@Sancti/12-31

[Lectio4] (rubrica 1570 aut rubrica 1617)
@Sancti/12-31::s/\, qui/./ s/$/~/
@:Lectio4previousending

[Lectio4previousending]
Cui Imperatori, cum lepræ curandæ causa, sibi ex infantium sanguine, medicorum consilio, balneum parari jussisset, sancti Apostoli Petrus et Paulus in quiete apparuerunt, præcipientes ei, ut si ex lepra liberari vellet, omissa impii balnei immanitate, Silvestrum in Soracte monte latitantem accerseret: à quo salutari lavacro recreatus, in omni ditione Romani Imperii templa Christiano more ædificari imperaret, sublatisque inanium deorum simulacris, vero Deo cultum adhiberet. Constantinus igitur, cœlestibus monitis obtemperans, Silvestrum diligentissime conquisitum vocat: à quo Apostolorum imagines recognoscens, baptismo sanatur, et ad tuendam propagandamque Christi religionem inflammatur.