[Officium]
Ss Odonis, Majoli, Odilonis et Hugonis Abbatis O. N.

[Rank]
;;Duplex;;3;;vide C1

[Ant Vespera]
Surréxit Odo * plenus Spíritu Sancto, et montástici Ordínis decus per orbem renovátum est, allelúja.
Májolus, * caritáte redúndans ac grátia, sanctitátem angélicam æmulétus, virtúte super hómines ferebátur, allelúja.
Qualem caritátem * corde serváret Odílo mire demonstrávit, qui defunctórum fidélium cruciátibus cóndolens, eos quotánnis dulci refrigério fovéri decrévit, allelúja.
Cum in die * magni Sábbati beátus Hugo sacris interésset, colúmnam novæ lucis salutábat crebis exórans suspíriis, ut ad terram promissiónis felíciter perveníret, allelúja.

[Hymnus Vespera]
v. Jucúnda patrum rédiit
Festívitas illústrium,
Confessióne córdium
Qui respuérunt sǽculum.
_
Quorum coléntes ánnuam
Sollemnitátem cándidam,
Ipsos precámur húmiles,
Ut nostra mundent máculas.
_
Oratióne sédula,
Votísque nostris súbditis,
Det nobis indulgéntiam
Eórum intercéssio.
_
Glória tibi Dómine,
Qui surrexísti a mórtuis,
Cum Patre et Sancto Spíritu,
In sempitérna sǽcula.
Amen.

[Oratio]
Deus, qui nos Sanctórum tuórum et solemnitáte lætíficas, et imitatióne súscitas ad proféctum: præsta; ut quos venerámur offício, étiam piæ conversatiónis sequámur exémplo.
$Per Dominum

[Invit]
@Commune/C2a

[Hymnus Matutinum]
v. Rex glorióse Prǽsulum,
Coróna confiténtium, 
Qui respuéntes térrea
Perdúctus ad cæléstia:
_
Aurem benígnam prótinus
Appóne nostris vócibus:
Trophǽa sacra pángimus: 
Ignósce quod delíquimus.
_
Tu vincis in Martýribus,
Parcéndo Confessóribus:
Tu vince nostra crímina
Donándo indulgéntiam.
_
Deo Patri sit glória, 
Ejúsque soli Fílio,
Cum Spíritu Paráclito,
Et nunc, et in perpétuum.
Amen.

[Responsory1]
R. Sub tantis pátribus Cluníaci laus per omnes diffundebátur ecclésias, † sancta Régula novo decóre refúlsit, monastéria veterascéntia refloruérunt,
* Et per orbem monachórum exércitus sacro fœdere devínctus militávit, allelúja.
V. Ædificáta est Cluníaci domus ut cívitas: † illuc ascendérunt tribus Dómini ad confiténdum nómini Dómini.
R. Et per orbem monachórum exércitus sacro fœdere devínctus militávit, allelúja.

[Lectio4]
Ex Epístola sancti Petri Damiáni Epíscopi
!Ad sanctum Hugónem Abbátum
Quid áliud Cluniacénse monastérium, nisi agrum Dómini plenum díxerim, ubi velut acérvus est cæléstium ségetum, chorus tot in caritáte degéntium monachórum? Ager ille cotidiáno sanctæ prædicatiónis ligóne proscindítur, et in eo cæléstis elóquii sémina conspergúntur. Illic spirituálium frugum provéntus aggéritur, ut hórreis póstmodum cæléstibus inferátur. Cluniácus prætérea ager spirituális quidam campus est, ubi cælum et terra congréditur, ac velut aréna certáminis, ubi spirituális more palǽstræ caro frágilis advérsus potestátes aéreas colluctátur. Non est enim nobis colluctátio advérsus carnem et sánguinem, sed advérsus mundi rectóres tenebrárum harum, contra spirituália nequítiæ, in cæléstibus. Illic Jósue, non ille fílius Nun, sed cæléstis ductor exércitus, et qui spirituálium instrúctor est bellatórum, suos édocet mílites, supérbas quinque regum calcáre cervíces: super quos nimírum triumphálem noscúntur obtinére victóriam, qui tótidem sensus córporum per distríctæ custódiæ cóhibent disciplínam.

[MM Capitulum]
@:Capitulum Sexta
_
@Commune/C1p:Nocturn 2 Versum

[Ant Laudes]
Super nivem * dealbabúntur sancti tui, Dómine, allelúja.
Justi confitebúntur * nómini tuo, et habitábunt recti cum vultu tuo, allelúja
Sancti mei, * qui in isto sǽculo certámen habuístis, mercédem labórum ego reddo vobis, allelúja.
Sancti spíritus * et ánimæ justórum, hymnum dícite Deo, allelúja.
Sancti estis * dicit Dóminus multiplicábo numerum vestrum ut orétis pro pópulo meo in loco isto, allelúja.

[Capitulum Laudes]
!Eccl 17:6
v. Creávit illis sciéntiam spíritus, sensu implévit cor illórum, et mala et bona osténdit illis.
$Deo gratias

[Hymnus Laudes]
v. Sacráta nobis gáudia,
Dies redúxit ánnua,
Qua Patres nostri óptimi
Colúntur laude álacri.
_
Qui pura mentis ácie,
Mundi devícto príncipe,
Amára dantes sémina,
Jam messis tenent gáudia.
_
Scutum suméntes fídei,
Juxta dictum Apóstoli,
Mucróne Sancti Spiritus
Hostes prostérnunt ínvidos.
_
Ut vera Christi lília
Fulgéntes in Ecclésia,
Commíssa sibi agmina
Pascébant dape gémina.
_
Glória tibi Dómine,
Qui surrexísti a mórtuis,
Cum Patre et Sancto Spíritu,
In sempitérna sǽcula.
Amen

[Ant 2]
Fulgébunt justi, * et tamquam scintíllæ in arundinéto discúrrent, judicábunt natiónes, et regnábunt in ætérnum, allelúja.

[Capitulum Sexta]
!Eccl 17:7-8
v. Pósuit óculum suum super corda illórum, osténdere illis magnália óperum suórum, ut nomen sanctificatiónis colláudent.
$Deo gratias

[Capitulum Nona]
!Eccl 17:16
v. Ómnia ópera illórum velut sol in conspéctu Dei: et óculi ejus sine intermissióne inspiciéntes in viis eórum.
$Deo gratias

[Versum 3]
@Commune/C1p:Versum 2

[Ant 3]
@Commune/C1:Ant 2