[Officium]
Omnium Sanctorum

[Rank]
;;Duplex I classis cum octava communi;;6.4;;vide C3

[Rule]
vide C3;
9 lectiones
Psalmi Dominica
Antiphonas horas
Psalm5 Vespera=116
Psalm5 Vespera3=115
(rubrica tridentina aut rubrica divino) 
(deinde dicitur)
Vesperae Defunctorum
(sed feria 7 aut rubrica 196 omittitur)

[Ant Vespera]
Vidi turbam magnam, * quam dinumeráre nemo póterat, ex ómnibus géntibus, stantes ante thronum.
Et omnes Ángeli * stabant in circúitu throni, et cecidérunt in conspéctu throni in fácies suas, et adoravérunt Deum.
Redemísti nos, * Dómine Deus, in sánguine tuo ex omni tribu, et lingua, et pópulo, et natióne, et fecísti nos Deo nostro regnum.
Benedícite Dóminum * omnes elécti ejus: ágite dies lætítiæ, et confitémini illi.
Hymnus * ómnibus Sanctis ejus: fíliis Israël, pópulo appropinquánti sibi: glória hæc est ómnibus sanctis ejus.

[Ant Vespera] (rubrica cisterciensis)
Sanctórum sicut áquilæ * juvéntus renovábitur, florébunt sicut lílium in civitáte Dómini.
Lux perpétua * lucébit Sanctis tuis, et ætérnitas témporum, allelúia.
Vox lætítiæ * in tabernáculis justórum, allelúia, allelúia, allelúia.
Beáti mundo corde: * quóniam ipsi Deum vidébunt.
Sancti per fidem * vicérunt regna, operáti sunt justítiam, adépti sunt repromissiónes.

[Responsory Vespera 1] (rubrica cisterciensis)
Responsorium. Beáta vere mater Ecclésia, quam sic honor divínæ dignatiónis illúminat, quam victoriosórum gloriósus Mártyrum sanguis exórnat, * Quam inviolátæ confessiónis cándida índuit virgínitas. 
V. Flóribus ejus nec rosæ, nec lília desunt. 
R. Quam inviolátæ confessiónis cándid índuit virgínitas. 

[Hymnus Vespera]
{:H-PlacareChriste:}v. Placáre, Christe, sérvulis,
Quibus Patris cleméntiam
Tuæ ad tribúnal grátiæ
Patróna Virgo póstulat.
_
Et vos beáta, per novem
Distíncta gyros ágmina,
Antíqua cum præséntibus,
Futúra damna péllite.
_
Apóstoli cum Vátibus,
Apud sevérum Júdicem,
Veris reórum flétibus
Expóscite indulgéntiam.
_
Vos, purpuráti mártyres,
Vos candidáti prǽmio
Confessiónis, éxsules
Vocáte nos in pátriam.
_
Choréa casta vírginum,
Et quos erémus íncolas
Transmísit astris, cǽlitum
Locáte nos in sédibus.
_
Auférte gentem pérfidam
Credéntium de fínibus,
Ut unus omnes únicum
Ovíle nos Pastor regat.
_
Deo Patri sit glória,
Natóque Patris único,
Sancto simul Paráclito,
In sempitérna sǽcula.
Amen.

[HymnusM Vespera]
v. Christe Redémptor ómnium,
Consérva tuos fámulos,
Beátæ semper Vírginis
Placátus sanctis précibus.
_
Beáta quoque ágmina
Cæléstium Spirítuum,
Prætérita, præséntia,
Futúra mala péllite.
_
Vates ætérni Júdicis,
Apostolíque Dómini,
Supplíciter expóscimus
Salvári vestris précibus.
_
Mártyres Dei ínclyti,
Confessorésque lúcidi,
Vestris oratiónibus
Nos ferte in cæléstibus.
_
Chorus sanctárum Vírginum,
Monachorúmque ómnium,
Simul cum Sanctis ómnibus,
Consórtes Christi fácite.
_
Gentem auférte pérfidam
Credéntium de fínibus,
Ut Christo laudes débitas
Persolvámus alácriter.
_
Glória Patr[i] ingénito,
Ejúsque Unigénito,
Una cum Sancto Spíritu,
In sempitérna sǽcula.
Amen.

[Ant 1]
Ángeli, * Archángeli, Throni et Dominatiónes, Principátus et Potestátes, Virtútes cælórum, Chérubim atque Séraphim, Patriárchæ et Prophétæ, sancti legis Doctóres, Apóstoli, omnes Christi Mártyres, sancti Confessóres, Vírgines Dómini, Anachorítæ, Sanctíque omnes, intercédite pro nobis.

[Ant 1] (rubrica cisterciensis)
Salvátor mundi * salva nos omnes: sancta Dei Génitrix, Virgo semper María, ora pro nobis: précibus quoque sanctórum Apostolórum, Mártyrum et Confessórum, atque sanctárum Vírginum supplíciter pétimus, ut a malis ómnibus eruámur, bonísque ómnibus nunc et semper pérfrui mereámur.

[Oratio]
Omnípotens sempitérne Deus, qui nos ómnium Sanctórum tuórum mérita sub una tribuísti celebritáte venerári: quǽsumus; ut desiderátam nobis tuæ propitiatiónis abundántiam, multiplicátis intercessóribus, largiáris.
$Per Dominum

[Invit]
Regem regum Dóminum veníte adorémus: * Quia ipse est coróna Sanctórum ómnium.

[Hymnus Matutinum]
@Sancti/11-01:Hymnus Vespera

[HymnusM Matutinum]
@Sancti/11-01:HymnusM Vespera

[Ant Matutinum]
Novit Dóminus * viam justórum, qui in lege ejus meditántur die ac nocte.;;1
Mirificávit * Dóminus Sanctos suos, et exaudívit eos clamántes ad se.;;4
Admirábile est * nomen tuum, Dómine: quia glória et honóre coronásti Sanctos tuos, et constituísti eos super ópera mánuum tuárum.;;8
Dómine, * qui operáti sunt justítiam, habitábunt in tabernáculo tuo, et requiéscent in monte sancto tuo.;;14
Hæc est generátio * quæréntium Dóminum, quæréntium fáciem Dei Jacob.;;23
Lætámini in Dómino, * et exsultáte justi, et gloriámini omnes recti corde.;;31
Timéte Dóminum * omnes Sancti ejus, quóniam nihil deest timéntibus eum: ecce óculi Dómini super justos, et aures ejus ad preces eórum.;;33
Dómine, spes Sanctórum * et turris fortitúdinis eórum, dedísti hereditátem timéntibus nomen tuum, et habitábunt in tabernáculo tuo in sǽcula.;;60
Qui dilígitis Dóminum, * lætámini in Dómino, et confitémini memóriæ sanctitátis ejus.;;96

[Lectio1]
De libro Apocalýpsis beáti Joánnis Apóstoli
!Apo 4:2-8
2 Et ecce sedes pósita erat in cælo, et supra sedem sedens.
3 Et qui sedébat símilis erat aspéctui lápidis jáspidis, et sárdinis: et iris erat in circúitu sedis símilis visióni smarágdinæ.
4 Et in circúitu sedis sedília vigínti quátuor: et super thronos vigínti quátuor senióres sedéntes, circumamícti vestiméntis albis, et in capítibus eórum corónæ áureæ.
5 Et de throno procedébant fúlgura, et voces, et tonítrua: et septem lámpades ardéntes ante thronum, qui sunt septem spíritus Dei.
6 Et in conspéctu sedis tamquam mare vítreum símile crystállo: et in médio sedis, et in circúitu sedis quátuor animália plena óculis ante et retro.
7 Et ánimal primum símile leóni, et secúndum ánimal símile vítulo, et tértium ánimal habens fáciem quasi hóminis, et quartum ánimal símile áquilæ volánti.
8 Et quátuor animália, síngula eórum habébant alas senas: et in circúitu, et intus plena sunt óculis: et réquiem non habébant die ac nocte, dicéntia: Sanctus, Sanctus, Sanctus Dóminus Deus omnípotens, qui erat, et qui est, et qui ventúrus est.

[Responsory1]
@Tempora/Pent01-0

[Lectio2]
!Apo 5:1-8
1 Et vidi in déxtera sedéntis supra thronum, librum scriptum intus et foris, signátum sigíllis septem.
2 Et vidi ángelum fortem, prædicántem voce magna: Quis est dignus aperíre librum, et sólvere signácula ejus?
3 Et nemo póterat neque in cælo, neque in terra, neque subtus terram aperíre librum, neque respícere illum.
4 Et ego flebam multum, quóniam nemo dignus invéntus est aperíre librum, nec vidére eum.
5 Et unus de senióribus dixit mihi: Ne fléveris: ecce vicit leo de tribu Juda, radix David, aperíre librum, et sólvere septem signácula ejus.
6 Et vidi: et ecce in médio throni et quátuor animálium, et in médio seniórum, Agnum stantem tamquam occísum, habéntem córnua septem, et óculos septem: qui sunt septem spíritus Dei, missi in omnem terram.
7 Et venit: et accépit de déxtera sedéntis in throno librum.
8 Et cum aperuísset librum, quátuor animália, et vigínti quátuor senióres cecidérunt coram Agno, habéntes sínguli cítharas, et phíalas áureas plenas odoramentórum, quæ sunt oratiónes sanctórum:

[Responsory2]
@Sancti/08-15:Responsory8:s/&Gloria.*//s

[Lectio3]
!Apo 5:9-14
9 Et cantábant cánticum novum, dicéntes: Dignus es, Dómine, accípere librum, et aperíre signácula ejus: quóniam occísus es, et redemísti nos Deo in sánguine tuo ex omni tribu, et lingua, et pópulo, et natióne:
10 et fecísti nos Deo nostro regnum, et sacerdótes: et regnábimus super terram.
11 Et vidi, et audívi vocem angelórum multórum in circúitu throni, et animálium, et seniórum: et erat númerus eórum míllia míllium,
12 dicéntium voce magna: Dignus est Agnus, qui occísus est, accípere virtútem, et divinitátem, et sapiéntiam, et fortitúdinem, et honórem, et glóriam, et benedictiónem.
13 Et omnem creatúram, quæ in cælo est, et super terram, et sub terra, et quæ sunt in mari, et quæ in eo: omnes audívi dicéntes: Sedénti in throno, et Agno, benedíctio et honor, et glória, et potéstas in sǽcula sæculórum.
14 Et quátuor animália dicébant: Amen. Et vigínti quátuor senióres cecidérunt in fácies suas: et adoravérunt vivéntem in sǽcula sæculórum.

[Responsory3]
R. In conspéctu Angelórum psallam tibi:
* Et adorábo ad templum sanctum tuum, et confitébor nómini tuo, Dómine.
V. Super misericórdia tua et veritáte tua, quóniam magnificásti super nos nomen sanctum tuum.
R. Et adorábo ad templum sanctum tuum, et confitébor nómini tuo, Dómine.
&Gloria
R. Et adorábo ad templum sanctum tuum, et confitébor nómini tuo, Dómine.

[Lectio4]
Sermo sancti Bedæ Venerábilis Presbýteri
!Sermo 18 de Sanctis
Hódie, dilectíssimi, ómnium Sanctórum sub una solemnitátis lætítia celebrámus festivitátem: quorum societáte cælum exsúltat, quorum patrocíniis terra lætátur, triúmphis Ecclésia sancta coronátur, quorum conféssio quanto in passióne fórtior, tanto est clárior in honóre: quia, dum crevit pugna, crevit et pugnántium glória, et martýrii triúmphus multíplici passiónum génere adornátur: perque gravióra torménta, gravióra fuére et prǽmia: dum cathólica mater Ecclésia, quæ per totum orbem longe latéque diffúsa est, in ipso cápite suo Christo Jesu edúcta est, contumélias, cruces et mortem non timére; magis magísque roboráta, non resisténdo, sed perferéndo, univérsis, quos ágmine ínclito carcer pœnális inclúsit, pari et símili calóre virtútis ad geréndum certámen, glóriam triumphálem inspirávit.

[Responsory4]
@Sancti/06-24:Responsory7

[Lectio5]
O vere beáta mater Ecclésia, quam sic honor divínæ dignatiónis illúminat, quam vincéntium gloriósus Mártyrum sanguis exórnat, quam inviolátæ confessiónis cándida índuit virgínitas! Flóribus ejus nec rosæ nec lília desunt. Certent nunc caríssimi, sínguli, ut ad utrósque honóres amplíssimam accípiant dignitátem, corónas, vel de virginitáte cándidas, vel de passióne purpúreas. In cæléstibus castris pax et ácies habent flores suos, quibus mílites Christi coronántur.

[Responsory5]
@Commune/C1:Responsory7

[Lectio6]
Dei enim ineffábilis et imménsa bónitas étiam hoc provídit, ut labórum quidem tempus et agónis non exténderet, nec longum fáceret, aut ætérnum, sed breve, et ut ita dicam, momentáneum: ut in hac brevi et exígua vita agónes essent et labóres; in illa vero quæ ætérna est, corónæ et prǽmia meritórum: ut labóres quidem cito finiréntur, meritórum vero prǽmia sine fine durárent: ut post hujus mundi ténebras visúri essent candidíssimam lucem, et acceptúri majórem passiónum cunctárum acerbitátibus beatitúdinem, testánte hoc idem Apóstolo, ubi ait: Non sunt condígnæ passiónes hujus témporis ad superventúram glóriam, quæ revelábitur in nobis.

[Responsory6]
@Commune/C3:Responsory8

[Lectio7]
Léctio sancti Evangélii secúndum Matthǽum
!Matt 5:1-12
In illo témpore: Videns Jesus turbas, ascéndit in montem, et cum sedísset, accessérunt ad eum discípuli ejus. Et réliqua.
_
Homilía sancti Augustíni Epíscopi
!Lib. 1 de Sermone Domini in monte, sub initium
Si quǽritur quid signíficet mons, bene intellégitur significáre majóra præcépta justítiæ, quia minóra erant quæ Judǽis data sunt. Unus tamen Deus per sanctos prophétas et fámulos suos, secúndum ordinatíssimam distributiónem témporum, dedit minóra præcépta pópulo, quem adhuc timóre alligári oportébat: et per Fílium suum majóra pópulo, quem caritáte jam liberári convénerat. Cum autem minóra minóribus, majóra majóribus dantur, ab eo dantur, qui solus novit congruéntem suis tempóribus géneri humáno exhibére medicínam.

[Responsory7]
@Commune/C4:Responsory8:s/&Gloria.*//s

[Lectio8]
Nec mirum est, quod dantur præcépta majóra propter regnum cælórum, et minóra data sunt propter regnum terrénum, ab eódem uno Deo, qui fecit cælum et terram. De hac ergo justítia, quæ major est, per prophétam dícitur: Justítia tua sicut montes Dei: et hoc bene signíficat, quod ab uno magístro, solo docéndis tantis rebus idóneo, docétur in monte. Sedens autem docet, quod pértinet ad dignitátem magistérii. Et accédunt ad eum discípuli ejus, ut audiéndis illíus verbis hi essent étiam córpore vicinióres, qui præcéptis adimpléndis étiam ánimo propinquábant. Et apériens os suum docébat eos, dicens. Ista circumlocútio, qua scríbitur, Et apériens os suum, fortássis ipsa mora comméndat aliquánto longiórem futúrum esse sermónem. Nisi forte non vacet, quod nunc eum dictum est aperuísse os suum, quod ipse in lege véteri aperíre soléret ora prophetárum.

[Responsory8]
@Commune/C6

[Lectio9]
Quid ergo dicit? Beáti páuperes spíritu: quóniam ipsórum est regnum cælórum. Légimus scriptum de appetitióne rerum temporálium: Omnia vánitas, et præsúmptio spíritus. Præsúmptio autem spíritus, audáciam et supérbiam signíficat. Vulgo étiam magnos spíritus supérbi habére dicúntur: et recte, quandóquidem spíritus étiam ventus vocátur. Unde scriptum est: Ignis, grando, nix, glácies, spíritus procellárum. Quis vero nésciat supérbos inflátos dici, tamquam vento disténtos? Unde est étiam illud Apóstoli: Sciéntia inflat, cáritas vero ædíficat. Quaprópter recte hic intellegúntur páuperes spíritu, húmiles et timéntes Deum, id est, non habéntes inflántem spíritum.
&teDeum

[Versum 0]
V.  Oráte pro nobis, omnes Sancti Dei.
R. Ut digni eficiámur promissiónibus Christi.

[Ant Laudes]
@:Ant Vespera

[Ant Laudes] (rubrica cisterciensis)
@CommuneM/C3:Ant 2
@Commune/C3:Ant 3
@CommuneM/C1:Ant 3
@CommuneM/C1:Ant Vespera:4:s/;;.*//
@CommuneM/C1:Ant Vespera:5

[Capitulum Laudes]
!Apo 7:2-3
v. Ecce ego Joánnes vidi álterum Angelum ascendéntem ab ortu solis, habéntem signum Dei vivi: et clamávit voce magna quátuor Ángelis, quibus datum est nocére terræ et mari, dicens: Nolíte nocére terræ et mari, neque arbóribus, quoadúsque signémus servos Dei nostri in fróntibus eórum.
$Deo gratias

[Hymnus Laudes]
{:H-Salutisæternæ:}v. Salútis ætérnæ dator,
Jesu, redémptis súbveni:
Virgo, Parens cleméntiæ
Dona salútem sérvulis.
_
Vos, Angelórum míllia,
Patrúmque cœtus, ágmina
Canóra Vatum; vos, reis
Precámini indulgéntiam.
_
Baptísta Christi prǽvius,
Summíque cæli Cláviger,
Cum céteris Apóstolis
Nexus resólvant críminum.
_
Cohors triúmphans Mártyrum,
Almus Sacerdótum chorus,
Et virginális cástitas
Nostros reátus ábluant.
_
Quicúmque in alta síderum
Regnátis aula príncipes,
Favéte votis súpplicum,
Qui dona cæli flágitant.
_
Virtus, honor, laus, glória
Deo Patri cum Fílio,
Sancto simul Paráclito,
In sæculórum sǽcula.
Amen.

[HymnusM Laudes]
v. Jesu Salvátor sǽculi,
Redémptis ope súbveni:
Et pia Dei Génitrix,
Salútem posce míseris.
_
Cœtus omnes angélici,
Patriarchárum cúnei,
Et Prophetárum mérita
Nobis precéntur véniam.
_
Baptísta Christi prǽvius,
Et Cláviger æthéreus,
Cum céteris Apóstolis,
Nos solvant nexu críminis.
_
Chorus sacrátus Mártyrum,
Conféssio Sacerdótum,
Et virginális cástitas
Nos a peccátis ábluant.
_
Monachórum suffrágia,
Omnésque cives cǽlici
Annuant votis súpplicum,
Et vitæ poscant prǽmium.
_
Laus, honor, virtus, glória
Deo Patri, et Fílio,
Sancto simul Paráclito,
In sæculórum sǽcula.
Amen.

[Ant 2_]
Te gloriósus * Apostolórum chorus, te Prophetárum laudábilis númerus, te Mártyrum candidátus laudat exércitus, te omnes Sancti et elécti voce confiténtur unánimes, beáta Trínitas, unus Deus.

[Ant 2C]
Beáti estis * Sancti Dei omnes, qui meruístis consórtes fíeri cæléstium virtútum, et pérfrui ætérnæ claritátis glória: idéoque precámur, ut mémores nostri, intercédere dignémini pro nobis ad Dóminum Deum nostrum.

[Ant 2]
@:Ant 2_
(sed rubrica cisterciensis)
@:Ant 2C

[Lectio Prima]
!Apo 7:12
v. Benedíctio, et cláritas, et sapiéntia, et gratiárum áctio, honor, virtus, et fortitúdo Deo nostro, in sǽcula sæculórum. Amen.

[Capitulum Sexta]
!Apo 7:9
v. Post hæc vidi turbam magnam, quam dinumeráre nemo póterat ex ómnibus géntibus, et tríbubus, et pópulis, et linguis, stantes ante thronum Dei, in conspéctu Agni, amícti stolis albis, et palmæ in mánibus eórum.
$Deo gratias

[Capitulum Nona]
@:Lectio Prima
$Deo gratias

[Ant 3]
O quam gloriósum est regnum * in quo cum Christo gaudent omnes Sancti, amícti stolis albis sequúntur Agnum quocúmque íerit!

[Ant 3] (rubrica cisterciensis)
@:Ant 2_