[Officium]
S. Isidori Agricolæ Confessoris

[Rank]
;;Duplex;;2;;vide C5

[Rule]
vide C5;

[Oratio]
Da nobis, quǽsumus, miséricors Deus, beáto Isidóro Agrícola Confessóre tuo intercedénte, supérbe non sápere: sed ejus méritis et exémplis plácita tibi semper humilitáte deservíre.
$Per Dominum

[Lectio94]
Isidórus, Matríti natus, agros colébat ex mercéde; sed, vere beátus agrícola sua non ignórans bona, novit et agrum ánimæ suæ frúgibus ditáre virtútum. Nam primum quærébat regnum Dei, templa, mariána præsértim, bene mane vísitans, ántequam iret ad opus. Quas moras cum gráviter ferret herus, mane quodam ex editióre loc, ubi præstolabátur eum increpatúrus, vidi Isidórum binos inter Angelos, qui duplex pro eo ducébant jugum boum arántium. Deo sérviens in frátribus, mercédem labóris erogábat egénis. Olim páuperes ad convívium vocátos parte pulménti sibi reserváta satiávit. Alias, æstáte calénte, ex humo, stímulo boum percússa, elícito fonte, heri sui sitim explévit. Sénior obdormívit in Dómino et e cœmetério Sancti Andréæ corpus ejus étiam tum íntegrum in ecclésiam translátum fuit, ubi, editióre loco situm, miráculis cláruit. Quadringéntos post annos a Gregório décimo quinto Sanctórum fastis adscríptum, dein Pius duodécimus ruricolárum in Septentrionális Américæ Civitátibus Fœderátis Patrónum declarávit et constítuit.
&teDeum

[Capitulum Laudes]
!Jac 5:7-8
v. Ecce agrícola exspéctat pretiósum fructum terræ, patiénter ferens donec accípiat temporáneum et serótinum. Patiéntes ígitur estóte et vos, et confirmáte corda vestra; quóniam advéntus Dómini appropinquávit.
$Deo gratias

[Ant 2]
Exiit qui séminat * semináre semen suum, et áliud cécidit in terram bonam, et ortum fecit fructum céntuplum.

[Capitulum Sexta]
!Jac 5:11
v. Ecce beatificámus eos qui sustinuérunt. Sufferéntiam Job audístis, et finem Dómini vidístis, quóniam miséricors Dóminus est, et miserátor.
$Deo gratias

[Capitulum Nona]
!Jac 5:16-18
v. Multum enim valet deprecátio justi assídua. Elías homo erat símilis nobis passíbilis: et oratióne orávit ut non plúeret super terram, et non pluit annos tres, et menses sex. Et rursum orávit: et cælum dedit plúviam, et terra dedit fructum suum.
$Deo gratias

[Ant 3]
Ecce homo agrícola * iste fuit, quóniam Adam exémplum ejus ab adolescéntia sua, ad serviéndum Deo vivénti.