@Sancti/06-25oct

[Rule]
3 lectio (nisi rubrica cisterciensis)
(rubrica cisterciensis) Psalmi Feria

[Ant Matutinum]
@Sancti/06-24::1 s/;;.*//
;;
;;
;;
;;
;;
@Sancti/06-24::2 s/;;.*//
;;
;;
;;
;;
;;

[Ant Matutinum] (rubrica cisterciensis)
@Sancti/06-24::1:s/;;.*//
;;
@SanctiM/06-24:AntMatutinumM:1:s/;;.*//
;;
@SanctiM/06-24:AntMatutinumM:2:s/;;.*//
;;
@Sancti/06-24:Versum 1

[Lectio1]
Sermo sancti Máximi Epíscopi
!Hom. LXVI; In Nativ. S.Joan.Bapt.2
Cunctorum quidem prophetárum, fratres caríssimi, veneránda recordátio est. Beátus Joannes Baptísta, cujus hódie genuínus natális honorátur, in tantum ómnium illórum supergréssus est glóriam, ut Dóminum Jesum Salvatórem nostrum, non solum esse ventúrum, sed adventásse jam et cohabitáre homínibus, veritáte præsentis testimónii reveláret; quem cum inter promíscuas turbas ad baptísmum suum properáre vidísset, velut dígito demonstrans ait: Ecce Agnus Dei, ecce qui tollit peccáta mundi. Quam ínnocens hujus est vita, vel qua possumus devotióne ejus mérita compensáre, qui Agni cæléstis adventum et primus agnovit, et solus osténdit! Quam mirábile est univérsis ejus præcónium, de cujus ore primum absolutiónem suam mundus audívit!

[Lectio2]
Hic est, caríssimi, de quo prodictum est: Vox clamántis in desérto: Paráte viam Dómini, rectas fácite sémitas Dei nostri.  Clamatúrus erat enim, sicut et clamávit, ut vociferánte salútis præcónio, obturátas diu aures mortálium prædicátio cæléstis aperíret. Quis ergo hujusmodi prophétam non tota admiratióne suscípiat, quem tantum recognóscit obtinuísse a Deo, ut ante ejus mérita laudarentur, quam natívitas formarétur?

[Lectio3]
Hic ergo Zacharíæ justíssimo sacerdóti, cum multa esset ætáte provéctus, et sterilitáte seníssimæ cónjugis successiónem votívi gérminis desperásset, omnipoténtis Dei cura per Angelum promíttitur nascitúrus. Et bene seníssimis paréntibus novus fílius datur, qui senescénti labentíque mundo Unigénitum Dei ad spem futuræ juventútis osténderet. Quid illud, quantóque est stupóre mirándum, quod Zacharías ipse, dum præcursórem salutáris Verbi concipiéndum seníli alvo paulo tárdius créderet, silentio repentínæ taciturnitátis obmútuit, nec prístinum loquéndi recepísset usum, nisi nomen púeri, quo vocándus esset, clausi oris ei víncula relaxásset? Atque ita factum est, ut os sacerdotále, quod trepidátio colligáverat dubitantis, méritum fílii nascéntis absolveret, et reparáta patris lingua infántis glóriam testarétur.

[MM Capitulum] (rubrica cisterciensis)
@Sancti/06-24:Capitulum Sexta
_
@Sancti/06-24:Ant Matutinum:9-10

[MM LB] (rubrica cisterciensis)
!Jer 1:9-10
v. Et misit Dóminus manum suam, et tétigit os meum: et dixit Dóminus ad me: Ecce dedi verba mea in ore tuo: Ecce constítui te hódie super gentes, et super regna, ut evéllas, et déstruas, et dispérdas, et díssipes, et ædífices, et plantes.
$Tu autem
_
R.br. Ipse præíbit ante illum * In spíritu et virtúte Elíæ.
R. Ipse præíbit ante illum * In spíritu et virtúte Elíæ.
V. Paráre Dómino plebem perféctam.
R. In spíritu et virtúte Elíæ.