[Officium]
S. Annæ, Matris B.M.V.

[Rank]
;;Serm. min.;;5;;ex C7a
(sed rubrica 1951)
;;Duplex;;4;;ex C7a

[Rule]
ex C7a;
12 lectiones

[Name]
Annæ

[Oratio]
Deus, qui beátæ Annæ grátiam conferre dignátus es, ut Genitrícis Unigéniti Fílii tui Mater éffici mererétur, § concéde propítius: * ut cujus solémnia celebrámus, § ejus apud te patrocíniis adjuvémur.
$Per eumdem

[Hymnus Vespera]
v. Orbis exúltans célebret hoc festum, 
Prósequens Annam matrem Matris Christi, 
Quam sacris credit áctibus adéptam, 
Gáudia vitæ.
_ 
Abrahæ proles sacerdótum semen, 
Fília regum, spéciem Hebræum, 
stirpem Sanctórum méritis et vita 
Nobilitávit. 
_
Stérili ventre prius infœcúnda, 
Nutu divíno péperit Maríam 
Dóminam rerum, títulum, florémque 
Virginitatis. 
_
Hac mediánte Jesu Christe, nostros 
Terge reátus, nóxia propulsans,
Fíliæ suæ, tuæ Matris prece,
Propitiátus.
_
Donet hoc nobis píetas Patérna,
Simul cum Nato, Spiritúque sancto:
Ut Matris Annæ précibus juvémur
Tempus in omne.
Amen.

[Ant 1]
Gaude, * mater magnæ prolis, ex te enim procéssit rútillans stella summi solis.

[Invit]
Christum regem, Filium David, * Venite adoremus.

[Hymnus Matutinum]
v. Fœcúnda radix Isai 
Florem pudícum gérminat, 
Dei datúram Fílium 
Orbi dat Anna Vírginem. 
_
Jam sperat humánum genus 
Caput tenébris éxcitans, 
Lucémque primam cónspicit 
Annæ coruscántem sinu. 
_
Hanc vota puri péctoris
Zelóque concéptæ preces
Prolem meréntur ómnium
Matrem salútis gígnere.
_
Deo Patri sit glória,
Ejúsque soli Fílio,
Cum Spíritu Paráclito,
Et nunc, et in perpétuum.
Amen.

[Lectio4]
Sermo sancti Leónis, Papæ
!#
Semper quidem, dilectíssimi, divérsis modis multísque mensúris humáno géneri bónitas divína consúluit, et plúrima providéntiæ suæ múnera ómnibus retro sǽculis cleménter impértiit; sed in novíssimis tempóribus omnem abundántiam sólitæ benignitátis excéssit, quando in Christo, ipsa ad peccatóres misericórdia, ipsa ad errántes véritas, ipsa ad mórtuos vita descéndit: ut Verbum illud coætérnum et coæquále Genitóri in unitátem Deitátis suæ natúram nostræ humilitátis assúmeret, et Deus de Deo natus, idem étiam homo de hómine nascerétur.  Hinc idem Dóminus per Isaíam: Ecce virgo, inquit, in útero accípiet, et páriet fílium, et vocábitur nomen ejus Emmánuel: quod interpretátur, Nobíscum Deus. Et íterum: Exiet virga de radíce Jesse, et flos de radíce ejus ascéndet. In qua virga non dúbie beáta Virgo María prædícta est, quæ de Jesse et David stirpe progénita, et Spíritu Sancto fecundáta, novum florem carnis humánæ, útero quidem matérno, sed partu est eníxa virgíneo.

[Responsory1]
R. O clara stirps Davídica, micans quasi jubar solis
* Ex qua prodiérunt Jóachim et Anna, mérito fulgéntes præcípuo.
V. Nóbilis vere dignáque progénies, univérso mundo valde gratiósa.
R. Ex qua prodiérunt Jóachim et Anna, mérito fulgéntes præcípuo.

[MM Capitulum]
@:Capitulum Sexta
_
@Commune/C3:Responsory Tertia:s/.*_.//s

[Hymnus Laudes]
v. Claræ diéi gáudiis
Gestit parens Ecclésia, 
Annámque Judææ decus 
Matrem Maríæ cóncinit.
_
Regum piórum sánguini 
Jungens sacerdótes avos, 
Illustris Anna spléndidis 
Vincit genus virtútibus. 
_
Cœlo favente, cóntrahit 
Thori fidélis vínculum: 
Effœta dudum córpore
Prolem beátam cóncipit.
_
Audit monéntis Angeli
Felix parens oráculum:
Castóque format péctore
Perénne sidus vírginum.
_
Deo Patri sit glória,
Ejúsque soli Fílio,
Cum Spíritu Paráclito,
Et nunc, et in perpétuum.
Amen.

[Ant 2]
Cœléste benefícium * introívit in Annam, de qua nata est nobis pia Virgo María.

[Ant 3]
Jucundáre génitrix * Maríæ, quæ Virgo Deum péperit, et Mater est Messíæ.