[Rank] Conceptione Beatæ Mariæ Virginis;;Duplex;;3;;vide C11 [Rule] ex C11; 9 lectiones Psalmi Dominica Antiphonas horas Doxology=Nat Ant Matutinum 12 special [Ant Vespera] Conceptio gloriosæ Virginis Mariæ * ex semine Abrahæ, ortæ de tribu Juda, clara ex stirpe David.;;109 Conceptio est hodie * sanctæ Mariæ Virginis cujus vita inclyta cunctas illustrat ecclesias.;;112 Regali ex progenie * Maria exorta refulget: cujus precibus nos adjuvari mente et spiritu devotissime poscimus.;;121 Corde et animo * Christo canamus gloriam in hac sacra solemnitate præcelsæ Genitricis Dei Mariæ.;;126 Cum jucunditate * Conceptionem beatæ Mariæ celebremus, ut ipsa pro nobis intercedat ad Dominum Jesum Christum.;;147 [Versum 1] V. Conceptio est hodie sanctæ Mariæ Virginis. R. Cujus vita inclyta cunctas illustrat ecclesias. [Ant 1] @Sancti/09-08 [Oratio] Famulis tuis, quǽsumus Domine, cælestis gratiæ munus impertire: ut quibus beatæ Virginis partus exstitit salutis exordium, Conceptionis ejus votiva solemnitas pacis tribuat incrementum. $Per Dominum [Invit] Conceptionem Virginis Mariæ celebremus: * Christum ejus Filium adoremus Dominum. [Ant Matutinum 12] @Sancti/03-25 [Lectio1] !Sir 24:5-13 5 Ego ex ore Altissimi prodivi, primogenita ante omnem creaturam. 6 Ego feci in cælis ut oriretur lumen indeficiens, et sicut nebula texi omnem terram. 7 Ego in altissimis habitavi, et thronus meus in columna nubis. 8 Gyrum cæli circuivi sola, et profundum abyssi penetravi: in fluctibus maris ambulavi. 9 Et in omni terra steti: et in omni populo, 10 et in omni gente primatum habui: 11 et omnium excellentium et humilium corda virtute calcavi. Et in his omnibus requiem quæsivi, et in hereditate Domini morabor. 12 Tunc præcepit, et dixit mihi Creator omnium: et qui creavit me, requievit in tabernaculo meo. 13 Et dixit mihi: In Jacob inhabita, et in Israël hereditare, et in electis meis mitte radices. [Responsory1] @Sancti/12-25 [Lectio2] !Sir 24:14-21 14 Ab initio et ante sæcula creata sum, et usque ad futurum sæculum non desinam: et in habitatione sancta coram ipso ministravi. 15 Et sic in Sion firmata sum, et in civitate sanctificata similiter requievi, et in Jerúsalem potestas mea. 16 Et radicavi in populo honorificato, et in parte Dei mei hereditas illius, et in plenitudine sanctorum detentio mea. 17 Quasi cedrus exaltata sum in Libano, et quasi cypressus in monte Sion: 18 quasi palma exaltata sum in Cades, et quasi plantatio rosæ in Jericho: 19 quasi oliva speciosa in campis, et quasi platanus exaltata sum juxta aquam in plateis. 20 Sicut cinnamomum et balsamum aromatizans odorem dedi; quasi myrrha electa dedi suavitatem odoris: 21 et quasi storax, et galbanus, et ungula, et gutta, et quasi Libanus non incisus vaporavi habitationem meam, et quasi balsamum non mistum odor meus. [Responsory2] @Sancti/12-25 [Lectio3] !Sir 24:22-31 22 Ego quasi terebinthus extendi ramos meos, et rami mei honoris et gratiæ. 23 Ego quasi vitis fructificavi suavitatem odoris: et flores mei fructus honoris et honestatis. 24 Ego mater pulchræ dilectionis, et timoris, et agnitionis, et sanctæ spei. 25 In me gratia omnis viæ et veritatis: in me omnis spes vitæ et virtutis. 26 Transite ad me, omnes qui concupiscitis me, et a generationibus meis implemini: 27 spiritus enim meus super mel dulcis, et hereditas mea super mel et favum. 28 Memoria mea in generatione sæculorum. 29 Qui edunt me, adhuc esurient, et qui bibunt me, adhuc sitient. 30 Qui audit me non confundetur, et qui operantur in me non peccabunt: 31 qui elucidant me, vitam ætérnam habebunt. [Responsory3] @Sancti/12-25 [Lectio4] Sermo sancti Ambrósii episcopi !Ex libr. de Virginibus. Lectio iii Sit vobis tamquam in imagine descripta virginitas vítaque beatæ Mariæ, de qua velut speculo refulget species castitatis, et forma virtutis. Hinc sumatis licet exempla vivendi, ubi tamquam in exemplari magisteria expressa probitatis, quid corrigere, quid effugere, quid tenere debeatis, ostendunt. Primus discendi ardor nobilitas est magistri. Quid nobilius Dei Matre? Quid splendidius ea, quam splendor elegit? Quid castius ea, quæ corpus sine corporis contagione generavit? [Responsory4] @Sancti/12-25 [Lectio5] Nam de ceteris ejus virtutibus quid loquar? Virgo erat non solum corpore sed étiam mente, quæ nullo doli ambitu sincerum adulteraret affectum. Corde humilis, verbis gravis, animi prudens, loquendi parcior, legendi studiosior; non in incerto divitiarum, sed in prece pauperis spem reponens. Intenta operi, verecunda sermone, arbitrum mentis solita non hominem, sed Deum quærere. Non lædere reos, bene velle omnibus, assurgere majoribus natu, æqualibus non invidere, fugere jactantiam, rationem sequi, amare virtutem. [Responsory5] @Sancti/12-25 [Lectio6] Quando ista vel vultu læsit parentes? Quando dissensit a propinquis? Quando fastidivit humilem? Quando derisit debilem? Quando vitavit inopem? Eos solos solita cœtus virorum invisere, quos misericordia non erubesceret, neque præteriret verecundia: nihil torvum in oculis, nihil in verbis procax, nihil in actu inverecundum. Non gestus fractior, non incessus solutior, non vox petulantior: ut ipsa corporis species simulacrum fuerit mentis, figura probitatis. [Responsory6] @Sancti/12-25 [Lectio7] @Sancti/09-08 [Responsory7] @Sancti/07-02 [Lectio8] @Sancti/09-08 [Responsory8] @Sancti/07-02 [Lectio9] @Sancti/09-08 [Ant Laudes] @:Ant Vespera:s/;;.*//g [Versum 2] @:Versum 1 [Ant 2] Conceptionem hodiernam * perpetuæ Virginis Genitricis Dei Mariæ solemniter celebremus, qua celsitudo throni processit, allelúja. [Versum 3] @:Versum 1 [Ant 3] Conceptio tua, * Dei Genitrix Virgo, gaudium annuntiavit universo mundo: ex te enim ortus est sol justitiæ, Christus Deus noster: qui solvens maledictionem, dedit benedictionem, et confundens mortem, donavit nobis vitam sempiternam.