[Officium]
S. P. N. Stephani, Tertii Abbatis Cistercii

[Rank]
;;Serm. maj.;;6;;ex C5b

[Rule]
ex C5b;mtv
Antiphonas horas
Psalmi Dominica
12 lectiones

[Ant Vespera]
@SanctiM/03-21C::1-3
@CommuneM/C5::5

[Responsory Vespera 1]
R. O beáti viri Stéphani sancta præcónia, o inæstimábilis diléctio charitátis! 
* Qui dum sæculi pompam contémpsit, ætérnæ vitæ conjúnctus est.
V. Cui vívere Christus fuit, et mori lucrum:
R. Qui dum sæculi pompam contémpsit, ætérnæ vitæ conjúnctus est.

[Versum 1]
V. Ora pro nobis, beáte Pater Stéphane.
R. Ut digni efficiámur promissiónibus Christi.

[Versum 2]
@:Versum 1

[Versum 3]
@:Versum 1

[Oratio]
Excita, Dómine, in Ecclésia tua Spíritum, cui beátus Stéphanus, Abbas, servívit: * ut, eódem nos repléti, studeámus amáre quod amávit, § et ópere exercére quod dócuit. 
$Per Dominum eiusdem

[Invit]
@SanctiM/03-21C

[Lectio5]
Stéphanus cognoménto Hardíngus, génere nóbilis, natióne Anglus, adoléscens in Schirburnénsi Monastério hábitum índuit regulárem. In Scótiam‚ studiórum causa, mox in Gálliam Parísios transfretávit: ubi humanióribus lítteris, et sacris disciplínis ápprime instrúctus, Romam proficíscitur‚ clérico sócio sibi adjúncto‚ cum quo síngulis diébus psaltérium ex íntegro decantábat. Sacris limínibus visitátis‚ Gállias læti repetébant‚ cum ecce nova Molísmi solitúdo Stéphanum alléxit, in qua se beátis pátribus Robérto et Alberíco cómitem adjúnxit.

[Lectio6]
In partem curæ assúmptus, et deformátam póstea in Molísmo disciplínam cóndolens, tantum effécit, ut cum verbum innovándæ religiónis motum fuísset, ipse primus inter primos ferventíssimo stúdio laboráverit, ac modis ómnibus instíterit‚ ut locus et Ordo Cisterciénsis instituerétur: quod approbante Hugóne Lugdunénsi Archiepiscopo Apostólicæ Sedis tunc Legáto, novum Monastérium una cum sóciis ædificávit‚ ubi primum sub sancto Robérto primo Abbáte Súpprior, mox sub Alberíco Prior efféctus, ipsi demum e vivis subláto, ómnium cálculis sufféctus est.

[Lectio7]
Divíno óperi persolvéndo vir ille Dei talem adhibébat reveréntiam, ut cogitatiónes suas oratórium ingressúrus, depóneret ad óstium: regulárem observántiam ádeo excolébat‚ ut cúrias príncipum a cœnóbio relegáret: paupertátem ita diligébat, ut ipsíus étiam Ecclesiásticæ suppelléctilis tenuitátem observándam pósteris demandáret. De filiórum morte, sine apparénti prole contristátus, mox per apparitiónem unius e frátribus nuper defúncti, ét per advéntum sancti Bernárdi sociorúmque ejus, miram Ordinis sui fœcunditátem Dómino revelánte futúram agnóvit.

[Lectio8]
Multiplicátam ítaque gentem suam conspíciens, eamque simul in Dómino cólligens‚ ómnia illíus Monastéria légibus statutísque simílibus stúduit conformáre, ob idque Chartam charitátis a Callísto secúndo confirmátam, et a successóribus Summis Pontificibus collaudátam‚ cum consílio fratrum suórum compósuit. Vírgini Deíparæ summe devótus, novéllam hanc plantatiónem ipsíus addíxit clientélæ singulári: et sénio conféctus, morbis et labóribus prægravátus, cessit præfectúræ, Rainárdum sibi substítui curans, amóto Uvidóne. Tandem méritis plenus, et húmilis spíritu migrávit ad Dóminum quinto Kaléndas Aprílis anni millésimi centésimi trigésimi quarti, ejúsque corpus juxta prædecessóris Alberíci sepultúram solémniter a vicínis Abbátibus appósitum fuit.

[Capitulum Laudes]
@SanctiM/03-21C

[Ant Vespera 3]
@CommuneM/C5:Ant Vespera