[Officium]
S. Hyacinthi Confessoris

[Rank]
;;Duplex;;3;;vide C5
(sed rubrica cisterciensis)
;;Commemoratio;;1;;vide C5

[Rule]
vide C5;mtv
9 lectiones

[Name]
Hyacínthi

[Lectio4]
Hyacínthus Polónus, nobílibus et christiánis paréntibus, in Camiénsi villa episcopátus Vratislaviénsis natus est. A puerítia litteris instructus, post datam jurisprudéntiæ et sacris litteris operam, inter canonicos Cracovienses adscitus, insígni morum pietáte et summa eruditióne ceteros antecelluit. Romæ in Prædicatórum ordinem ab ipso institutore sancto Dominico adscriptus, perféctam vivéndi ratiónem, quam ab ipso didicerat, usque ad finem vitæ sanctíssime retinuit. Virginitátem perpetuo coluit; modestiam, patiéntiam, humilitátem, abstinéntiam ceterasque virtútes, ut certum reliogiosæ vitæ patrimónium, adamávit.

[Lectio5]
Caritáte in Deum fervens, integras sæpe noctes fundéndis précibus castigandóque córpori insúmens, nullum eidem levaméntum, nisi lapidi innixus sive humi cubans, adhibebat. Remissus in pátriam, Frisaci primum in itinere amplíssimum sui ordinis monastérium, mox Cracoviæ álterum eréxit. Inde per alias Poloniæ regni provincias aliis quatuor exædificatis, incredibile dictu est quantum verbi Dei prædicatióne et vitæ innocéntia apud omnes profécerit. Nullum diem prætermisit, quo non præclára aliqua fidei, pietátis atque innocéntiæ arguménta præstiterit.

[Lectio6]
Sanctíssime viri studium erga proximórum salútem maximis Deus miraculis illustrávit. Inter quæ illud insigne, quod Vándalum fluvium prope Visogradum aquis redundántem, nullo navigio usus, trajecit, sociis quoque expanso super undas pallio traductis. Admirábili vitæ genere ad quadragínta prope annos post professiónem perducto, mortis die suis frátribus prænuntiáto, ipso assumptæ Vírginis festo, Horis canonicis persolutis, sacramentis ecclesiásticis summa cum veneratióne perceptis, iis verbis: In manus tuas, Dómine; spíritum Deo réddidit, anno salútis millesimo ducentésimo quinquagesimo septimo. Quem miraculis, étiam post óbitum, illustrem, Clemens Papa octavus in Sanctórum númerum rétulit.

[Lectio94]
Hyacínthus Polónus, nobílibus et christiánis paréntibus in Camiénsi villa episcopátus Vratislaviénsis natus est. Inter canónicos Cracoviénses adscítus, insígni morum pietáte et eruditióne céteros antecélluit. Romæ in Prædicatórum órdinem ab ipso institutóre sancto Domínico adscríptus, perféctam vivéndi ratiónem, quam ab ipso didícerat, usque ad finem vitæ sanctíssime retínuit, virginitáte perpétuo serváta. Remíssus in pátriam, sex sui órdinis monastériis exædificátis, incredíbile dictu est, quantum verbi Dei prædicatióne et vitæ innocéntia apud omnes profécerit, frequéntibus clarus miráculis. Inter quæ illud insígne, quod Vándalum flúvium prope Visográdum aquis redundántem, nullo navígio usus, trajécit, sóciis quoque expánso super undas pállio tradúctis. Admirábili vitæ génere ad quadragínta prope annos post professiónem perdúcto, ipso assúmptæ Vírginis festo, spíritum Deo réddidit, anno salútis millésimo ducentésimo quinquagésimo séptimo, et a Cleménte octávo in Sanctórum númerum fuit relátus.
&teDeum

[Lectio94] (rubrica tridentina)
!Commemoratio S. Hyacinthi Confessóris
Hyacinthus Polonus, nobilibus et christianis parentibus in Camiensi villa episcopatus Vratislaviensis natus est. A pueritia litteris instructus, post datam jurisprudentiæ et sacris litteris operam, inter canonicos Cracovienses ascitus, insigni morum pietate et summa eruditione ceteros antecelluit. Romæ in Prædicatorum ordinem ab ipso institutore sancto Dominico adscriptus, perfectam vivendi rationem, quam ab ipso didicerat, usque ad finem vitas sanctissime retinuit. Virginitatem perpetuo coluit: modestiam, patientiam, humilitatem, abstinentiam, ceterasque virtutes, ut certura religiosæ vitæ patrimonium, adamavit Caritate in Deum fervens, integras sæpe noctes fundendis precibus, castigandoque corpori instimens, nullum eidem levamentum, nisi lapidi innixus, sive humi cubans, adhibebat. Remissus in patriam, Frisaci primum in itinere amplissimum sui ordinis monasterium, mox Cracoviæ alterum erexit. Inde per alias Poloniæ regni provincias, aliis quatuor exædificatis, incredibile dictu est quantum verbi Dei prædicatione et vitæ innocentia apud omnes profecerit. Nullum diem prætermisit, quo non præclara aliqua fidei, pietatis atque innocentiæ argumenta præstiterit. Sanctissimi viri studium erga proximorum salutem maximis Deus miraculis illustravit. Inter quæ illud insigne, quod Vandalum fluvium prope Visogradum aquis redundantem, nullo navigio usus, trajecit, sociis quoque expanso super undas pallio traductis. Admirabili vitæ genere ad quadraginta prope annos post professionem perducto, mortis die suis fratribus prænuntiato ipso assumptæ Virginis festo, Horis Canonicis persolutis, sacramentis ecclesiasticis summa cum veneratione perceptis, iis verbis: In manus tuas Domine, spiritum Deo reddidit, anno salutis millesimo ducentesimo quinquagesimo septimo. Quem miraculis, étiam post obitum, illustrem, Clemens Papa octavus in sanctorum numerum retulit.