[Officium]
S. Agapiti Martyris

[Rank]
;;Simplex;;1.1;;vide C2a-1

[Rule]
vide C2a-1;

[Oratio]
Lætétur Ecclésia tua, Deus, beáti Agapíti Mártyris tui confísa suffrágiis: atque, ejus précibus gloriósis, et devóta permáneat et secúra consístat.
$Per Dominum

[Lectio93]
Agapitus Prænestínus, quindecim annos natus, Aureliáno imperatóre, martyrii cupidíssimus, cum propter constantiam religiónis, imperatóris jussu, primum nervis diutíssime cæsus, deínde in tetrum carcerem conjéctus esset, ut nihil omnino per quatuor dies gustaret, e custódia est edúctus. Et, ardéntibus carbónibus capiti ejus impositis, Deo agens grátias, íterum afféctus verbéribus, nudus ita pédibus suspénsus est, ut ingens fumus e subjecto igne os ejus obrúeret. Tum fervens aqua in ejus ventrem effúsa est, maxillǽque confractæ. Quo témpore judex, e tribunali lapsus, paulo post mórtuus est. Ea re incénso imperatóre, sanctum juvenem jubénte feris óbjici, cum illæ non audérent attingere, Præneste gládio percússus est.
&teDeum