@Sancti/08-16

[Rank]
S. Joachim, Patris B.M.V.;;MM. maj.;;4;;ex C5

[Hymnus Vespera]
Ad tuas laudes, Jóachim, propínquat
Hic chorus noster, celebrátque festum
Corde devóto, mémorans quod ex te
Grátia prodit.
_
Væ tibi dictum, stérili tuǽque
Cónjugi quondam péperit dolórem:
Gaude, cum tandem dédecus sacráta
Abstulit infans.
_
Vírginum Virgo facit, orta, toti
Gáudium mundo; parit illa quippe
Qui necem vincat, tríbuens beátæ
Múnera vitæ.
_
Longa te regum séries, ducúmque
Anteit, priscos numerándo patres,
Hi redemptórem procul intuéntes,
Tu pater edis.
_
O tui felix Ave Conditóris
Inter antíquos mage chare patres!
Tu potens, nostras húmiles, precámur,
Súscipe voces.
_
Glória Patri genitǽque Proli,
Et tibi compar utriúsque semper,
Spíritus alme, Deus unus omni
Témpore secli.
Amen.

[Hymnus Laudes]
Jesu patérna cláritas,
Et certa spes fidélium,
Avo tuo persólvimus
Laudes pias cum cánticis.
_
Hunc inter omnes éligis
Quorum probáta sánctitas,
Davídis ut de sémine
Matrem tuam prodúceret.
_
De stirpe natus Isai,
Proles fidélis Abrahæ,
Virtúte rara spléndidus
Reges ducésque prǽterit.
_
Annæ marítus óptimus,
Dei probátur núntio:
Quod prole nulla gáudeat, 
Væ tædiósum sústinet.
_
Probrum novátur gáudio,
Quando María náscitur:
Quandóve crescens próficit,
Deóve trina sístitur.
_
Reple rogántes gáudio,
Qui gáudium mundo creas,
Fac Jóachim, cœléstibus
Tecum fruámur gáudiis.
_
Qui de María násceris,
Jesu tibi sit glória,
Cum Patre et sancto Spíritu,
In sempitérna sécula.
Amen.