[Officium]
S. Aleydis, Virginis

[Rank]
;;iij. Lect. et M.;;1.2;;vide C6

[Rule]
3 lectiones

[Oratio]
Da, quæsumus, omnípotens Deus: * ut, qui in tot advérsis ex nostra infirmitáte defícimus, § intercedénte beáta Aléyde, Vírgine tua, liberáti a malis ómnibus, secúra tibi mente serviámus.
$Per Dominum.

[Lectio2]
Aléydis Virgo in Brabántia nata, a téneris annis præclára futúræ sanctitátis indícia præbens, septénnis virginitátem suam Deo consecrávit in monastério quod dícitur Camera sanctæ Ma­ríæ‚ Cisterciénsis Ordinis prope Bruxéllas, in quo humilitáti sese pénitus addíxit. Constánti pátiéntia per totam vitam gravíssimos dolóres et fœdam lepram pértulit. Quaprópter separáta a sodálibus, Deo per oratiónem perpétuo adhæsit, placuítque sibi infirmitátibus et angústiis pro Christo‚ in cujus vulnéribus supernam medélam crebro experiebátur. Cœléstibus charismátibus ac multis miráculis clara, præcípue complúres lepra percússos sola manuum impositióne curávit. Tanto pietátis sensu Missæ sacrifício assistébat, ut divíni amóris igne consúmi sæpe viderétur.

[Responsory2]
@CommuneM/C6:Responsory3

[Lectio3]
Die beato Bárnabæ Apóstolo sacra, Aléydis in límine mortis hærens, et óleo sancto inúncta, a Dómino admónita fuit se íntegro adhuc anno victúram‚ interímque morbos multo gravióres pro dilécti sponsi honóre subitúram, quod et accídit: nam oculórum lúmine extíncto mánibus contráctis cápitis omniúmque membrórum cutis ad córticis árboris instar, váriis distíncta ulcéribus appáruit, ex quibus vermes et jugis sánies copióse erumpébant. Immánes istos cruciátus invictíssima et mirábili tolerántia beáta Virgo sustínuit, donec anno insequénte, millésimo ducentésimo quinquagésimo, tertio Idus Júnii, recurrénte solemnitáte sancti Bárnabæ piíssimam in amplexu Christi efflávit ánimam.

[Responsory3]
@CommuneM/C6:Responsory12