[Officium]
Dominica Resurrectionis

[Rank]
;;Duplex I classis cum Octava Privilegiata I;;7

[Rule]
1 nocturn;
Omit Hymnus Preces Suffragium Commemoratio;
Minores sine Antiphona;
Capitulum Versum 2;
Psalmi Dominica
Prima=53

[Ant Vespera]
@:Ant Laudes

[Ant 1]
Véspere autem sábbati * quæ lucéscit in prima sábbati, venit María Magdaléne, et áltera María, vidére sepúlcrum, allelúja.

[Oratio]
Deus, qui hodiérna die per Unigénitum tuum æternitátis nobis áditum devícta morte reserásti: vota nostra, quæ præveniéndo aspíras, étiam adjuvándo proséquere.
$Per eumdem

[Special Vespera 1]
#Sabbato Sancto special Paschal Vespera
_
$Pater noster
$Ave Maria
_
Ant. Allelúja, Allelúja, Allelúja.
(sed rubrica cisterciensis)
Ant. Allelúja, * Allelúja, Allelúja.
&psalm(116)
Ant. Allelúja, Allelúja, Allelúja.
_
Ant. Véspere autem sábbati quæ lucéscit in prima sábbati, venit María Magdaléne et áltera María vidére sepúlcrum, allelúja.
(sed rubrica cisterciensis)
Ant. Véspere autem Sábbati.
&psalm(232)
Ant. Véspere autem sábbati quæ lucéscit in prima sábbati, venit María Magdaléne et áltera María vidére sepúlcrum, allelúja.
(sed rubrica cisterciensis)
Ant. Véspere autem Sábbati, * quæ lucéscit in prima Sábbati, venit María Magdaléne, et áltera María vidére sepúlchrum, allelúia.

&Dominus_vobiscum
v. Orémus.
v. Spíritum nobis, Dómine, tuæ caritátis infúnde: ut, quos sacraméntis paschálibus satiásti, tua fácias pietáte concórdes.
$Per Dominum eiusdem
&Dominus_vobiscum

V. Benedicámus Dómino, allelúja, allelúja.
R. Deo grátias, allelúja, allelúja.
(nisi rubrica cisterciensis) $Fidelium animae
$Pater noster

[Invit]
Surréxit Dóminus vere, * Allelúja.

[Prelude Matutinum] (rubrica 1955 aut rubrica 1960)
!Cum solemnis vigiliæ paschalis celebratio locum obtineat officii nocturni dominicæ Resurrectionis, Matutino ejusdem dominicæ Resurrectionis omisso, statim inter Missarum vigiliæ solemnia, post communionem, cantatur Laudes. Officium dominicæ Resurrectionis prosequitur deínde cum Prima.
_
!Qui vero solemni vigiliæ paschali non interfuerunt, tenentur dicere Matutinum et Laudes dominicæ Resurrectionis.

[Ant Matutinum]
Ego sum qui sum, * et consílium meum non est cum ímpiis, sed in lege Dómini volúntas mea est, allelúja.;;1
Postulávi Patrem meum, * allelúja: dedit mihi gentes, allelúja, in hereditátem, allelúja.;;2
Ego dormívi, * et somnum cepi: et exsurréxi, quóniam Dóminus suscépit me, allelúja, allelúja.;;3
V. Surréxit Dóminus de sepúlcro, allelúja.
R. Qui pro nobis pepéndit in ligno, allelúja.

[Lectio1]
Léctio sancti Evangélii secúndum Marcum
!Marc 16:1-7
In illo témpore: María Magdaléne, et María Jacóbi, et Salóme emérunt arómata, ut veniéntes úngerent Jesum. Et réliqua.
_
Homilía sancti Gregórii Papæ
!Homilia 21 in Evangelia
Audístis, fratres caríssimi, quod sanctæ mulíeres, quæ Dóminum fúerant secútæ, cum aromátibus ad monuméntum venérunt, et ei, quem vivéntem diléxerant, étiam mórtuo, stúdio humanitátis obsequúntur. Sed res gesta áliquid in sancta Ecclésia signat geréndum. Sic quippe necésse est ut audiámus quæ facta sunt, quátenus cogitémus étiam quæ nobis sint ex eórum imitatióne faciénda. Et nos ergo in eum, qui est mórtuus, credéntes, si odóre virtútum reférti, cum opinióne bonórum óperum Dóminum quǽrimus, ad monuméntum profécto illíus cum aromátibus venímus. Illæ autem mulíeres Angelos vident, quæ cum aromátibus venérunt: quia vidélicet illæ mentes supérnos cives aspíciunt, quæ cum virtútum odóribus ad Dóminum per sancta desidéria proficiscúntur.

[Responsory1]
R. Angelus Dómini descéndit de cælo, et accédens revólvit lápidem, et super eum sedit, et dixit muliéribus:
* Nolíte timére: scio enim quia crucifíxum quǽritis: jam surréxit: veníte, et vidéte locum, ubi pósitus erat Dóminus, allelúja.
V. Et introëúntes in monuméntum, vidérunt júvenem sedéntem in dextris, coopértum stola cándida, et obstupuérunt: qui dixit illis.
R. Nolíte timére: scio enim quia crucifíxum quǽritis: jam surréxit: veníte, et vidéte locum, ubi pósitus erat Dóminus, allelúja.
&Gloria
R. Angelus Dómini descéndit de cælo, et accédens revólvit lápidem, et super eum sedit, et dixit muliéribus: * Nolíte timére: scio enim quia crucifíxum quǽritis: jam surréxit: veníte, et vidéte locum, ubi pósitus erat Dóminus, allelúja.

[Lectio2]
Notándum vero nobis est, quidnam sit, quod in dextris sedére Angelus cérnitur. Quid namque per sinístram, nisi vita præsens: quid vero per déxteram, nisi perpétua vita designátur? Unde in Cánticis canticórum scriptum est: Læva ejus sub cápite meo, et déxtera illíus amplexábitur me. Quia ergo Redémptor noster jam præséntis vitæ corruptiónem transíerat, recte Angelus qui nuntiáre perénnem ejus vitam vénerat, in déxtera sedébat. Qui stola cándida coopértus appáruit: quia festivitátis nostræ gáudia nuntiávit. Candor étenim vestis, splendórem nostræ denúntiat solemnitátis. Nostræ dicámus, an suæ? Sed ut fateámur vérius, et suæ dicámus, et nostræ. Illa quippe Redemptóris nostri resurréctio et nostra festívitas fuit, quia nos ad immortalitátem redúxit: et Angelórum festívitas éxstitit, quia nos revocándo ad cæléstia, eórum númerum implévit.

[Responsory2]
R. Cum transísset sábbatum, María Magdaléne, et María Jacóbi, et Salóme emérunt arómata,
* Ut veniéntes úngerent Jesum, allelúja, allelúja.
V. Et valde mane una sabbatórum, véniunt ad monuméntum, orto jam sole.
R. Ut veniéntes úngerent Jesum, allelúja, allelúja.
&Gloria
R. Ut veniéntes úngerent Jesum, allelúja, allelúja.

[Lectio3]
In sua ergo ac nostra festivitáte Angelus in albis véstibus appáruit: quia dum nos per resurrectiónem Domínicam ad supérna redúcimur, cæléstis pátriæ damna reparántur. Sed quid adveniéntes féminas affátur, audiámus: Nolíte expavéscere. Ac si apérte dicat, Páveant illi, qui non amant advéntum supernórum cívium: pertiméscant, qui carnálibus desidériis pressi, ad eórum se societátem pertíngere posse despérant. Vos autem, cur pertiméscitis, quæ vestros concíves vidétis? Unde et Matthǽus Angelum apparuísse descríbens, ait: Erat aspéctus ejus sicut fulgur, et vestiménta ejus sicut nix. In fúlgure étenim terror timóris est, in nive autem blandiméntum candóris.
&teDeum

[Ant Laudes]
Angelus autem Dómini * descéndit de cælo, et accédens revólvit lápidem, et sedébat super eum, allelúja, allelúja.
Et ecce terræmótus * factus est magnus: Angelus enim Dómini descéndit de cælo, allelúja.
Erat autem * aspéctus ejus sicut fulgur, vestiménta autem ejus sicut nix, allelúja, allelúja.
Præ timóre autem ejus * extérriti sunt custódes, et facti sunt velut mórtui, allelúja.
Respóndens autem Angelus, * dixit muliéribus: Nolíte timére: scio enim quod Jesum quǽritis, allelúja.

[Ant Laudes] (rubrica cisterciensis)
Allelúia, * allelúia, allelúia.

[Versum 2]
Ant. Hæc dies * quam fecit Dóminus: exsultémus et lætémur in ea.

[Ant 2]
Et valde mane * una sabbatórum véniunt ad monuméntum, orto jam sole, allelúja.

[Prelude Laudes] (rubrica 1955 aut rubrica 1960)
@:Prelude Matutinum

[Ant 3]
Et respiciéntes * vidérunt revolútum lápidem: erat quippe magnus valde, allelúja.

[Ant 3] (rubrica cisterciensis)
Christus * resúrgens ex mórtuis, jam non móritur, mors illi ultra non dominábitur, quod enim vivit, vivit Deo, allelúia, allelúia.

[Ant 41]
Véspere autem sábbati * quæ lucéscit in prima sábbati, venit María Magdaléne, et áltera María, vidére sepúlcrum, allelúja.

[Ant 43]
Allelúja, allelúja, allelúja, allelúja.
Hæc dies * quam fecit Dóminus: exsultémus et lætémur in ea.