua, allelúja.
V. Eleváta est, magnificéntia tua super cælos, Deus.
R. In virtúte tua, allelúja.
&Gloria
R. In virtúte tua, allelúja.

[Lectio4]
Sermo sancti Leónis Papæ
!Sermone 1 de Ascensione Domini
Post beátam et gloriósam resurrectiónem Dómini nostri Jesu Christi, qua verum Dei templum, Judáica impietáte resolútum, divína in tríduo poténtia suscitávit, quadragenárius hódie, dilectíssimi, sanctórum diérum explétus est númerus, sacratíssima ordinatióne dispósitus, et ad utilitátem nostræ eruditiónis impénsus: ut, dum a Dómino in hoc spátio mora præséntiæ corporális exténditur, fides resurrectiónis documéntis necessáriis munirétur. Mors enim Christi multum discipulórum corda turbáverat: et de supplício crucis, de emissióne spíritus, de exanimáti córporis sepultúra gravátis mœstitúdine méntibus, quidam diffidéntiæ torpor obrépserat.

[Responsory4]
R. Tempus est, ut revértar ad eum, qui me misit, dicit Dóminus: nolíte contristári, nec turbétur cor vestrum:
* Rogo pro vobis Patrem, ut ipse vos custódiat, allelúja, allelúja.
V. Nisi ego abíero, Paráclitus non véniet: cum assúmptus fúero, mittam vobis eum.
R. Rogo pro vobis Patrem, ut ipse vos custódiat, allelúja, allelúja.

[Lectio5]
Unde beatíssimi Apóstoli, omnésque discípuli, qui et de éxitu crucis fúerant trépidi, et de fide resurrectiónis ambígui, ita sunt veritáte perspícua roboráti, ut, Dómino in cælórum eúnte sublímia, non solum nulla afficeréntur tristítia, sed étiam magno gáudio repleréntur. Et revéra magna et ineffábilis erat causa gaudéndi, cum in conspéctu sanctæ multitúdinis super ómnium creaturárum cæléstium dignitátem humáni géneris natúra conscénderet, supergressúra Angélicos órdines, et ultra Archangelórum altitúdines elevánda: nec ullis sublimitátibus modum suæ provectiónis habitúra, nisi ætérni Patris recépta conséssu, illíus glóriæ sociarétur in throno, cujus natúræ copulabátur in Fílio.

[Responsory5]
R. Non turbétur cor vestrum: ego vado ad Patrem; et cum assúmptus fúero a vobis, mittam vobis, allelúja, 
* Spíritum veritátis, et gaudébit cor vestrum, allelúja.
V. Ego rogábo Patrem, et álium Paráclitum dabit vobis.
R. Spíritum veritátis, et gaudébit cor vestrum, allelúja.

[Lectio6]
Quia ígitur Christi ascénsio, nostra provéctio est; et quo præcéssit glória cápitis, eo spes vocátur et córporis: dignis, dilectíssimi, exsultémus gáudiis, et pia gratiárum actióne lætémur. Hódie enim non solum paradísi possessóres firmáti sumus, sed étiam cælórum in Christo supérna penetrávimus: amplióra adépti per ineffábilem Christi grátiam, quam per diáboli amiserámus invídiam. Nam quos viruléntus inimícus primi habitáculi felicitáte dejécit, eos sibi concorporátos Dei Fílius ad déxteram Patris collocávit: cum quo vivit et regnat in unitáte Spíritus Sancti Deus, per ómnia sǽcula sæculórum. Amen.

[Responsory6]
R. Ascéndens Christus in altum, captívam duxit captivitátem,
* Dedit dona homínibus, allelúja, allelúja, allelúja.
V. Ascéndit Deus in jubilatióne, et Dóminus in voce tubæ.
R. Dedit dona homínibus, allelúja, allelúja, allelúja.
&Gloria
R. Dedit dona homínibus, allelúja, allelúja, allelúja.

[Lectio7]
Léctio sancti Evangélii secúndum Marcum
!Marc 16:14-20
In illo témpore: Recumbéntibus úndecim discípulis, appáruit illis Jesus: et exprobrávit incredulitátem eórum et durítiam cordis, quia iis, qui víderant eum resurrexísse, non credidérunt. Et réliqua.
_
Homilía sancti Gregórii Papæ
!Homilia 29 in Evangelia
Quod resurrectiónem Domínicam discípuli tarde credidérunt, non tam illórum infírmitas, quam nostra, ut ita dicam, futúra fírmitas fuit. Ipsa namque resurréctio illis dubitántibus per multa arguménta monstráta est: quæ dum nos legéntes agnóscimus, quid áliud quam de illórum dubitatióne solidámur? Minus enim mihi María Magdaléne prǽstitit, quæ cítius crédidit, quam Thomas, qui diu dubitávit. Ille étenim dubitándo, vúlnerum cicatríces tétigit, et de nostro péctore dubitatiónis vulnus amputávit.

[Responsory7]
R. Ego rogábo Patrem, et álium Paráclitum dabit vobis,
* Ut máneat vobíscum in ætérnum, Spíritum veritátis, allelúja.
V. Si enim non abíero, Paráclitus non véniet ad vos: si autem abíero, mittam eum ad vos.
R. Ut máneat vobíscum in ætérnum, Spíritum veritátis, allelúja.

[Lectio8]
Ad insinuándam quoque veritátem Domínicæ resurrectiónis, notándum nobis est quid Lucas réferat, dicens: Convéscens, præcépit eis ab Jerosólymis ne discéderent. Et post pauca: Vidéntibus illis, elevátus est, et nubes suscépit eum ab óculis eórum. Notáte verba, signáte mystéria. Convéscens elevátus est. Comédit, et ascéndit: ut vidélicet per efféctum comestiónis, véritas patésceret carnis. Marcus vero, priúsquam cælum Dóminus ascéndat, eum de cordis atque infidelitátis durítia increpásse discípulos mémorat. Qua in re quid considerándum est, nisi quod idcírco Dóminus tunc discípulos increpávit, cum eos corporáliter relíquit, ut verba, quæ recédens díceret, in corde audiéntium árctius impréssa remanérent?

[Responsory8]
R. Ponis nubem ascénsum tuum, Dómine:
* Qui ámbulas super pennas ventórum, allelúja.
V. Confessiónem et decórem induísti, amíctus lumen sicut vestiméntum.
R. Qui ámbulas super pennas ventórum, allelúja.
&Gloria
R. Qui ámbulas super pennas ventórum, allelúja.

[Lectio9]
Increpáta ígitur eórum durítia, quid admonéndo dicat, audiámus: Eúntes in mundum univérsum, prædicáte Evangélium omni creatúræ. Numquid, fratres mei, sanctum Evangélium vel insensátis rebus, vel brutis animálibus fúerat prædicándum, ut de eo discípulis dicátur: Prædicáte omni creatúræ? Sed omnis creatúræ nómine signátur homo. Omnis autem creatúræ áliquid habet homo. Habet namque commúne esse cum lapídibus, vívere cum arbóribus, sentíre cum animálibus, intellégere cum Angelis. Si ergo commúne habet áliquid cum omni creatúra homo, juxta áliquid omnis creatúra est homo. Omni ergo creatúræ prædicátur Evangélium, cum soli hómini prædicátur.
&teDeum

[Ant Laudes]
@:Ant Vespera

[Capitulum Laudes]
!Act. 1:1-2
v. Primum quidem sermónem feci de ómnibus, o Theóphile, quæ cœpit Jesus fácere et docére usque in diem, qua præcípiens Apóstolis per Spíritum Sanctum, quos elégit, assúmptus est.
$Deo gratias

[Responsory Laudes] (rubrica cisterciensis)
@:Responsory Breve Nona

[Hymnus Laudes]
@:Hymnus Vespera

[HymnusM Laudes]
@:HymnusM Vespera

[HymnusM Laudes] (rubrica cisterciensis)
v. O grande cunctis gáudium,
Quod partus nostræ Vírginis,
Post sputa, flagra, post crucem
Patérnæ sedi júngitur.
_
Agámus ergo grátias
Nostræ salútis víndici,
Nostrum quod corpus véxerit
Sublím<i>em</i> ad cœli régiam.
_
Sit nobis cum cœléstibus
Commúne manens gáudium:
Illis, quod se præsentávit,
Nobis, quod se non ábstulit.
_
Nunc provocátis áctibus
Christ<i>um</i> expectáre nos decet:
Vitáque tali vívere,
Quæ possit cœlos scándere.
_
Glória tibi Dómine,
Qui scandis super sídera,
Cum Patr<i>e</i> et Sancto Spíritu,
In sempitérna sǽcula. 
Amen.

[Versum 2]
V. Dóminus in cælo, allelúja.
R. Parávit sedem suam, allelúja.

[Ant 2]
Ascéndo ad Patrem meum, * et Patrem vestrum: Deum meum, et Deum vestrum, allelúja.

[Octava 2]
Ant. Ascéndo ad Patrem meum, * et Patrem vestrum: Deum meum, et Deum vestrum, allelúja.
_
V. Dóminus in cælo, allelúja.
R. Parávit sedem suam, allelúja.
(sed rubrica cisterciensis loco hæc versus dicitur)
V. Ascéndit Deus in jubilatióne, allelúia.
R. Et Dóminus in voce tubæ, allelúia.
_
$Oremus
Concéde, quǽsumus, omnípotens Deus: ut, qui hodiérna die Unigénitum tuum, Redemptórem nostrum, ad cælos ascendísse crédimus; ipsi quoque mente in cæléstibus habitémus.
$Per eumdem

[Lectio Prima]
!Act. 1:11
v. Viri Galilǽi, quid statis aspiciéntes in cælum? Hic Jesus qui assúmptus est a vobis in cælum, sic véniet, quemádmodum vidístis eum eúntem in cælum.

[Responsory Breve Tertia]
R.br. Ascéndit Deus in jubilatióne, * Allelúja, allelúja.
R. Ascéndit Deus in jubilatióne, * Allelúja, allelúja.
V. Et Dóminus in voce tubæ.
R. Allelúja, allelúja.
&Gloria
R. Ascéndit Deus in jubilatióne, * Allelúja, allelúja.

[Responsory TertiaM] (rubrica cisterciensis)
V. Exaltáre, Dómine, in virtúte tua, allelúia.
R. Cantábimus et psallémus virtútes tuas, allelúia.

[Versum Tertia]
@:Nocturn 2 Versum

[Capitulum Sexta]
!Act. 1:4-5
v. Et convéscens, præcépit eis, ab Jerosólymis ne discéderent, sed exspectárent promissiónem Patris, quam audístis (inquit) per os meum: quia Joánnes quidem baptizávit aqua, vos autem baptizabímini Spíritu Sancto non post multos hos dies.
$Deo gratias

[Responsory Breve Sexta]
R.br. Ascéndens Christus in altum, * Allelúja, allelúja.
R. Ascéndens Christus in altum, * Allelúja, allelúja.
V. Captívam duxit captivitátem.  
R. Allelúja, allelúja.
&Gloria
R. Ascéndens Christus in altum, * Allelúja, allelúja.

[Responsory SextaM] (rubrica cisterciensis)
V. A summo cœlo egréssio ejus, allelúia.
R. Et occúrsus ejus usque ad summum ejus, allelúia.

[Versum Sexta]
@:Nocturn 3 Versum

[Capitulum Nona]
@:Lectio Prima
$Deo gratias

[Responsory Breve Nona]
R.br. Ascéndo ad Patrem meum, et Patrem vestrum, * Allelúja, allelúja.
R. Ascéndo ad Patrem meum, et Patrem vestrum, * Allelúja, allelúja.
V. Deum meum, et Deum vestrum.
R. Allelúja, allelúja.
&Gloria
R. Ascéndo ad Patrem meum, et Patrem vestrum, * Allelúja, allelúja.

[Responsory NonaM] (rubrica cisterciensis)
V. Non vos relínquam órphanos, allelúia.
R. Véniam ad vos, et gaudébit cor vestrum, allelúia.

[Versum Nona]
@:Versum 2

[Versum 3]
@:Versum 1
(sed rubrica tridentina)
@:Versum 2

[Ant 3]
O Rex glóriæ, * Dómine virtútum, qui triumphátor hódie super omnes cælos ascendísti, ne derelínquas nos órphanos; sed mitte promíssum Patris in nos, Spíritum veritátis, allelúja.

[Octava 3]
Ant. O Rex glóriæ, * Dómine virtútum, qui triumphátor hódie super omnes cælos ascendísti, ne derelínquas nos órphanos; sed mitte promíssum Patris in nos, Spíritum veritátis, allelúja.
_
V. Ascéndit Deus in jubilatióne, allelúja.
R. Et Dóminus in voce tubæ, allelúja.
(sed rubrica tridentina loco hæc versus dicitur)
V. Dóminus in cælo, allelúja.
R. Parávit sedem suam, allelúja.
(sed rubrica cisterciensis loco hæc versus dicitur)
V. Ascéndens Christus in altum, allelúia.
R. Captívam duxit captivitátem, allelúia.
_
$Oremus
Concéde, quǽsumus, omnípotens Deus: ut, qui hodiérna die Unigénitum tuum, Redemptórem nostrum, ad cælos ascendísse crédimus; ipsi quoque mente in cæléstibus habitémus.
$Per eumdem

[Nocturn 1 Versum]
@:Versum 1

[Nocturn 2 Versum_]
V. Ascéndens Christus in altum, allelúja.
R. Captívam duxit captivitátem, allelúja.

[Nocturn 2 Versum]
@:Nocturn 2 Versum_
(sed rubrica praedicatorum)
@:Versum 1_

[Nocturn 3 Versum_]
V. Ascéndo ad Patrem meum, et Patrem vestrum, allelúja.
R. Deum meum, et Deum vestrum, allelúja.

[Nocturn 3 Versum]
@:Nocturn 3 Versum_
(sed rubrica praedicatorum)
@:Nocturn 2 Versum_