[Rank]
Septem Dolorum Beatæ Mariæ Virginis;;Duplex 2nd class;;5.1;;ex C11

[Rank] (rubrica 196)
Septem Dolorum Beatæ Mariæ Virginis;;Duplex 2nd class;;5;;ex C11

[Rule]
ex C11;
9 lectiones
Psalmi Dominica
Antiphonas horas

[Ant Vespera]
Quo ábiit * diléctus tuus, o pulchérrima mulíerum? quo declinávit diléctus tuus, et quærémus eum tecum?;;109
Recédite a me, * amáre flebo, nolíte incúmbere, ut consolémini me.;;112
Non est ei * spécies neque decor, et vídimus eum, et non erat aspéctus.;;121
A planta pedis * usque ad vérticem cápitis non est in eo sánitas.;;126
Fulcíte me flóribus, * stipáte me malis, quia amóre lángueo.;;147

[Hymnus Vespera]
v. Jam toto súbitus vesper eat polo,
Et sol attónitum præcípitet diem,
Dum sævæ récolo ludíbrium necis,
Divinámque catástrophen.
_
Spectátrix áderas supplício, Parens,
Malis uda, gerens cor adamántinum;
Natus funérea péndulus in cruce
Altos dum gémitus dabat.
_
Pendens ante óculos Natus, atrócibus
Sectus verbéribus, Natus hiántibus
Fossus vulnéribus, quot penetrántibus
Te confíxit acúleis!
_
Eheu! Sputa, álapæ, vérbera, vúlnera,
Clavi, fel, áloë, spóngia, láncea,
Sitis, spina, cruor, quam vária pium
Cor pressére tyránnide!
_
Cunctis intérea stas generósior,
Virgo, Martýribus: prodígio novo,
In tantis móriens non móreris, Parens,
Diris fixa dolóribus.
_
Sit summæ Tríadi glória, laus, honor,
A qua supplíciter, sollícita prece,
Posco virgínei róboris ǽmulas
Vires rebus in ásperis.
Amen.

[Doxology]
@Tempora/Quad5-5

[Versum 1]
V. Regína Mártyrum, ora pro nobis.
R. Quæ juxta crucem Jesu constitísti.

[Ant 1]
Nolíte me consideráre * quod fusca sim, quia decolorávit me sol: fílii matris meæ pugnavérunt contra me.

[Oratio]
Deus, in cujus passióne, secúndum Simeónis prophetíam, dulcíssimam ánimam gloriósæ Vírginis et Matris Maríæ dolóris gládius pertransívit: concéde propítius; ut, qui dolóres ejus venerándo recólimus, passiónis tuæ efféctum felícem consequámur:
$Qui vivis

[Invit]
Stemus juxta crucem cum María Matre Jesu, * Cujus ánimam dolóris gládius pertransívit.

[Hymnus Matutinum]
v. O quot undis lacrimárum,
Quo dolóre vólvitur,
Luctuósa de cruénto
Dum revúlsum stípite,
Cernit ulnis incubántem
Virgo Mater Fílium!
_
Os suáve, mite pectus
Et latus dulcíssimum,
Dexterámque vulnerátum
Et sinístram sáuciam,
Et rubras cruóre plantas
Ægra tingit lácrimis.
_
Centiésque milliésque
Stringit arctis néxibus
Pectus illud, et lacértos,
Illa figit vúlnera:
Sicque tota colliquéscit
In dolóris ósculis.
_
Eja, Mater, obsecrámus 
Per tuas has lácrimas,
Filiíque triste funus,
Vulnerúmque púrpuram,
Hunc tui cordis dolórem
Conde nostris córdibus.
_
Esto Patri, Filióque,
Et coǽvo Flámini,
Esto summæ Trinitáti 
Sempitérna glória,
Et perénnis laus honórque
Hoc et omni sǽculo.
Amen.

[Ant Matutinum]
Multiplicáti sunt * qui tríbulant me, multi insúrgunt advérsum me.;;3
Paravérunt sagíttas suas * in pháretra, ut sagíttent in obscúro rectos corde.;;10
Defécit in dolóre * vita mea, et anni mei in gemítibus.;;30
V. Regína Mártyrum, ora pro nobis.
R. Quæ juxta crucem Jesu constitísti.
Factum est cor meum * tamquam cera liquéscens in médio ventris mei.;;21
Deus, vitam meam * annuntiávi tibi: posuísti lácrimas meas in conspéctu tuo.;;55
Fuérunt mihi * lácrimæ meæ panes die ac nocte.;;41
V. Fascículus myrrhæ diléctus meus mihi.
R. Inter úbera mea commorábitur.
Intendérunt arcum * rem amáram, ut sagíttent in occúltis immaculátum.;;63
Ánima mea * turbáta est valde: sed tu, Dómine, úsquequo?;;6
Deus adjútor * in tribulatiónibus quæ invenérunt nos nimis.;;45
V. Per te salútem hauriámus, Virgo María.
R. Ex vulnéribus Christi.

[Lectio1]
De Jeremía Prophéta
!Lam. 1:2; 1:20-21
2 (Beth) Plorans plorávit in nocte, et lácrimæ ejus in maxíllis ejus: non est qui consolétur eam ex ómnibus caris ejus: omnes amíci ejus sprevérunt eam, et facti sunt ei inimíci.
20 (Res) Vide, Dómine, quóniam tríbulor, conturbátus est venter meus, subvérsum est cor meum in memetípsa, quóniam amaritúdine plena sum. Foris intérfecit gládius, et domi mors símilis est.
21 (Sin) Audiérunt quia ingemísco ego, et non est qui consolétur me.

[Responsory1]
R. Símeon, vir justus et timorátus, dixit ad Maríam: 
* Tuam ipsíus ánimam pertransíbit gládius.
V. Ne vocétis me pulchram, sed amáram, quia amaritúdine valde replévit me Omnípotens.
R. Tuam ipsíus ánimam pertransíbit gládius.

[Lectio2]
!Lam. 2:13, 15-16
13 (Mem) Cui comparábo te? vel cui assimilábo te, fília Jerúsalem? cui exæquábo te, et consolábor te, virgo fília Sion? Magna est enim velut mare contrítio tua: quis medébitur tui?
15 (Samech) Plausérunt super te mánibus omnes transeúntes per viam: sibilavérunt, et movérunt caput suum super fíliam Jerúsalem: Hǽccine est urbs, dicéntes, perfécti decóris, gáudium univérsæ terræ?
16 (Phe) Aperuérunt super te os suum omnes inimíci tui, sibilavérunt et fremuérunt déntibus, et dixérunt: Devorábimus.

[Responsory2]
R. Surge, et áccipe Púerum et Matrem ejus, et fuge in Ægýptum; 
* Et esto ibi usque dum dicam tibi.
V. Vocávi fílium meum ex Ægýpto, ut véniat salus in Israël.
R. Et esto ibi usque dum dicam tibi.

[Lectio3]
!Lam. 2:17-18
17 (Ain) Fecit Dóminus quæ cogitávit, complévit sermónem suum quem præcéperat a diébus antíquis: destrúxit et non pepércit, et lætificávit super te inimícum et exaltávit cornu hóstium tuórum.
18 (Sade) Clamávit cor eórum ad Dóminum super muros fíliæ Sion: Deduc quasi torréntem lácrimas per diem et noctem; non des réquiem tibi, neque táceat pupílla óculi tui.

[Responsory3]
R. Fili, quid fecísti nobis sic? 
* Ego et pater tuus * Doléntes quærebámus te.
V. Quid est quod me quærebátis? In his quæ Patris mei sunt, opórtet me esse.
R. Ego et pater tuus.
&Gloria
R. Doléntes quærebámus te.

[Lectio4]
@Tempora/Quad5-5

[Responsory4]
R. Jesum bajulántem sibi crucem 
* Sequebátur turba mulíerum, quæ plangébant et lamentabántur eum.
V. Fíliæ Jerúsalem, super vos ipsas flete et super fílios vestros.
R. Sequebátur turba mulíerum, quæ plangébant et lamentabántur eum.

[Lectio5]
@Tempora/Quad5-5

[Responsory5]
R. Postquam venérunt in locum qui dícitur Calváriæ, ibi crucifixérunt eum: 
* Stabat autem juxta crucem Jesu Mater ejus.
V. Tunc beátam illíus ánimam dolóris gládius pertransívit.
R. Stabat autem juxta crucem Jesu Mater ejus.

[Lectio6]
@Tempora/Quad5-5

[Responsory6]
R. Joseph ab Arimathǽa 
* Pétiit corpus Jesu, quod, de cruce depósitum, * Suo compléxu Mater excépit.
V. Dolens Sunamítis sinu et génibus suis sustínuit mórtuum fílium.
R. Pétiit corpus Jesu, quod, de cruce depósitum.
&Gloria
R. Suo compléxu Mater excépit.

[Lectio7]
Léctio sancti Evangélii secúndum Joánnem
!Joannes 19:25-27
In illo témpore: Stabant juxta crucem Jesu Mater ejus, et soror Matris ejus María Cléophæ, et María Magdaléne. Et réliqua.
_
Homilía sancti Ambrósii Epíscopi
!De Instit. Virg. cap. 7
Stabat juxta crucem Mater, et, fugiéntibus viris, stabat intrépida. Vidéte utrum pudórem mutáre potúerit Mater Jesu, quæ ánimum non mutávit. Spectábat piis óculis Fílii vúlnera, per quæ sciébat ómnibus futúram redemptiónem. Spectábat non degéneri mater spectáculo, quæ non metúerat peremptórem. Pendébat in cruce Fílius, Mater se persecutóribus offerébat.

[Responsory7]
R. Quis tibi sensus fuit, o Mater dolórum, 
* Dum Joseph síndone Fílium tuum invólvit, et pósuit eum in monuménto?
V. Consideráte et vidéte, si est dolor, sicut dolor meus.
R. Dum Joseph síndone Fílium tuum invólvit, et pósuit eum in monuménto?

[Lectio8]
!Epist. 25 ad Ecclesiam Vercellensem, prope finem
María Mater Dómini ante crucem Fílii stabat. Nullus me hoc dócuit, nisi sanctus Joánnes Evangelísta. Mundum álii concússum in passióne Dómini conscripsérunt, cælum ténebris obdúctum, refugísse solem, in paradísum latrónem, sed post piam confessiónem, recéptum. Joánnes dócuit, quod álii non docuérunt, quemádmodum in cruce pósitus Matrem appelláverit. Pluris putátur quod victor suppliciórum pietátis offícia Matri exhibébat, quam quod regnum cæléste donábat. Nam si religiósum est quod latróni donátur vénia, multo uberióris pietátis est quod a Fílio Mater tanto afféctu honorátur.

[Responsory8]
R. In toto corde tuo gémitus Matris tuæ ne obliviscáris, 
* Ut perficiátur propitiátio et benedíctio.
V. Ave, princeps generósa, Martyrúmque prima rosa, Virginúmque lílium.
R. Ut perficiátur propitiátio et benedíctio.
&Gloria
R. Ut perficiátur propitiátio et benedíctio.

[Lectio9]
Ecce, inquit, fílius tuus: ecce mater tua. Testabátur de cruce Christus, et inter matrem atque discípulum dividébat pietátis offícia. Condébat Dóminus non solum públicum, sed étiam domésticum testaméntum: et hoc ejus testaméntum signábat Joánnes, dignus tanto testatóre testis. Bonum testaméntum, non pecúniæ, sed vitæ ætérnæ; quod non atraménto scriptum est, sed Spíritu Dei vivi, qui ait: Lingua mea cálamus scribæ velóciter scribéntis.
&teDeum

[Versum 0]
V. Defécit in dolóre vita mea.
R. Et anni mei in gemítibus.

[Ant Laudes]
@:Ant Vespera:s/;;.*//g

[Capitulum Laudes]
!Lam 2:13
v. Cui comparábo te? vel cui assimilábo te, fília Jerúsalem? cui exæquábo te, et consolábor te, virgo fília Sion? Magna est velut mare contrítio tua.
$Deo gratias

[Hymnus Laudes]
v. Summæ Deus cleméntiæ,
Septem dolóres Vírginis
Plagásque Jesu Fílii
Fac rite nos revólvere.
_
Nobis salútem cónferant
Deíparæ tot lácrimæ
Quibus laváre súfficis
Totíus orbis crímina.
_
Sit quinque Jesu vúlnerum
Amára contemplátio,
Sint et dolóres Vírginis
Ætérna cunctis gáudia.
_
@Tempora/Quad5-5:Doxology

[Versum 2]
V. María Virgo, per virtútem tot dolórum.
R. Fac nos gaudére in regno cælórum.

[Ant 2]
Veníte, * ascendámus ad montem Dómini, et vidéte, si est dolor, sicut dolor meus.

[Lectio Prima]
!Lam. 2:18
v. Deduc quasi torréntem lácrimas per diem et noctem; non des réquiem tibi, neque táceat pupílla óculi tui.

[Versum Prima]
@Tempora/Quad5-5

[Responsory Tertia]
R.br. O vos omnes, * Qui transítis per viam.
R. O vos omnes, * Qui transítis per viam.
V. Atténdite et vidéte, si est dolor, sicut dolor meus.
R. Qui transítis per viam.
&Gloria
R. O vos omnes, * Qui transítis per viam.
_
V. Defecérunt præ lácrimis óculi mei.
R. Conturbáta sunt ómnia víscera mea.

[Capitulum Sexta]
!Lam. 1:2
v. Plorans plorávit in nocte, et lácrimæ ejus in maxíllis ejus: non est qui consolétur eam ex ómnibus caris ejus.
$Deo gratias

[Responsory Sexta]
R.br. Defecérunt * Præ lácrimis óculi mei.
R. Defecérunt * Præ lácrimis óculi mei.
V. Conturbáta sunt ómnia víscera mea.
R. Præ lácrimis óculi mei.
&Gloria
R. Defecérunt * Præ lácrimis óculi mei.
_
V. Fascículus myrrhæ diléctus meus mihi.
R. Inter úbera mea commorábitur.

[Capitulum Nona]
@:Lectio Prima
$Deo gratias

[Responsory Nona]
R.br. Fascículus myrrhæ * Diléctus meus mihi.
R. Fascículus myrrhæ * Diléctus meus mihi.
V. Inter úbera mea commorábitur.
R. Diléctus meus mihi.
&Gloria
R. Fascículus myrrhæ * Diléctus meus mihi.
_
V. Anima mea liquefácta est.
R. Ut diléctus locútus est.

[Versum 3]
@:Versum 1

[Ant 3]
Oppréssit me dolor, * et fácies mea intúmuit a fletu, et pálpebræ meæ caligavérunt.