[Officium]
Dominica infra Octavam Epiphaniæ

[Rank]
;;Semiduplex;;5.61;;ex Sancti/01-06

[Rule]
ex Sancti/01-06
9 lectiones
Initia cum responsory
Psalm5 Vespera=113(rubrica tridentina)

[Versum 1]
@Sancti/01-06

[Versum 1] (rubrica cisterciensis)
V. Adoráte Deum.
R. Omnes Angeli ejus.

[Versum Commemoratio]
@Sancti/01-06:Versum Tertia

[Ant 1]
Remánsit puer Jesus * in Jerúsalem, et non cognovérunt paréntes ejus existimántes illum esse in comitátu: et requirébant eum inter cognátos et notos.

[Oratio]
Vota, quǽsumus, Dómine, supplicántis pópuli cælésti pietáte proséquere: ut et quæ agénda sunt, vídeant, et ad implénda quæ víderint, convaléscant.
$Per Dominum

[Lectio1]
Incipit Epístola prima beáti Pauli Apóstoli ad Corínthios
!1 Cor 1:1-3
1 Paulus vocátus Apóstolus Jesu Christi per voluntátem Dei, et Sósthenes frater,
2 ecclésiæ Dei, quæ est Corínthi, sanctificátis in Christo Jesu, vocátis sanctis, cum ómnibus qui ínvocant nomen Dómini nostri Jesu Christi, in omni loco ipsórum et nostro.
3 Grátia vobis, et pax a Deo Patre nostro, et Dómino Jesu Christo.

[Responsory1]
@Sancti/01-06

[Lectio2]
!1 Cor 1:4-9
4 Grátias ago Deo meo semper pro vobis in grátia Dei, quæ data est vobis in Christo Jesu:
5 quod in ómnibus dívites facti estis in illo, in omni verbo, et in omni sciéntia.
6 Sicut testimónium Christi confirmátum est in vobis:
7 ita ut nihil vobis desit in ulla grátia, exspectántibus revelatiónem Dómini nostri Jesu Christi,
8 qui et confirmábit vos usque in finem sine crímine, in die advéntus Dómini nostri Jesu Christi.
9 Fidélis Deus: per quem vocáti estis in societátem fílii ejus Jesu Christi Dómini nostri.

[Responsory2]
@Sancti/01-06

[Lectio3]
!1 Cor 1:10-13
10 Obsécro autem vos fratres per nomen Dómini nostri Jesu Christi: ut idípsum dicátis omnes, et non sint in vobis schísmata: sitis autem perfécti in eódem sensu, et in eádem senténtia.
11 Significátum est enim mihi de vobis fratres mei ab iis, qui sunt Chloes, quia contentiónes sunt inter vos.
12 Hoc autem dico, quod unusquísque vestrum dicit: Ego quidem sum Pauli: ego autem Apóllo: ego vero Cephæ: ego autem Christi.
13 Divísus est Christus? numquid Paulus crucifíxus est pro vobis? aut in nómine Pauli baptizáti estis?

[Responsory3]
@Sancti/01-06

[Lectio4]
Sermo sancti Leónis Papæ
!Serm. 4. de Epiphania
Justum et rationábile, dilectíssimi, veræ pietátis obséquium est, in diébus, qui divínæ ópera misericórdiæ protestántur, toto corde gaudére, et honorífice ea, quæ ad salútem nostram gesta sunt, celebráre, vocánte nos ad hanc devotiónem ipsa recurréntium témporum lege, quæ nobis post diem, in quo coætérnus Patri Fílius Dei natus ex Vírgine est, brevi intervállo Epiphaníæ íntulit festum, ex apparitióne Dómini consecrátum.

[Lectio5]
In quo fídei nostræ magnum præsídium providéntia divína constítuit: ut, dum solémni veneratióne recólitur adoráta in exórdiis suis Salvatóris infántia, per ipsa originália documénta probarétur veri hóminis in Christo orta natúra. Hoc enim est, quod justíficat ímpios: hoc est, quod ex peccatóribus facit sanctos, si in uno eodémque Dómino nostro Jesu Christo et vera Déitas, et vera credátur humánitas: Déitas, qua ante ómnia sǽcula in forma Dei æquális est Patri: humánitas, qua novíssimis diébus in forma servi unítus est hómini.

[Lectio6]
Ad roborándum ergo hanc fidem, quæ contra omnes pronuntiabátur erróres, ex magna gestum est divíni pietáte consílii, ut gens in longínqua Orientális plagæ regióne consístens, quæ spectandórum síderum arte pollébat, signum nati púeri, qui supra omnem Israël esset regnatúrus, accíperet. Nova étenim cláritas apud Magos stellæ illustrióris appáruit, et intuéntium ánimos ita admiratióne sui splendóris implévit, ut nequaquam sibi créderent negligéndum, quod tanto nuntiabátur indício.

[Lectio7]
Léctio sancti Evangélii secúndum Lucam
!Luc 2:42-51
Cum factus esset Jesus annórum duódecim, ascendéntibus illis Jerosólymam secúndum consuetúdinem diéi festi, consummatísque diébus, cum redírent, remánsit puer Jesus in Jerúsalem. Et réliqua.
_
Homilía sancti Ambrósii Epíscopi
!Lib. 2. in cap. 2. Lucæ, in fine
A duodécimo anno, ut légimus, Domínicæ súmitur disputatiónis exórdium. Hic enim prædicándæ fídei evangelizántium númerus debebátur. Nec otióse ímmemor suórum secúndum carnem paréntum, qui secúndum carnem útique sapiéntia Dei implebátur et grátia, post tríduum reperítur in templo: ut esset indício, quia post tríduum triumphális illíus passiónis, in sede cælésti, et honóre divíno, fídei nostræ se suscitátus offérret, qui mórtuus credebátur.

[Lectio8]
Quid est quod me quærebátis? Duæ sunt in Christo generatiónes: una est patérna, matérna áltera. Patérna illa divínior; matérna vero, quæ in nostrum labórem usúmque descéndit. Et ídeo quæ supra natúram, supra ætátem, supra consuetúdinem fiunt, non humánis assignánda virtútibus, sed divínis referénda sunt potestátibus. Alibi eum ad ministérium mater impéllit, hic mater arguitur, quia adhuc quæ humána sunt, éxigat. Sed cum hic duódecim describátur annórum, illic discípulos habére dicátur; vides matrem didicísse a fílio, ne exígeret a validióre ministérium, quæ stupébat in junióre miráculum.

[Lectio9]
Et venit Názareth, et erat súbditus illis. Quid enim magíster virtútis, nisi offícium pietátis impléret? Et mirámur, si Patri defert, qui súbditur matri? Non útique infirmitátis, sed pietátis ista subjéctio est: attóllat licet sævis emíssus látebris cóluber perfídiæ caput, et serpentínis évomat venéna pectóribus. Cum dicit se Fílius missum, majórem hæréticus appéllet Patrem, ut imperféctum Fílium dicat, qui potest habére majórem: ut aliénis auxíliis ásserat eum, qui míttitur, indigére. Numquid et humáno egébat auxílio, ut matérno servíret império?
&teDeum

[Capitulum Laudes]
!Rom 12:1
v. Fratres: Obsécro vos per misericórdiam Dei, ut exhibeátis córpora vestra hóstiam vivéntem, sanctam, Deo placéntem, rationábile obséquium vestrum.
$Deo gratias

[Versum 2]
@Sancti/01-06

[Versum 2] (rubrica cisterciensis)
@:Versum 1

[Ant 2]
@:Ant 1

[Capitulum Sexta]
!Rom 12:3
v. Dico enim per grátiam quæ data est mihi ómnibus qui sunt inter vos non plus sápere quam opórtet sápere sed sápere ad sobrietátem unicuíque sicut Deus divísit mensúram fídei.
$Deo gratias

[Capitulum Nona]
!Rom 12:4-5
v. Sicut enim in uno córpore multa membra habémus ómnia autem membra non eundem actum habent ita multi unum corpus sumus in Christo sínguli autem alter altérius membra.
$Deo gratias

[Versum 3]
@:Versum 1

[Versum 3] (rubrica cisterciensis)
@:Versum 1

[Ant 3]
Fili, quid fecísti * nobis sic? Ego et pater tuus doléntes quærebámus te. Quid est quod me quærebátis? nesciebátis quia in iis, quæ Patris mei sunt, opórtet me esse?