[Lectio1]
De libro Esther
!Esth 5:1-5
1 Die autem tértio indúta est Esther regálibus vestiméntis et stetit in átrio domus régiæ, quod erat intérius contra basílicam regis. At ille sedébat super sólium suum in consistório palátii contra óstium domus. 
2 Cumque vidísset Esther regínam stantem, plácuit óculis ejus et exténdit contra eam virgam áuream quam tenébat manu. Quæ accédens osculáta est summitátem virgæ ejus, 
3 dixítque ad eam rex: Quid vis, Esther regína? quæ est petítio tua? Etiam si dimídiam partem regni petíeris, dábitur tibi. 
4 At illa respóndit: Si regi placet, óbsecro ut vénias ad me hódie et Aman tecum ad convívium quod parávi. 
5 Statímque rex, Vocáte, inquit, cito Aman ut Esther obédiat voluntáti.

[Responsory1]
@Tempora/095-0:Responsory1

[Lectio2]
!Esth 5:9-13
9 Egréssus est ítaque illo die Aman lætus et álacer. Cumque vidísset Mardochǽum sedéntem ante fores palátii, et non solum non assurrexísse sibi, sed nec motum quidem de loco sessiónis suæ, indignátus est valde; 
10 et, dissimuláta ira, revérsus in domum suam convocávit ad se amícos suos et Zares uxórem suam,
11 et expósuit illis magnitúdinem divitiárum suárum filiorúmque turbam et quanta eum glória super omnes príncipes et servos suos rex elevásset. 
12 Et post hæc ait: Regína quoque Esther nullum álium vocávit ad convívium cum rege, præter me, apud quam étiam cras cum rege pransúrus sum;
13 et cum hæc ómnia hábeam, nihil me habére puto, quámdiu vídero Mardochǽum Judǽum sedéntem ante fores régias.

[Responsory2]
@Tempora/094-0:Responsory7

[Lectio3]
!Esth 5:14
14 Responderúntque ei Zares uxor ejus et céteri amíci: Jube parári excélsam trabem habéntem altitúdinis quinquagínta cúbitos, et dic mane regi ut appendátur super eam Mardochǽus; et sic ibis cum rege lætus ad convívium. Plácuit ei consílium et jussit excélsam parári crucem.

[Responsory3]
@Tempora/095-0:Responsory3