@Sancti/06-25

[Name]
Guliélmi

[Rule]
12 lectiones

[Lectio1] (nisi rubrica cisterciensis)
@CommuneM/C5:Lectio1 in 2 loco

[Lectio2] (nisi rubrica cisterciensis)
@CommuneM/C5:Lectio2 in 2 loco

[Lectio3] (nisi rubrica cisterciensis)
@CommuneM/C5:Lectio3 in 2 loco

[Lectio4] (nisi rubrica cisterciensis)
@CommuneM/C5:Lectio4 in 2 loco

[Comment]
While the text with the Sancti version seems identical, there are substantial differences, probably due to different shortening of the same longer text. Therefore stating this verbatim.

[Lectio5]
Guliélmus nobílibus paréntibus Verséllis in Insúbria natus, vix quartum décimum ætátis suæ annum expléverat, eum miro quodam pietátis ardóre flagrans peregrinatiónem aggréssus est ad celebérrimum illud sancti Jacóbi templum in extréma Hispánia‚ quo ex univérso orbe Christiáno voti persolvéndi causa, frequentíssimi hómines convéniunt. Quod iter nudis pédibus, única tantum amíctus túnica, ac dúplici férreo círculo præcínctus prosecútus est; innumeráque in eo et immánia famis, sitis, frígoris, et æstus summo cum vitæ discrímine est perpéssus incómmoda.

[Lectio6]
Revérsus in Itáliam, novam ad sanctum Dómini Sepúlchrum, quod Jerosólymis cólitur, peregrinatiónem molítur: sed quóminus propósitum exequátur, vária atque gravíssima intercédunt impediménta, divíno Númine, ad altióra et sanctióra religiósam júvenis índolem retrahénte. Porro dum in solículo Monte biénnium commorátur, interímque inédia‚ vigíliis, chameúniis, atque assíduis oratiónibus macerátur, divína subníxus ope, cæco lumen restítuit. Quo édito miráculo fama percrebrescénte jam Guliélmus latére non póterat: quare íterum Jerosólymam adíre cógitat et álacris se itíneri commíttit.

[Lectio7]
Dei autem mónitu‚ qui eídem appáruit, a propósito revocátur, utílior ac fructuósior tam apud Italos‚ quam apud éxteras natiónes futúrus. Tum Monastérium in Virgiliáni Montis cacúmine, quod deínde Vírginis est appellátum, loco áspero et inaccésso miránda exædíficat celeritáte. Sócios deínde viros et religiósos adscíscit, eósque ad certam vivéndi normam Evangélicis præcéptis et consíliis summópere accommodátam, tum certis légibus ex beáti Benedícti institútis magna ex parte desúmptis, tum verbo et sanctissimæ vitæ exemplis infórmat. 
	
[Lectio8]
Aliis deinde Monastériis eréctis, clárior in dies facta Guliélmi sánctitas, multos ad eum úndique viros perdúcit, sanctæ vitæ odóre, ac miraculórum fama alléctos. Nam muti loquélam, surdi audítum, áridi vigórem‚ varióque et immedicábili morbo laborántes sanitátem ipsíus intercessióne recepérunt. Aquam in vinum convértit, aliáque complúra mirabília patrávit. Inter quæ illud non siléndum, quod muliércula ad ejus castitatem tentándam missa, in ardentibus prunis humi stratis illæsum se volutávit. De qua re cértior factus Rogérius Neápolis rex, in summam viri Dei admiratiónem addúcitur. Demum témpore sui óbitus regi aliísque prænuntiáto, innúmeris virtútibus et miráculis clarus obdormívit in Dómino‚ anno salútis millésimo centésimo quadragésimo secúndo.