[Lectio1]
De libro Ecclesiástici
!Sir 7:1-5
1 Noli fácere mala, et non te apprehéndent: 
2 discéde ab iníquo, et defícient mala abs te. 
3 Fili, non sémines mala in sulcis injustítiæ et non metes ea in séptuplum. 
4 Noli quǽrere a dómino ducátum, neque a rege cáthedram honóris. 
5 Non te justífices ante Deum, quóniam ágnitor cordis ipse est: et penes regem noli velle vidéri sápiens.

[Responsory1]
@Tempora/081-1:Responsory1

[Lectio2]
!Sir 7:6-10
6 Noli quǽrere fíeri judex, nisi váleas virtúte irrúmpere iniquitátes; ne forte extiméscas fáciem poténtis et ponas scándalum in æquitáte tua. 
7 Non pecces in multitúdinem civitátis nec te immíttas in pópulum:
8 neque álliges duplícia peccáta, nec enim in uno eris immúnis. 
9 Noli esse pusillánimis in ánimo tuo, 
10 exoráre et fácere eleemósynam ne despícias.

[Responsory2]
@Tempora/081-1:Responsory2

[Lectio3]
!Sir 7:11-15
11 Ne dicas: In multitúdine múnerum meórum respíciet Deus et, offerénte me Deo altíssimo, múnera mea suscípiet. 
12 Non irrídeas hóminem in amaritúdine ánimæ; est enim qui humíliat et exáltat, circumspéctor Deus. 
13 Noli aráre mendácium advérsus fratrem tuum, neque in amícum simíliter fácias. 
14 Noli velle mentíri omne mendácium; assidúitas enim illíus non est bona. 
15 Noli verbósus esse in multitúdine presbyterórum, et non íteres verbum in oratióne tua.

[Responsory3]
@Tempora/081-1:Responsory3