[Rank]
S. Joannæ Arcensis Virginis Patronæ secundæ Galliæ;;Duplex II classis;;5;;vide C6

[Rule]
12 lectiones

[Ant Vespera]
@:Ant Laudes:s/\./;;109/ s/\./;;112/ s/\./;;121/ s/\./;;126/

[Capitulum Vespera]
@:Capitulum Tertia
_
R.br. Audi fília, et vide, * Et inclína aurem tuam.
R. Audi fília, et vide, * Et inclína aurem tuam.
V. Oblivíscere pópulum tuum, et domum patris tui.
R. Et inclína aurem tuam.
&Gloria
R. Audi fília, et vide, * Et inclína aurem tuam.

[Hymnus Vespera]
v. Salve, virílis péctoris
Virgo, Patróna Gálliæ!
Torménta dira sústinens,
Christi refers imáginem.
_
Voces supérnas áudiens,
Jesu repléta lúmine,
Dum fata pandis pátriæ
Silent pavéntque júdices.
_
Oppréssa flammis, clámitas
Jesum crucémque fórtiter
Ampléx[a], ad Ipsum, símplicis
Instar colúmbæ, pérvolas.
_
Choris beatis Vírginum
Adscrípta, cives ádjuva:
Te deprecánte, síngulis
Detur coróna glóriæ.
_
Sit laus Patri, sit Fílio:
Sancto decus Paráclito,
Qui cord[a] amóre sáuciat,
Vires et auget lánguidis.
Amen.

[Versum 1]
V. Méritis et précibus Beátæ Joánnæ.
R. Propítius esto Dómine pópulo tuo.

[Ant 1]
Hæc est Joánna * virgo Aurelianénsis: hæc est quæ multum orat pro pópulo, et pro univérsa Gallórum † gente.

[Oratio]
v. Deus, qui beátam Joánnam Vírginem ad fidem ac pátriam tuéndam mirabíliter suscitásti: † da, quæsumus, ejus intercessióne; * ut Ecclésia tua, hóstium superátis insídiis, perpétua pace fruátur.
$Per Dominum

[Hymnus Matutinum]
Aureliáni túrribus
Frustra premúntur hóstium:
Intrat Joánna: mílites
Hymnos precésque cóncinunt.
_
Quam vellet hosti párcere!
Hunc voce amíca prǽmonet
Sponte ut recédens, líberum
Regnum relínquat Gálliæ.
_
Negat, sed agmen Gállicum
Ruit: Joánna sánguinem
Profúndit, icta vúlnere
Deúsque dat victóriam.

Urbes et agros óccupat:
Rursus nitéscunt Lília:
Turmæ fugántur hóstium:
Rhemos patéscit sémita.
_
O sancta et una Trínitas,
Firmans movénsque péctora,
Contra malum certántibus
Dona vigórem et prǽmium.
Amen.

[Ant Matutinum]
Eleváta est * magnificéntia Joánnæ super cælos.;;8
Veni, elécta mea,  * et ponam in te thronum meum, quia concupívit Rex spéciem tuam.;;18
Accépit * benedictiónem a Dómino, et misericórdiam a Deo salutári suo.;;23
Propter veritátem, * et mansuetúdinem, et justítiam: dedúcet te mirabíliter déxtera tua.;;44
Arcum cónteret, * et confrínget arma, et scuta combúret igni.;;45
Justítia et misericórdia * plena est déxtera tua.;;47
;;84
;;86
Conféssio et pulchritúdo * in conspéctu ejus, sánctitas et magnificéntia in sanctificatióne ejus.;;95
Annuntiavérunt cæli * justítiam ejus, et vidérunt omnes pópuli glóriam ejus.;;96
Judicávit in justítia, et pópulos in æquitáte.;;97
;;98
;;249;250;251

[Ant Matutinum]
Eleváta est * magnificéntia Joánnæ super cælos.;;8
Veni, elécta mea,  * et ponam in te thronum meum, quia concupívit Rex spéciem tuam.;;18
Accépit * benedictiónem a Dómino, et misericórdiam a Deo salutári suo.;;23
Propter veritátem, * et mansuetúdinem, et justítiam: dedúcet te mirabíliter déxtera tua.;;44
Arcum cónteret, * et confrínget arma, et scuta combúret igni.;;45
Justítia et misericórdia * plena est déxtera tua.;;47
V. Méritis et précibus beátæ Joánnæ.
R. Propítius esto, Dómine, pópulo tuo.
;;84
;;86
Conféssio et pulchritúdo * in conspéctu ejus, sánctitas et magnificéntia in sanctificatióne ejus.;;95
Annuntiavérunt cæli * justítiam ejus, et vidérunt omnes pópuli glóriam ejus.;;96
Judicávit in justítia, et pópulos in æquitáte.;;97
;;98
V. Factus est Dóminus suscéptor meus.
R. Et refúgium meum in die tribulatiónis.
;;249;250;251
V. Posuísti, Dómine, super caput ejus.
R. Corónam de lápide pretióso.

[Nocturn 1 Versum]
V. Méritis et précibus beátæ Joánnæ.
R. Propítius esto, Dómine, pópulo tuo.

[Nocturn 2 Versum]
V. Factus est Dóminus suscéptor meus.
R. Et refúgium meum in die tribulatiónis.

[Nocturn 3 Versum]
V. Posuísti, Dómine, super caput ejus.
R. Corónam de lápide pretióso.

[Lectio1]
De libro Ecclesiástici
!Eccl 51, 1-7
Confitébor tibi, Dómine, Rex, et collaudábo te Deum Salvatórem meum. Confitébor nómini tuo: quóniam adjútor et protéctor factus es mihi, et liberásti corpus meum a perditióne, a láqueo linguæ iníquæ et a lábiis operántium mendácium, et in conspéctu astántium factus est mihi adjútor. Et liberásti me secúndum multitúdinem misericórdiæ nóminis tui a rugiéntibus, præparátis ad escam, de mánibus quæréntium ánimam meam, et de portis tribulatiónum, quæ circumdedérunt me: a pressúra flammæ, quæ circúmdedit me, et in médio ignis non sum æstuáta: de altitúdine ventris ínferi, et a lingua coinquináta, et a verbo mendácii, a rege iníquo, et a lingua injústa.

[Responsory1]
R.br. Deus ómnium exaudítor est: ipse misit Angelum suum, et tulit me de óvibus patris mei:
* Et unxit me unctióne misericórdiæ suæ.
V. Præparáte corda vestra Dómino, et servíte illi soli, qui misit me in adjutórium vobis.
R. Et unxit me unctióne misericórdiæ suæ.

[Lectio2]
!Eccl 51, 8-12
Laudábit usque ad mortem ánima mea Dóminum, et vita mea appropínquans erat in inférno deórsum. Circumdedérunt me úndique, et non erat qui adjuváret. Respíciens eram ad adjutórium hóminum, et non erat. Memoráta sum misericórdiæ tuæ, Dómine, et operatiónis tuæ, quæ a sǽculo sunt: quóniam éruis sustinéntes te, Dómine, et líberas eos de mánibus géntium.

[Responsory2]
R.br. Ego tuli te de domo patris tui, et audíre feci tibi vocem meam:
* Fuíque tecum in ómnibus, ubicúmque ambulásti.
V. Feci tibi nomen grande in univérso pópulo tuo, juxta nomen magnórum, qui sunt in terra.
R. Fuíque tecum in ómnibus, ubicúmque ambulásti.

[Lectio3]
!Eccl 51, 13-17
Exaltásti super terram habitatiónem meam, et pro morte defluénte deprecáta sum. Invocávi Dóminum Patrem Dómini mei, ut non derelínquat me in die tribulatiónis meæ, et in témpore superbórum sine adjutório. Laudábo nomen tuum assídue, et collaudábo illud in confessióne, et exaudíta est orátio mea. Et liberásti me de perditióne, et eripuísti me de témpore iníquo. Proptérea confitébor, et laudem dicam tibi, et benedícam nómini Dómini.

[Responsory3]
R.br. Adonái, Dómine, Deus magne et mirábilis, qui dedísti salútem in manu féminæ,
* Exáudi preces servórum tuórum.
V. Benedíctus es, Dómine, qui non derelínquis præsuméntes de te, et de sua virtúte gloriántes humílias.
R. Exáudi preces servórum tuórum.

[Lectio4]
--nodivision--

[Lectio5]
Joánna de Arc, in óppido Domreménsi, olim diœcésis Tulénsis, nunc Sancti Deódati, conspícuis fide et morum integritáte paréntibus, orta est anno Christi millésimo quadringentésimo duodécimo. Vix trédecim annos habébat, solúmmodo doméstica negótia, opus rústicum, et prima rerum divinárum eleménta edócta erat, cum se a Deo electam esse admónita est, ad Gálliam ab hóstibus liberándam, et ad prístinum regnum restituéndum. Postquam per quinque annos Míchaël Archángelus atque Catharína et Margaríta, vírgines sanctæ, quibus familiáriter utebátur, certiórem eam fecérunt, quómodo rem jussam perágeret, Deo paréndum esse rata, a præfécto Vallis Colórum pétiit, et, post nonnúllas repúlsas, obtínuit, ut viros sibi daret, qui se ad Cárolum regem dúcerent.

[Responsory5]
R.br. Benedícat te Dóminus in virtúte sua, qui per te ad níhilum redégit inimícos nostros:
* Ut non defíciat laus tua de ore hóminum.
V. Tu lætítia, tu honorificéntia pópuli nostri, quia nomen tuum ita magnificávit Dóminus.
R. Ut non defíciat laus tua de ore hóminum.

[Lectio6]
Supérnis mónitis obtémperans, superátis longi itíneris difficultátibus, ad Castrum Cainonénse in agro Turónico pervénit, et, Cárolo regi facta fide se a Deo missam esse, in urbem Auréliam profécta est. Paucis diébus, terríbili ímpetus, tríplicem cladem hóstibus inflíxit, castélla expugnávit, suúmque sústulit vexíllum. Inde, post ália béllica facta, in quibus mirum in modum appáruit auxílium Dei, Rhemos Cárolum duxit, ut régia consecratióne inungerétur. Nec quiescéndum esse cénsuit: sed cum a cæléstibus núntiis accepísset, se, Deo permitténte, in hóstium potestátem esse ventúram, libénti ánimo, quæ fíeri necésse esset, suscépit.

[Responsory6]
R.br. Ornavérunt fáciem templi corónis áureis, unxérunt regem, et ascendéntes læti dixérunt: Vivat rex.
* Et facta est lætítia magna in pópulo.
V. In hymnis et confessiónibus benedicébant Dóminum, qui per manum féminæ fecit victóriam.
R. Et facta est lætítia magna in pópulo.

[Lectio7]
Capta Joánna in civitáte Compéndio, et hóstibus prétio trádita, Rothómagum mox ducta, cum ibi in jus rapta esset, quamplúrimis criminatiónibus, excépta morum castitáte, fuit obnóxia; sed ómnia pro Jesu patiénter tolerávit. Acta per corruptíssimos júdices causa, ínnocens et mitis virgo damnáta est pœna combustiónis. Igitur sacra Eucharístia, quam támdiu desideráverat, refécta, óculis ad crucem convérsis, nomen Jesu sæpíssime ingéminans, ad cælum evolávit die trigésima Maji, nondum expléto ætátis suæ anno vigésimo. Romána Ecclésia, quam semper diléxerat et ad quam sǽpius provocáverat, eam ab omni crímine vindicándam, Callísto tértio summo Pontífice, curávit. Vergénte in finem sǽculo undevicésimo, Leo décimus tértius Aurelianénsis puéllæ causam introdúci permísit. Postrémo Joánnam de Arc summus Póntifex Pius décimus in beatárum, Benedíctus vero décimus quintus in sanctárum Vírginum númerum rétulit.

[Responsory7]
R.br. Puélla mea, noli timére, quia ego tecum sum, dicit Dóminus:
* Si transíeris per ignem, flamma non nocébit ánimæ tuæ, et ego glorificábo eam.
V. Mittam tibi Angelum meum, et in médio flammæ laudábis nomen meum.
R. Si transíeris per ignem, flamma non nocébit ánimæ tuæ, et ego glorificábo eam.

[Lectio8]
--nodivision--

[Lectio9]
Léctio sancti Evangélii secúndum Matthǽum
!Cap. 16, 24-27
In illo témpore: Dixit Jesus discípulis suis: Si quis vult post me veníre, ábneget semetípsum, et tollat crucem suam, et sequátur me. Et réliqua.
_
Homilía sancti Hilárii Epíscopi
!Can. 16, 17
O beátum damnum et jactúra felix! ditéscere nos Dóminus detriménto ánimæ et córporis vóluit, et esse sui símiles hortátur: quia ipse in figúra Dei constitútus, usque ad mortem húmilis et obédiens factus, principátum potestátis totíus, quæ in Deo est, accépit. Sequéndus ígitur est cruce assúmpta, et passionis suæ si non sorte, áttamen voluntáte comitándus est. Quid enim prodest occupásse mundum, et toto terrénæ potestátis dominátu ópibus sǽculi incubáre, si perdénda ánima et suscipiéndum vitæ detriméntum est?

[Responsory9]
R.br. Exaúdiat Dóminus oratiónem puéllæ suæ, qua orávit pro nobis, ut reconciliétur nobíscum Deus:
* Fac, Dómine, ut máneat Nomen sanctum tuum in terra nostra.
V. Réspice, Dómine, et vísita pópulum tuum, ne defíciat in eo Hóstia et Sacrifícium.
R. Fac, Dómine, ut máneat Nomen sanctum tuum in terra nostra.

[Lectio10]
Quæ autem commutátio pro ánima, cum fúerit amíssa, quærétur? cum Angelis enim Christus áderit, reddens síngulis ut merebúntur. Quid offerémus ad vitam? Præparátos credo terrenárum opum futúris commérciis thesáuros, ambitiósos dignitátum, famǽque títulos, aut véteres delegátæ nobilitátis imágines? Negánda sunt hæc ómnia, ut melióribus abundémus: et contémptu universórum Christus sequéndus est, et ætérnitas spirituálium, terrenórum est damno comparánda.

[Responsory10]
R.br. Dómine, prævenísti eam in benedictiónibus dulcédinis:
* Posuísti in cápite ejus corónam de lápide pretióso.
V. Qui minas judícum non tímuit, nec terrénæ dignitátis glóriam quæsívit, sed ad cæléstia regna pervénit.
R. Posuísti in cápite ejus corónam de lápide pretióso.

[Lectio11]
Grave onus infirmáti humánæ imposúerat, ut cum sensum vitæ hómines ex vivéndi afféctu habére cœpíssent, fructum ejus, qui præsens corpóribus blandiebátur, amitterent: negaréntque se sibi, id est, quod esse cœpíssent, esse se nollent; cum sensus hujus exórdium ex afféctu voluntátis habuíssent. Opus ergo erat veri ac manifésti exémpli auctoritáte, ut contra vim sensúmque judícii, optábile fíeret præséntium damnum, lúcro deínceps non ambíguo futurórum. Igitur postquam et tolléndam crucem, et perdéndam ánimam, et damno mundi commutándam vitæ æternitátem monúerat, convérsus ad discípulos, ait: Quosdam ex his futúros, qui gustatúri mortem non essent, donec Fílium hóminis in regni sui glória contueréntur.

[Lectio12]
--nodivision--

[Evangelium]
@Commune/C2b

[Ant Laudes]
Ecce Joánna * virgo simplex et piíssima, quóniam timébat Dóminum valde, nec erat qui loquerétur de illa † verbum malum.
Suscitávit eam dóminus, * et ídeo puélla índuit armatúram Dei, ut posset stare advérsus insídias † inimicórum.
Stetit * succíncta lumbos suos in veritáte, et indúta lorícam justítiæ, assúmpsit scutum et gáleam † salútis.
Ecce levávit * ad gentes manum suam, et ad pópulos axaltávit signum Dómini, ut fúgerent partes † advérsæ.
Custodívit eam * Angelus ejus, et hinc eúntem, et ibi commorántem, et inde reverténtem, atque in médio ignis non derelíquit † eam.

[Capitulum Laudes]
@:Capitulum Tertia
_
R.br. Méritis et précibus * Beátæ Joánnæ.
R. Méritis et précibus * Beátæ Joánnæ.
V. Propítius esto Dómine pópulo tuo.
R. Beátæ Joánnæ.
&Gloria
R. Méritis et précibus * Beátæ Joánnæ.

[Hymnus Laudes]
v. Hóstium victrix, properánte cursu,
Cárolum ad sanctam comitáris ædem,
Ut triumphántem sacra rite signet
Unctio regem.
_
Gáudio fundens lácrimas, Joánna,
Príncipi plaudis: Dómino repéndis
Débitas grates, retinésque dextra
Nóbile signum.
_
Erigens longa pópulum ruína,
Mira fecísti, generósa virgo:
Jure te nostræ pátriæ paréntem
Sæcla vocábunt!
_
Sed manet major meliórque merces:
Te novus poscit labor et triúmphus:
Te Deus mittens, dabit ipse vires
Atque corónam.
_
Qui dedit presso pópulo salútem,
Laude ter sanctum Dóminum colámus,
Semper ut tantæ méritis patrónæ
Gállia vivat.
Amen.

[Versum 2]
V. Magna est glória ejus in salutári tuo.
R. Glóriam et magnum decórem impónes super eum.

[Ant 2]
Stans beáta Joánna * in médio flammæ, óculis ad crucem convérsis, sic orábat, dicens: Dómine Jesu, áccipe spíritum meum; ne státuas † illis hoc peccátum.

[Capitulum Tertia]
!Sap 8:9-10
v. Propósui sapiéntiam addúcere mihi ad convivéndum: † sciens quóniam mecum communicábit de bonis, et erit allocútio cogitatiónis et tǽdii mei. * Habébo, propter hanc, claritátem ad turbas, et honórem apud senióres júvenis.
$Deo gratias

[Responsory Tertia]
@:Nocturn 1 Versum

[Capitulum Sexta]
!Sap 8:12
v. Tacéntem me sustinébunt, et loquéntem me respícient, et sermocinánte me plura, manus ori suo impónent.
$Deo gratias

[Responsory Sexta]
@:Nocturn 2 Versum

[Capitulum Nona]
!Sap. 8:13
v. Habébo, per hanc, immortalitátem, et memóriam ætérnam his, qui post me futúri sunt, relínquam.

[Responsory Nona]
@:Nocturn 3 Versum

[Versum 3]
@:Versum 1

[Ant 3]
Joánna, * sponsa Christi, tutrix et custos pátriæ, esto tuis fámulis murus inexpugnábilis assíduis † suffrágiis.