[Officium]
Ss. Quatuor Coronatorum Martyrum

[Rank]
;;Simplex;;1.1;;vide C3
(sed rubrica cisterciensis)
;;Commemoratio;;1;;vide C3

[Rule]
vide C3;

[Oratio]
Præsta, quǽsumus, omnípotens Deus: ut, qui gloriósos Mártyres fortes in sua confessióne cognóvimus, pios apud te in nostra intercessióne sentiámus.
$Per Dominum

[Lectio93]
Sevérus, Severiánus, Carpóphorus et Victorínus fratres, in persecutióne Diocletiáni, deórum cultum líbere detestántes, plumbátis cæsi, in verbéribus vitam pro Christi nómine profudérunt. Quorum corpora, cánibus objecta, cum ab illis intacta diu fuíssent, subláta a Christiánis, via Lavicana tertio ab Urbe lápide, in arenaria sepeliúntur, propre sepúlcrum sanctórum Mártyrum Claudii, Nicóstrati, Symphoriáni, Castórii et Simplícii, qui eodem imperatóre passi erant; quod, cum essent summi sculptores, nullo modo adduci potúerant ut idolórum statuas fácerent, et, ad solis simulacrum ducti, ut illud veneraréntur, numquam commissuros se dixérunt ut adorarent ópera mánuum hóminum. Quámobrem in carcerem conjecti, cum ibi multos dies in eodem proposito perstitissent, primum scorpiónibus cæsi, deínde, vivi plumbeis lóculis inclusi, in flumen dejiciúntur. Exstat in Urbe ecclésia sub nómine sanctórum Quatuor Coronatórum, quorum diu ignota nómina, divinitus póstea patefácta sunt; ubi non solum illórum quatuor, sed étiam horum quinque Mártyrum córpora honorifice sepúlta sunt, et eórum festívitas sexto Idus Novembris celebrátur.
&teDeum