[Scriptura]
Feria Quinta post Dominicam V. Novembris

[Lectio1]
Incipit Aggǽus Prophéta
!Agg 1:1-2
1 In anno secúndo Daríi regis, in mense sexto, in die una mensis, factum est verbum Dómini in manu Aggǽi prophétæ, ad Zoróbabel, fílium Saláthiel, ducem Juda, et ad Jesum, fílium Jósedec, sacerdótem magnum, dicens:
2 Hæc ait Dóminus exercítuum, dicens: Pópulus iste dicit: Nondum venit tempus domus Dómini ædificándæ.

[Responsory1]
@Tempora/Pent01-0:Responsory1

[Lectio2]
!Agg 1:3-6
3 Et factum est verbum Dómini in manu Aggǽi prophétæ, dicens: 
4 Numquid tempus vobis est ut habitétis in dómibus laqueátis, et domus ista desérta? 
5 Et nunc hæc dicit Dóminus exercítuum: Pónite corda vestra super vias vestras: 
6 seminástis multum, et intulístis parum; comedístis, et non estis satiáti; bibístis, et non estis inebriáti; operuístis vos, et non estis calefácti; et qui mercédes congregávit, misit eas in sácculum pertúsum.

[Responsory2]
@Tempora/111-0:Responsory2

[Lectio3]
!Agg 1:7-10
7 Hæc dicit Dóminus exercítuum: Pónite corda vestra super vias vestras,
8 ascéndite in montem, portáte ligna, et ædificáte domum: et acceptábilis mihi erit, et glorificábor, dicit Dóminus. 
9 Respexístis ad ámplius, et ecce factum est minus; et intulístis in domum, et exsufflávi illud. Quam ob causam? dicit Dóminus exercítuum, quia domus mea desérta est, et vos festinátis unusquísque in domum suam. 
10 Propter hoc super vos prohíbiti sunt cæli ne darent rorem, et terra prohíbita est ne daret germen suum.

[Responsory3]
@Tempora/111-0:Responsory3