[Rank]
In Octavam Nativitatis Beatæ Mariæ Virginis;;Duplex;;3.1;;ex Sancti/09-08
(sed rubrica cisterciensis)
In Octavam Nativitatis Beatæ Mariæ Virginis;;Semiduplex;;2.2;;ex Sancti/09-08

[Rule]
ex Sancti/09-08;
9 lectiones
Doxology=Nat

[Lectio1]
@Sancti/08-22t

[Lectio2]
@Sancti/08-22t

[Lectio3]
@Sancti/08-22t

[Lectio4]
Sermo sancti Cyrilli Epíscopi Alexandrini.
!Homilia contra Nestorium.
Hilarem video cœtum Sanctorum omnium, qui convenerunt promptis animis, a sancta et Dei Matre Maria semper Virgine convocati. Laus et gloria sit tibi sancta Trinitas, quæ omnes nos ad hanc celebritatem convocasti. Sit étiam tibi sancta Dei Mater laus. Tu enim es pretiosa margarita orbis terrarum: tu lampas inexstinguibilis, corona virginitatis, sceptrum orthodoxæ fidei, templum indissolubile continens eum qui nusquam contineri potest, Mater et Virgo; per quam benedictus, qui venit in nomine Domini, in sanctis Evangeliis nominatur.

[Lectio5]
Per te Trinitas sanctificatur: per te crux pretiosa celebratur et adoratur in toto orbe terrarum. Per te exsultat cælum, lætantur Angeli et Archangeli, fugantur dæmones, et homo ipse ad cælum revocatur. Per te omnis creatura idolorum errore detenta, conversa est ad agnitionem veritatis, et fideles homines ad sanctum baptisma pervenerunt, atque in toto orbe terrarum constructæ sunt ecclesiæ.

[Lectio6]
Te adjutrice gentes veniunt ad pœnitentiam. Quid plura? Per te unigenitus Dei Filius vera illa lux effulsit sedentibus in tenebris et umbra mortis. Per te Prophetæ prænuntiarunt, per te Apostoli salutem Gentibus prædicarunt. Quisnam poterit tuarum laudum præconia explicare, Maria Mater et Virgo? Hanc, fratres dilectissimi, celebremus, ejus Filium Ecclesiæ sponsum immaculatum adorantes: cui honor et gloria in sæcula sæculorum. Amen.

[Lectio7]
Léctio sancti Evangélii secúndum Matthǽum.
!Matt 1:1-17
Liber generationis Jesu Christi filii David, filii Abraham. Abraham genuit Isaac. Isaac autem genuit Jacob. Et réliqua.
_
Homilia sancti Joannis Chrysostomi.
!Homil. 2. in Matth., post init.
Auditu quidem mirabile est quod ineffabilis Deus, et qui nec sermonibus explicari potest, nec cogitationibus comprehendi, Patrique per omnia coæqualis, per Virginis ad nos venit uterum, et fieri ex muliere dignatus est, et habere progenitores David et Abraham: et quid dico, David et Abraham? étiam illas, quod magis stupendum est, feminas, quas paulo ante memoravi. Hæc igitur audiens mente consurge, nihilque humile suspiceris, sed potius propter hoc ipsum maxime mirare, quia cum verus et dilectus Filius sit sempiterni Dei, étiam filius David esse dignatus est, modo ut te filium faceret Dei: servum patrem habere dignatus est, ut tibi servo patrem faceret ipsum Deum.

[Responsory7]
@Sancti/07-02:Responsory7

[Lectio8]
Vides ab ipso statim principio, quam læta sint hæc unita. Quod si ambigis de his quæ ad tuum spectant honorem, ab iis quæ illius sunt, étiam tua disce credere. Quantum enim consequi potest humana ratio, multo est difficilius Deum hominem fieri, quam hominem Dei filium consecrari. Cum ergo audieris, quia Filius Dei filius sit et David et Abrahæ: dubitare jam desine, quod et tu, qui filius es Adæ, futurus sis filius Dei. Non enim semetipsum ita humiliasset, nisi nos esset exaltaturus. Natus est enim secundum carnem, ut tu nascerere spiritu: natus est ex muliere, ut tu desineres filius esse mulieris.

[Responsory8]
@Sancti/07-02:Responsory8