[Lectio1]
De Ezechiéle Prophéta
!Ezek 41:1-3
1 Et introdúxit me in templum, et mensus est frontes: sex cúbitos latitúdinis hinc, et sex cúbitos latitúdinis inde, latitúdinem tabernáculi, 
2 et latitúdo portæ decem cubitórum erat: et látera portæ quinque cúbitis hinc, et quinque cúbitis inde; et mensus est longitúdinem ejus quadragínta cubitórum, et latitúdinem viginti cubitórum.
3 Et introgréssus intrínsecus, mensus est in fronte portæ duos cúbitos: et portam, sex cubitórum: et latitúdinem portæ septem cubitórum.

[Responsory1]
@Tempora/Pent01-0:Responsory1

[Lectio2]
!Ezek 41:4-6
4 Et mensus est longitúdinem ejus viginti cubitórum, et latitúdinem ejus vigínti cubitórum, ante fáciem templi et dixit ad me: Hoc est sanctum sanctórum. 
5 Et mensus est paríetem domus sex cubitórum: et latitúdinem láteris quatuor dubitórum, úndique per circúitum domus.
6 Látera autem, latus ad latus bis trigínta tria; et erant eminéntia, quæ ingrederéntur per paríetem domus, in latéribus per circúitum, ut continérent, et non attíngerent paríetem templi.

[Responsory2]
@Tempora/111-0:Responsory2

[Lectio3]
!Ezek 41:7-9
7 Et platéa erat in rotúndum, ascéndens sursum per cóchleam, et in cœnáculum templi deferébat per gyrum. Idcírco latius erat templum in superióribus; et sic ide inferióribus ascendebátur ad superióra in medium.
8 Et vidi in domo altitúdinem per circúitum, fundáta látera ad mensuram cálami, sex cubitórum spátio;
9 et latitúdinem per paríetem láteris forínsecus quinque cubitórum: et erat intérior domus in latéribus domus.

[Responsory3]
@Tempora/111-0:Responsory3