[Rank]
Secunda die infra Octavam S. Nativitatis Beatæ Mariæ Virginis;;Semiduplex;;2;;ex Sancti/09-08

[Rule]
ex Sancti/09-08;
9 lectiones
Doxology=Nat
No prima Vespera

[Lectio4]
De Sermone sancti Augustíni Epíscopi.
!Serm. 18. de Sanctis, in med.
Exsultat Maria, et matrem se læta miratur, et de Spiritu sancto se peperisse gaudet; nec quia peperit innupta, terretur; sed quia genuerit, cum exsultatione miratur. O femina super feminas benedicta, quæ virum omnino non novit, et virum suo utero circumdedit! Circumdat virum Maria Angelo fidem dando, quia Heva perdidit virum, serpenti consentiendo. O felix obedientia, o insignis gratia! quæ dum fidem humiliter dedit, cæli in se opificem corporavit. Hinc promeruit gloriam, quam ipsa postmodum auxit. Ecce, ait, ex hoc beatam me dicent omnes generationes.

[Responsory4]
@Sancti/09-08:Responsory4

[Lectio5]
O beata Maria, quis tibi digne valeat jura gratiarum ac laudum præconia rependere, quæ singulari tuo assensu mundo succurristi perdito? Quas tibi laudes fragilitas humani generis persolvat, quæ solo tuo commercio recuperandi aditum invenit? Accipe ítaque quascumque exiles, quascumque meritis tuis impares gratiarum actiones: et cum susceperis vota, culpas nostras orando excusa. Admitte nostras preces intra sacrarium exauditionis et reporta nobis antidotum reconciliationis.

[Responsory5]
@Sancti/09-08:Responsory5

[Lectio6]
Sit per te excusabile quod per te ingerimus: fiat impetrabile quod fida mente poscimus. Accipe quod offerimus, redona quod rogamus, excusa quod timemus: quia tu es spes unica peccatorum. Per te speramus veniam delictorum, et in te beatissima nostrorum est exspectatio præmiorum. Sancta Maria, succurre miseris, juva pusillanimes, refove flebiles, ora pro populo, interveni pro clero, intercede pro devoto femineo sexu: sentiant omnes tuum juvamen, quicumque celebrant tuam sanctam Nativitatem.

[Responsory6]
@Sancti/09-08:Responsory6

[Lectio7]
Léctio sancti Evangélii secúndum Matthǽum.
!Matt 1:1-16
Lectio vii. Cap. 1. Liber generationis Jesu Christi filii David, filii Abraham. Abraham genuit Isaac. Isaac autem genuit Jacob. Et réliqua.
_
De Homilia sancti Hierónymi Presbýteri.
!Lib. 1. Comm. in Matth.
Jacob autem genuit Joseph. Hunc locum objecit nobis Julianus Augustus de dissonantia Evangelistarum, cur Evangelista Matthæus Joseph dixerit filium Jacob, et Lucas eum filium appellarit Heli: non intelligens consuetudinem Scripturarum, quod alter secundum naturam, alter secundum legem ei pater sit. Scimus enim hoc per Moysen, Deo jubente, præceptum, ut si frater aut propinquus absque liberis mortuus fuerit, alius accipiat uxorem ad suscitandum semen fratris vel propinqui sui. Joseph virum Mariæ. Cum virum audieris, suspicio tibi non subeat nuptiarum: sed recordare consuetudinis Scripturarum, quod sponsi viri, et sponsæ vocentur uxores.

[Responsory7]
@Sancti/07-02:Responsory7

[Lectio8]
Et a transmigratione Babylonis usque ad Christum generationes quatuordecim. Numera a Jechonia usque ad Joseph, et invenies generationes tredecim. Quartadecima ergo generatio in ipsum Christum reputabitur. Christi autem generatio sic erat. Quærat diligens lector, et dicat: Cum Joseph non sit pater Domini Salvatoris, quid pertinet ad Dominum generationis ordo deductus usque ad Joseph? Cui respondebimus, primum, non esse consuetudinis Scripturarum, ut mulierum in generationibus ordo texatur. Deínde, ex una tribu fuísse Joseph et Mariam, unde ex lege eam accipere cogebatur ut propinquam et quod simul censentur in Bethlehem, ut de una videlicet stirpe generati.

[Responsory8]
@Sancti/07-02:Responsory8

[Ant 3] (rubrica cisterciensis)
@Sancti/09-08:Ant 1