@SanctiM/03-21

[Officium]
In Solemnitate S. P. N. Benedicti Abbatis

[Rank]
;;II class;;5;;vide C5

[Rule]
vide C5;
12 lectiones

[Ant Vespera]
@:Ant Laudes

[Hymnus Vespera]
v. Gemma cælestis pretiosa Regis,
Norma justorum, via monachorum,
Nos ab immundi, Benedicte, mundi
Subtrahe cæno.
_
Tu solum spernens, cor in astra figens
Cogis heredes fieri parentes.,
Vas Deo plenum, repardare fractum
Promeruisti.
_
Magnus in parvis eremita membris
Vincis ætatem, superas laborem,
Arcta Districtæ rudimenta vitæ
Fervidus imples.
_
Strage saxorum puerum sepultum,
Mox ut orasti, prece suscitasti:
Sensus hinc carni, caro sanitati
Redditur æque.
_
Jure sub blandæ specie columbæ
Nesciam fellis animam sororis
Summa stellati penetrare cæli
Culmina cemis.
_
Ipse post clarum referens triumphum,
Celsa devicto petis astra mundo:
Luce flammantem radiante callem
Pallia sternunt.
_
Gloria Patri, Genitæque Proli,
Et tibi, compar utriusque semper
Spiritus alme, Deus unus, omni
Tempore sæcli.
Amen.

[Oratio]
Deus, qui beatíssimum Confessórem tuum Benedíctum ómnium justórum spíritu replére dignátus es: † concede nobis fámulis tuis, ejus Solemnitátem celebrántibus; ut, ejusdem spíritu repléti, quod te donánte promísimus fidéliter adimpleámus.
$Per Dominum

[Invit]
Laudémus Deum nostrum * In veneratióne beati Patris nostri Benedícti.

[Hymnus Matutinum]
Sígnifer invictíssime,
Sacráque dux milítiæ,
Nos, Benedícte, válido
Precum defénde brácchio.
_
His armis exsecrábilem
Leónis vince rábiem,
Quibus olim tetérrimam
Pellis ab ore mérulam.
_
Urtícre junctæ vépribus
Vulnus curant vulnéribus;
Flammáta mens divínitus
Ignem exstínguit ígnibus.
_
Crucem mittens ut lápidem
Venéni frangit cálicem:
Non valet mortis vásculum
Vitæ ferre signáculum.
_
Frater, quem tunc nequíssimus
Vagum raptábat spíritus,
Dum tua virga cǽditur,
Stabilitáti rédditur.
_
Deo Patri sit glória,
Ejusque soli Fílio,
Cum Spíritu Paráclito,
Et nunc, et in perpétuum.
Amen.

[Ant Matutinum]
Vir Dei * frátribus dixit: † Caute vos ágite, quia ad vos malígnus spíritus venit.;;1
Vix, qui mandátum * detúlerat, verba compléverat, † et páries córruens puérulum oppréssit, et ruína contrívit.;;2
Tunc cellam clausit, * et oratióni instántius quam solébat, incúbuit.;;4
Mira res! * Eádem hora puérulum incólumem atque ut prius valéntem ad labórem remísit.;;5
Omnipoténtis * Dei fámulus, preces Jesu Christo Dómino fundens, † antíquum hostem de obsésso hómine prótinus éxpulit.;;8
Imprévit Deus, * quod fidéli fámulo Benedícto promíserat, † ut ánimas custodíret.;;10
Venerábilis * Benedíctus dixit: † Signa cor tuum, frater, signa cor tuum.;;14
Hódie quidem * minus est, sed die crástina abundánter habébitis.;;20
Et sequénti die * ducénti farínæ módii ante fores cellæ invénti sunt.;;23
Tanti mériti * apud Jesum Christum iste vir fuit, † ut corpus illíus terra proíceret, qui Benedícti grátiam non habéret.;;95
Nemo * de ejus promissiónibus dubitáre potest, † qui uno eodémque moménto, pro vítreo vase pene vácuo, plenum óleo dólium réddidit.;;96
Benedíctus * in eo specu, in quo prius inhabitávit, † nunc usque, si peténtium fides éxigat, miráculis corúscat.;;97
Monachórum * Patriárcham collaudémus cánticis, et Patrónum celebrémus gloriósum miráculis.;;256;257;258

[Lectio1]
De libro Ecclesiástici
!Eccl 45:1-6
1 Diléctus Deo et homínibus Móyses, cujus memória in benedictióne est.
2 Símilem illum fecit in glória sanctórum, et magnificávit eum in timóre inimicórum, et in verbis suis monstra placávit.
3 Glorificávit illum in conspéctu regum, et jussit illi coram pópulo suo, et osténdit illi glóriam suam.
4 In fide et lenitáte ipsíus sanctum fecit illum, et elégit eum ex omni carne.
5 Audívit enim eum, et vocem ipsíus, et indúxit illum in nubem.
6 Et dedit illi coram præcépta, et legem vitæ et disciplínæ, docére Jacob testaméntum suum, et judícia sua Israël.

[Responsory1]
R. Ite, et rupem illam, in qua tres super se ínvicem pósitas petras invenéritis, in módico caváte:
* Valet enim omnípotens Deus in illo montis vértice aquam prodúcere.
V. Qui eúntes, rupem montis, quam Benedíctus prædíxerat, † jam sudántem invenérunt.
R. Valet enim omnípotens Deus in illo montis vértice aquam prodúcere.

[Lectio2]
!Eccl 47:9-12
9 David in omni ópere dedit confessiónem Sancto, et Excélso in verbo glóriæ.
10 De omni corde suo laudávit Dóminum: et diléxit Deum, qui fecit illum, et dedit illi contra inimícos poténtiam:
11 et stare fecit cantóres contra altáre, et in sono eórum dulces fecit modos.
12 Et dedit in celebratiónibus decus, et ornávit témpora usque ad consummatiónem vitæ, ut laudárent nomen sanctum Dómini, et amplificárent mane Dei sanctitátem.

[Responsory2]
R. Viri Dei discípulus, Maurus nómine, venerábili Patri nuntiávit:
* Quia qui eum persequebátur, extínctus erat.
V. Quod vir Dei Benedíctus áudiens, sese in grávibus laméntis dedit.
R. Quia qui eum persequebátur, extínctus erat.

[Lectio3]
!Eccl 48:1;5-7;10
1 Et surréxit Elías prophéta quasi ignis, et verbum ipsíus quasi fácula ardébat.
5 Qui sustulísti mórtuum ab ínferis de sorte mortis, in verbo Dómini Dei.
6 Qui dejécit reges ad perníciem, et confregísti fácile poténtiam ipsórum, et gloriósos de lecto suo.
7 Qui audit in Sina judícium, et in Horeb judícia defensiónis.
10 Qui scriptus es in judíciis témporum, leníre iracúndiam Dómini, conciliáre cor patris ad fílium, et restitúere tribus Jacob.

[Responsory3]
R. Dómine, non aspícias peccáta mea, sed fidem hujus hóminis, † qui rogat resuscitári fílium suum et redde in hoc corpúsculum ánimam quam tulísti. † Et compléta oratióne revíxit,
* Et sanum réddidit patri suo.
V. Et regrediénte ánima corpúsculum omne contrémuit, † et sub óculis ómnium qui áderant vivus appáruit.
R. Et sanum réddidit patri suo.

[Lectio4]
!Eccl 48:13-15
13 Elías quidem in túrbine tectus est, et in Eliséo complétus est spíritus ejus. In diébus suis non pertímuit príncipem, et poténtia nemo vicit illum.
14 Nec superávit illum verbum áliquod, et mórtuum prophetávit corpus ejus.
15 In vita sua fecit monstra, et in morte mirabília operátus est.

[Responsory4]
R. Vir Dómini Benedíctus ferrum de profúndo resíliens Gotho réddidit dicens:
* Ecce labóra et noli contristári.
V. Vix enim manúbrium misit ad lacum, ferrum de profúndo rédiit, † quod reddens dixit.
R. Ecce labóra et noli contristári.

[Lectio5]
Sermo sancti Bernárdi Abbátis
!In natali S.Benedícti
Gloriósi Patris nostri Benedícti dulcíssimum nomen cum omni vobis jucunditáte amplecténdum est et honorándum; quoniam ipse Dux noster, ipse Magíster et Légifer noster est. Refíciat vos sánctitas ejus, justítia ejus, píetas ejus. Arbor fuit beátus Benedíctus, grandis atque fructífera, tanquam lignum, quod plantátum est secus decúrsus aquárum. Sic fuit plantátus secus decúrsus aquárum, quóniam fructum suum dedit in témpore suo. De fructu ejus sunt illi tria, quæ supérius tétigi: sánctitas ejus, justítia ejus, píetas ejus. Sanctitátem mirácula probant, doctrína pietátem, vita justítiam.

[Responsory5]
R. In aqua ex petra prodúcta, Moyses; in ferro vero, quod ex profúndo atque rédiit, Elisǽus; † in aquæ itínere, Petrus; in corvi obediéntia, Elías;
* In luctu autem mortis inimíci, David exhibétur.
V. Vir iste spíritu ómnium justórum plenus fuit.
R. In luctu autem mortis inimíci, David exhibétur.

[Lectio6]
Sed quómodo tibi appóno ejus mirácula? Numquid ut mirácula fácere velis? Nequáquam: sed ut miráculis ejus innitáris, vidélicet ut confídas et gáudeas, quod sub tali pósitus es pastóre, quod tantum meruísti habére Patrónum. Omníno enim valde potens est in cælis, qui tam potens éxstitit in terris: secúndum magnitúdinem grátiæ, magnitúdine glóriæ exaltátus. Nam et juxta radícum quantitátem rami prodíre noscúntur et quot radícibus arbor innítur, tot ramis, sicut ajunt, decorátur. Sic ergo, licet non habeámus nostra, consolátio magna nobis esse debent Patróni nostri mirácula.

[Responsory6]
R. Ecce, quanti apud Dóminum mériti rútilans monachórum gemma exístat Benedíctus:
* Qui in uno Elisǽi actu, quem Sanctus Spíritus dúplici vestiérat dono, † quadrúplici effúlsit miráculo.
V. In effúso scílicet venéno, in lagéna cum serpénte detécta, in obediénte corvo, in pane mortífero lóngius projécto.
R. Qui in uno Elisǽi actu, quem Sanctus Spíritus dúplici vestiérat dono, † quadrúplici effúlsit miráculo..

[Lectio7]
Doctrína vero ínstruit nos, et dírigit gressus nostros in viam pacis. Porto vitæ justítia omníno róborat et ánimat nos, ut tanto magis accendámur ad agénda quæ dócuit, quanto certi sumus, eum non ália docuísse quam fécerit. Sermo quidem vivus et efficax exémplum óperis est, plúrimum fáciens suadíbile quod dícitur, dum monstrat factíbile quod suadétur. In hunc ergo modum sánctitas confórtat, píetas infórmat, justítia confírmat.  Quantæ enim pietátis fuit, quod non solum præséntibus prófuit, sed et pro futúris sollícitus fuit? Non solum his, qui tunc errant, fructum tulit hæc arbor, sed usque hódie fructus ejus et manet et crescit.

[Responsory7]
R. Gaudeámus omnes in Dómino, Solemnitátem celebrántes sancti Patris nostri Benedícti:
* Quem Deus benedíxit in omni benedictióne spirituáli, † et per quem multi benedictiónem hereditáte possidébunt.
V. Ipse enim perpétuo fulgébit sicut sol cum justis, † et nunc in Ecclésia, et tunc in regno Patris eórum.
R. Quem Deus benedíxit in omni benedictióne spirituáli, † et per quem multi benedictiónem hereditáte possidébunt.

[Lectio8]
Diléctus plane Deo et homínibus, cujus non sola præséntia in benedictióne fuit, sicut sunt multi dilécti Deo soli, quia soli Deo jam cógniti: sed et memória ejus étiam nunc in benedictióne est. Nam et usque hódie in tríplicem amóris Dómini confessiónem, tríplici hoc fructu pascit Dómini gregem. Pascit vita, pascit doctrína, pascit et intercessióne. Per quem incessánter adjúti, fructificáte et vos, caríssimi, quóniam in hoc pósiti estis, ut eatis et fructum afferátis.

[Responsory8]
R. Erunt óculi tui vidéntes Præceptórem tuum:
* Ipse enim orat pro pópulo, et pro civitáte sancta Jerúsalem.
V. Vir iste in pópulo suo mitíssimus appáruit.
R. Ipse enim orat pro pópulo, et pro civitáte sancta Jerúsalem.

[Lectio9]
Léctio sancti Evangélii secúndum Matthǽum
!Matt 19:27-29
In illo témpore: Dixit Petrus ad Jesum: Ecce nos relíquimus ómnia, et secúti sumus te: quid ergo erit nobis? Et réliqua.  
_
Homilía sancti Bedæ Venerábilis Presbýteri
!Hom. 17 in Natali S.Benedícti Bisc.
Duo sunt órdines electórum in judício futúri : unus judicántium cum Dómino, de quibus hoc loco mémorat, qui reliquérunt ómnia, et secúti sunt illum: álius judicatórum a Dómino qui non quidem ómnia sua páriter reliquérunt, sed de his tamen quæ habébant, quotidiánas dare eleemósynas Christi paupéribus curábant; unde et auditúri sunt in judício : Veníte, benedícti Patris mei, possidéte præparátum vobis regnum a constitutióne mundi; esurívi enim, et dedístis mihi manducáre: sitívi, et dedístis mihi bíbere, et cétera, quorum et in superióribus hujus lectiónis Dóminus méminit, cum, príncipe quodam interrogánte, quid boni faciéndo vitam possidéret ætérnam: Si vis, inquit, ad vitam íngredi, serva mandáta. Ergo qui mandáta Dómini servat, ad vitam ingréditur ætérnam: qui autem etiam consílium Dómini, non tantum vitam ipse percípiet, sed etiam de vita aliórum cure Dómino judicábit.

[Responsory9]
R. Quemádmodum Elías, cǽlitus imbres, o Pater, deduxísti oleúmque celériter efflúere fecísti,
* Mórtuos suscitásti, aliáque innúmera perpetrásti mirácula.
V. Idcírco memóriam tuam devóta mente celebrámus, o Benedícte.
R. Mórtuos suscitásti, aliáque innúmera perpetrásti mirácula.

[Lectio10]
Sed et reprobérum duos ibi futúros órdines Dómino narránte comperímus: unum eorum qui fidei christiánæ mystériis initiáte ópera fidei exercére contémnunt, quibus in judício testátur: Discédite a me maledícti in ignem ætérnum, qui præparátus est diábolo et ángelis ejus; esurívi enim, et non dedístis mihi manducáre. Alterum eórum, qui fidem et mystéria Christi vel nunquam suscepére, vel suscéptam per apostasíam deseruére, de quibus dicit: Qui autem non credit, jam judicátus est, quia non credit in nómine unigéniti Fílii Dei.

[Responsory10]
R. Mente purus, et extra te raptus, † univérsam terram conspexísti, ceu ab único rádio Dei te honorántis illustrátus,
* O beatíssime Benedícte.
V. Tu monachórum greges ad salutárem agnitiónem tecum áttrahe.
R. O beatíssime Benedícte.

[Lectio11]
Verum his cure timóre et pavóre débite paulísper commemorátis, ad lætíssima pótius Dómini et Salvatòris nostri promíssa convertámus audítum. Videámus quæ tantæ gratim pietátis, non ætérnæ tantúmmodo vitæ prǽmia suis sequácibus, sed et præséntis múnera pollicétur exímia. Et omnis, inquit, qui relíquerit domum, vel fratres, aut soróres, aut patrem, aut matrem, aut uxórem, aut fílios, aut agros propter nomen meum ; céntuplum accípiet et vitam ætérnam possidébit.

[Responsory11]
R. Admonémus te, sancte Pater, illíus dignitátis, † qua te Dóminus tuus tam glorióso fine dignátus est honoráre ac beatificáre:
* Tu ítaque nobis in hora mortis nostræ fidéliter velis adésse.
V. Ut tua præséntia muníti, láqueos inimicórum evadámus, † ac cæli gáudia petámus sine fine beáti.
R. Tu ítaque nobis in hora mortis nostræ fidéliter velis adésse.

[Lectio12]
Qui enim terrénis afféctibus sive possessiónibus pro Christi discipulátu renunciáverit, quo plus in ejus amórem profécerit, eo plures invéniet, qui se intérno suscípere afféctu, et suis gáudeant sustentáre substántiis: ejus nimírum professiónibus vitǽque consórtes, qui se pro Christo páuperem factum in suis dómibus agrísque recípere, et majóre prorsus quam uxor, parens, frater, aut fílius carnális devotióne caritátis refovére delecténtur.

[Responsory12]
R. Via, recto oriéntis trámite ab ejus cella in cælum usque tendebátur
* Strata pálliis et innúmeris corúsca lampádibus.
V. Hæc est via qua diléctus Dómini Benedíctus cælos ascéndit.
R. Strata pálliis et innúmeris corúsca lampádibus.

[Ant Laudes]
Vir Dei Benedictus * signum crucis edidit, et vas pestiferi potus ita confractum est, ac si pro signo lapidem dedisset.
Completa oratione, * tres petras in loco posuit; et omnipotens Deus in montis excelsa rupe aquam produxit.
Gloriosus * Confessor Domini, orationem faciens, benedictionem dedit; et lapis, super quem antiquus hostis sedebat, subito levatus est.
Regrediente anima, * corpusculum pueri contremuit, et sub oculis omnium, qui aderant, vivus apparuit.
Cum Placidus * ex aqua traheretur, vidit super caput suum Abbatis melotem, qui eum ab unda reducebat.

[Hymnus Laudes]
v. Aurora surgit aurea
Festa restaurans annua,
Cum Benedictus arduum
Cæli scandit palatium.
_
Quanta in summis accipit,
Qui sic in imis claruit,
Cujus micant prodigia
Per ampla mundi climata!
_
Ejus carentum gratia
Tellus vomit cadavera,
Devotis unda liquida
Sicca lambit vestigia.
_
Totius orbis ambitum
Per solis videt radium,
Mens in auctore posita
Subiecta cernit omnia.
_
Te, Pater alme, petimus
Pronæ mentis visceribus,
Ut cælum des ascendere,
Quos terrain doces spernere.
_
Deo Patri sit gloria,
Ejusque soli Filio,
Cum Spiritu Paraclito,
Et nunc, et in perpetuum.
Amen.

[Ant 3]
O cælestis norma vitæ, Doctor et Dux Benedicte, cujus cum Christo spiritus exsultat in cælestibus: gregem, Pastor alme, serva, sancta prece corrobora, via cælos clarescente fac, te duce, penetrare.

[Evangelium]
@Commune/C5b