[Officium]
Ss Mauri et Placidi, discipulorum SPN Benedicti, Confessores

[Rank]
;;Duplex;;3;;vide C4

[Ant Vespera]
@:Ant Laudes

[Responsory Vespera]
R.br. Óculi Dómini * Super metuéntes eum.
R. Óculi Dómini * Super metuéntes eum.
V. Et in eis, qui sperant super misericórdia ejus.
R. Super metuéntes eum.
&Gloria
R. Óculi Dómini * Super metuéntes eum.

[Hymnus Vespera]
v. Inclytos Christi fámulos canámus,
Quos, fide claros nitidísque gestis,
Hac die tellus sociáta cælo
Láudibus ornat.
_
Quippe qui mites, húmiles, pudíci,
Nésciam culpæ coluére vitam,
Donec e terris ánimus volávit
Liber ad astra.
_
Inde jam gaudent míseris adésse,
Fléntium tergunt lácrimas, medéntur
Méntium plagis, vitiáta reddunt
Membra salúti.
_
Nostra laus ergo résonet benígnis
His Dei servis referátque grates,
Qui pia pergant ope nos juváre
Rebus in arctis.
_
Sit Deo soli decus et potéstas,
Laus in excélsis honor ac perénnis,
Qui suis totum móderans gubérnat
Légibus orbem.
Amen.

[Oratio]
Concéde, quǽsumus, omnípotens Deus: ut ad meliórem vitam beatórum Mauri et Plácidi Confessórum tuórum exémpla nos próvocent; quátenus, quorum memóriam ágimus, étiam actus imitémur.
$Per Dominum

[Hymnus Matutinum]
@:Hymnus Vespera

[Responsory1]
R. Prolápsu in lacum Plácido, Maurus ádvolans, † spíritu Dei ferebátur super aquas, 
* Dum Patri suo in audítu auris obedíret.
V. Aquæ multæ non potuérunt extínguere caritátem ejus, † neque flúmina eam obrúere.
R. Dum Patri suo in audítu auris obedíret.

[Lectio94]
De libro secúndo Dialogórum sancti Gregórii Papæ 
!Lib. 2, Cap. 7.
Quadam vero die dum idem venerábilis Benedíctus in cella consísteret, Plácidus puer, sancti viri mónachus, ad hauriéndam de lacu aquam egréssus est: qui vas, quod tenébat, in aquam incáute submíttens, ipse quoque cadéndo secútus est. Quem mox unda rápuit, et pæne ad uníus sagíttæ cursum, eum a terra intrórsus traxit. Vir autem Dei intra cellam pósitus, hoc prótinus agnóvit, et Maurum festíne vocávit, dicens: Frater Maure, curre, quia puer ille, qui ad hauriéndam aquam perréxerat, in lacum cécidit: jamque eum lóngius unda trahit. Res mira, et post Petrum Apóstolum inusitáta! Benedictióne étenim postuláta atque percépta, ad Patris sui impérium cóncitus perréxit Maurus, atque usque ad eum locum quo ab unda deducebátur puer, per terram se ire exístimans, super aquam cucúrrit, eúmque per capíllos tenens, cursu rápido rédiit. Qui mox ut terram tétigit, ad se revérsus, post tergum respéxit, et quia super aquas cucurrísset agnóvit: et quod præsúmere non potuísset ut fíeret, mirátus extrémuit factum. Revérsus ítaque ad Patrem, rem gestam rétulit. Vir autem venerábilis Benedíctus hoc non suis méritis, sed illíus obediéntiæ deputáre coepit; at contra Maurus pro solo ejus império factum dicébat: seque cónscium in illa virtúte non esse, quam néscius feciíset. Sed in hac mútuæ humilitátis et amíca contentióne accéssit árbiter puer, qui eréptus est, namque dicébat: Ego cum ex aqua tráherer, super caput meum Abbátis melótem vidébam, atque ipsum me ex aquis edúcere considerábam.

[MM Capitulum]
@:Capitulum Sexta
_
@:Responsory SextaM

[Ant Laudes]
Justi * fulgébunt sicut sol in regno Patris eórum.
Grátia Dei, * et misericórdia est in Sanctos ejus, et respéctus in eléctos illíus.
Ideo accípient * regnum decóris, et diadéma speciéi de manu Dómini.
Benidícite, * sancti et húmiles corde, Dómino ; laudáte et superexaltáte eum in sǽcula.
Gaudéte * et exsultáte quóniam merces vestra copiósa est in cælis.

[Capitulum Laudes]
!Sir 2:7-8
v. Metuéntes Dóminum, sustinéte misericórdiam ejus: et non deflectátis ab illo, ne cadátis. Qui timétis Dóminum, crédite illi: et non evacuábitur merces vestra.
$Deo gratias

[Responsory Laudes]
R.br. Firmaméntum est Dóminus * Timéntibus eum.
R. Firmaméntum est Dóminus * Timéntibus eum.
V. Et testaméntum ipsíus ut manifestétur illis.
R. Timéntibus eum.
&Gloria
R. Firmaméntum est Dóminus * Timéntibus eum.

[Hymnus Laudes]
Beáta cæli gáudia,
Confessiónis prǽmium,
Christi o fidéles ásseclæ
Jam possidétis áffatim.
_
Laudes benígnis áuribus
Audíte, quas effúndimus
Nos éxsules de pátria
Vobis sacráto cántico.
_
Amóre Christi pérciti
Crucem tulístis ásperam,
Obœdiéntes, ímpigri
Et caritáte férvidi.
_
Spevístis artes dǽmonum
Sævúmque avérni príncipem
Christum faténdo móribus,
Migrástis inter sídera.
_
Jam nunc potíti glória,
Adéste votis ómnium
Ardénter exoptántium
Exémpla vestra prósequi.
_
Ut Christe, Rex piíssime,
Horum precátu, nóxia
Nobis remíttis crímina,
Clamámus ore súpplici.
_
Sit laus, honor, sit glória
Deo Patri cum Fílio
Sancto simul Paráclito
In sempitérna sǽcula.
Amen.

[Versum 2]
V. Justi confitebúntur nómini tuo, Dómine.
R. Et habitábunt recti cum vultu tuo.

[Ant 2]
Beáti servi illi * quos, cum vénerit Dóminus, invénerit vigilántes.

[Responsory TertiaM]
V. Óculi Dómini super metuéntes eum.
R. Et in eis, qui sperant super misericórdia ejus.

[Capitulum Sexta]
!Sir 2:9-10
v. Qui timétis Dóminum, speráte in illum: et in oblectatiónem véniet vobis misericórdia. Qui timétis Dóminum, dilígite illum: et illuminabúntur corda vestra.
$Deo gratias

[Responsory SextaM]
V. Accédite ad eum, et illuminámini.
R. Et fácies vestræ non confundéntur.

[Capitulum Nona]
!Sir 2:11
v. Respícite fílii natiónes hóminum: et scitóte quia nullus sperávit in Dómino et confúsus est.
$Deo gratias

[Responsory NonaM]
@:Versum 2

[Versum 3]
@:Versum 2

[Ant 3]
A sǽculo * non audiérunt, neque áuribus percepérunt: óculus non vidit, Deus, absque te, quæ præparásti exspectántibus te.