[Rank]
In Assumptione Beatæ Mariæ Virginis;;Duplex I classis cum Octava Communi;;7;;ex C11

[Rule]
ex C11;
9 lectiones
Psalmi Dominica
Antiphonas Horas
Doxology=Nat

[Ant Vespera]
Assúmpta est María in cælum: * gaudent Angeli, laudántes benedícunt Dóminum.;;109
María Virgo assúmpta est * ad æthéreum thálamum, in quo Rex regum stelláto sedet sólio.;;112
In odórem * unguentórum tuórum cúrrimus: adolescéntulæ dilexérunt te nimis.;;121
Benedícta * fília tu a Dómino: quia per te fructum vitæ communicávimus.;;126
Pulchra es * et decóra, fília Jerúsalem, terríbilis ut castrórum ácies ordináta.;;147

[Ant Vespera] (rubrica cisterciensis)
Assúmpta est María in cœlum: * gaudent Angeli, laudántes benedícunt Dóminum.;;109
Hódie * María Virgo cœlos ascéndit: gaudéte, quia cum Christo regnat in ætérnum.;;112
María Virgo assúmpta est * ad æthéreum thálamum, in quo Rex regum stelláto sedet sólio.;;121
Exaltáta est * sancta Dei Génitrix super choros Angelórum ad cœléstia regna.;;126
Paradísi portæ * per te nobis apértæ sunt, quæ hódie gloriósa cum Angelis triúmphas.;;147

[Responsory Vespera 1] (rubrica cisterciensis)
Responsorium. Beáta es, Virgo María, Dei Génitrix, quæ credidísti Dómino: perfécta sunt in te quæ dicta sunt tibi: ecce exaltáta es super choros Angelórum: * Intercéde pro nobis ad Dóminum Deum nostrum.
V. Ave María, grátia plena: Dóminus tecum.
R. Intercéde pro nobis ad Dóminum Deum nostrum.

[Versum 1]
V. Exaltáta est sancta Dei Génetrix.
R. Super choros Angelórum ad cæléstia regna.

[Ant 1]
Virgo prudentíssima, * quo progréderis, quasi auróra valde rútilans? Fília Sion, tota formósa et suávis es, pulchra ut luna, elécta ut sol.

[Oratio]
Famulórum tuórum, quǽsumus, Dómine, delíctis ignósce: ut qui tibi placére de áctibus nostris non valémus: Genitrícis Fílii tui Dómini nostri intercessióne salvémur:
$Qui tecum

[Octava 1]
!Commemoratio Octavæ Assumptionis B.M.V.
Ant. Hódie * María Virgo cælos ascéndit: gaudéte, quia cum Christo regnat in ætérnum.
_
V. Exaltáta est sancta Dei Génetrix.
R. Super choros Angelórum ad cæléstia regna.
_
$Oremus
Famulórum tuorum, quǽsumus, Domine, delíctis ignósce: utqui tibi plácere de áctibus nostris non valémus; Genitrícis Fílii tui Dómini nostri intercessióne salvémur:
$Qui tecum

[Invit]
Veníte, adorémus Regem regum, * Cujus hódie ad æthéreum Virgo Mater assúmpta est cælum.

[Ant Matutinum]
Exaltáta est * sancta Dei Génetrix super choros Angelórum ad cæléstia regna.;;8
Paradísi portæ * per te nobis apértæ sunt, quæ hódie gloriósa cum Angelis triúmphas.;;18
Benedícta tu * in muliéribus, et benedíctus fructus ventris tui.;;23
V. Exaltáta est sancta Dei Génetrix.
R. Super choros Angelórum ad cæléstia regna.
Spécie tua * et pulchritúdine tua inténde, próspere procéde, et regna.;;44
Adjuvábit eam * Deus vultu suo: Deus in medio ejus, non commovébitur;;45
Sicut lætántium * omnium nostrum habitátio est in te, sancta Dei Genitrix;;86
V. Assúmpta est María in cælum: gaudent Angeli.
R. Laudántes benedícunt Dóminum.
Gaude, María Virgo: * cunctas hǽreses sola interemísti in univérso mundo.;;95
Dignáre me * laudare te, Virgo sacrata: da mihi virtútem contra hostes tuos;;96
Post partum * Virgo invioláta permansisti, Dei Genitrix intercéde pro nobis;;97
V. María Virgo assúmpta est ad æthéreum thálamum.
R. In quo Rex regum stelláto sedet sólio.

[Lectio1]
Incípiunt Cántica canticórum
!Cant 1:1-4
1 Osculétur me ósculo oris sui, quia melióra sunt úbera tua vino,
2 fragrántia unguéntis óptimis. Oleum effúsum nomen tuum; ídeo adolescéntulæ dilexérunt te.
3 Trahe me: post te currémus in odórem unguentórum tuórum. Introdúxit me rex in cellária sua; exsultábimus et lætábimur in te mémores úberum tuórum super vinum. Recti díligunt te.
4 Nigra sum, sed formósa, fíliæ Jerúsalem, sicut tabernácula Cedar, sicut pelles Salomónis.

[Responsory1]
R. Vidi speciósam sicut colúmbam, ascendéntem désuper rivos aquárum, cujus inæstimábilis odor erat nimis in vestiméntis ejus; 
* Et sicut dies verni circúmdabant eam flores rosárum et lília convállium.
V. Quæ est ista quæ ascéndit per desértum sicut vírgula fumi ex aromátibus myrrhæ et thuris?
R. Et sicut dies verni circúmdabant eam flores rosárum et lília convállium.

[Lectio2]
!Cant 1:5-9
5 Nolíte me consideráre quod fusca sim, quia decolorávit me sol. Fílii matris meæ pugnavérunt contra me, posuérunt me custódem in víneis, víneam meam non custodívi. 
6 Indica mihi, quem díligit ánima mea, ubi pascas, ubi cubes in merídie, ne vagári incípiam post greges sodálium tuórum. 
7 Si ignóras te, o pulchérrima inter mulíeres, egrédere et abi post vestígia gregum, et pasce hædos tuos juxta tabernácula pastórum. 
8 Equitátui meo in cúrribus pharaónis assimilávi te, amíca mea. 
9 Pulchræ sunt genæ tuæ sicut túrturis, collum tuum sicut monília.

[Responsory2]
@Commune/C11:Responsory4

[Lectio3]
!Cant 1:10-16
10 Murénulas áureas faciémus tibi vermiculátas argénto. 
11 Dum esset rex in accúbitu suo, nardus mea dedit odórem suum. 
12 Fascículus myrrhæ diléctus meus mihi, inter úbera mea commorábitur.
13 Botrus Cypri diléctus meus mihi in víneis Engáddi. 
14 Ecce tu pulchra es, amíca mea, ecce tu pulchra es; óculi tui columbárum. 
15 Ecce tu pulcher es, dilécte mi, et decórus. Léctulus noster flóridus,
16 tigna domórum nostrárum cédrina, laqueária nostra cypréssina.

[Responsory3]
@Commune/C11:Responsory5

[Lectio4_]
Sermo sancti Joánnis Damascéni
!Oratio 2 de Dormit. B. M. V., post init.
Hódie sacra et animáta arca Dei vivéntis, quæ suum in útero concépit Creatórem, requiéscit in templo Dómini, quod nullis est exstrúctum mánibus.  Et David exsúltat ejus parens, et cum eo choros ducunt Angeli, célebrant Archángeli, Virtútes gloríficant, Principátus exsúltant, Potestátes collætántur, gaudent Dominatiónes, Throni festum diem agunt, laudant Chérubim, glóriam ejus prǽdicant Séraphim. Hódie Eden novi Adam paradísum súscipit animátum, in quo solúta est condemnátio, in quo plantátum est lignum vitæ, in quo opérta fuit nostra núditas.

[Lectio4]
@:Lectio4_
(sed rubrica 1570 dicuntur)
Sermo S. Athanasii Episcopi
!De Assumptione?
Hodie regina assistes a dextris filii ubique regnantis, quasi in vestitu deaurato, incorruptionis, et immortalitatis circumamicta varietate, sacris et sollemnibus verbis celebratur, non quod secundum spiritum tantum, quasi sine corpore, et carne assistat: sed quod induta sit quantum spectat ad sanctissimam ejus carnem incorruptibilitate, et immortalitate. Circumamicta varietate rursus est, quantum attinet ad ossa sanctissima, quæ ejus carnem suffulciunt. Nam ex carne ejus, et ex ossibus ejus, veluti ex veteri Adamo novus iste Adam, ut vicem ejus expleret, costam sibi finxit, nimirum istam incarnationem, eaque semel indutam perpetuo gestat. Ac proinde nova ista Eva mater vitæ appelatur, circumamictaque varietate permanet ad primitias vitæ immortalis omnium viventium.

[Responsory4]
@Commune/C11:Responsory6:s/.\&.*/ Unguéntum effúsum nomen tuum./s s/: \*/:/s

[Lectio5_]
Hódie Virgo immaculáta, quæ nullis terrénis inquináta est afféctibus, sed cæléstibus educáta cogitatiónibus, non in terram revérsa est; sed, cum esset animátum cælum, in cæléstibus tabernáculis collocátur. Ex qua enim ómnibus vera vita manávit, quómodo illa mortem gustáret?  Sed cedit legi latæ ab eo quem génuit; et, ut fília véteris Adam, véterem senténtiam súbiit (nam et ejus Fílius, qui est vita ipsa, eam non recusávit); ut autem Dei vivéntis Mater, ad illum ipsum digne assúmitur.

[Lectio5]
@:Lectio5_
(sed rubrica 1570 dicuntur)
Beatam te prædicant omnes angelorum, et terrestrium hierarchiæ: quæ et in cœlis benediceris, et in terris beata prædicaris: Benedicta tu in mulieribus, et benedictus fructus ventris tui, Hujusmodi enim benedictionibus celebrat prima acies quæ ex Thronis, Cherubinis, et Seraphinis constat: Beata tu in mulieribus, et beatus uterus tuus, qui portavit Deum: et ubera, quæ ille adhuc infantulus suxit. Secunda vero hierarchia, quæ in se Dominationes, Virtutes, Potestatesque complectitur, a sublimiori hierarchia ediscens, ad te respiciens clamat, Benedicta tu in mulieribus, et benedictus venter tuus, qui Deum concepit: et mammillæ, quæ Deum educaverunt puerum factum.

[Responsory5]
@Commune/C11:Responsory8

[Lectio6_]
Heva, quæ serpentis suggestioni assensum præbuit, partus dolore, et mortis sententia damnatur, et in inferorum collocatur penetralibus. Hanc autem vere beatam, quæ Dei verbo aures præstitit, et Spiritus sancti operatione repleta est, atque ad Archangeli spiritalem salutationem, sine voluptate et virili consortio, Dei Filium concepit, et sine dolore aliquo peperit, ac totam se Deo consecravit, quonam modo mors devoraret? quomodo inferi susciperent? quomodo corruptio invaderet corpus illud, in quo vita suscepta est? Huic recta, plana, et facilis ad cælum parata est via. Si enim, Ubi ego sum, illic et minister meus erit, inquit vita et veritas Christus; quomodo non potius mater cum ipso erit?

[Lectio6]
@:Lectio6_
(sed rubrica 1570 dicuntur)
Jam tertia ex principibus, angelis, et archangelis acies, quibus mandatum fuit a Deo mittente, ut per unum Gabrielem archangelum ederet splendidissimum, et capacissimum hymnum in hæc verba: Ave gratia plena, Dominus tecum: Ab istis deinde nos hierarchiæ terrestres, exaltationes Dei in future ferentes, sive quod didicimus, sive quod mutuo hæc verba sumpserimus, exaltamus te magna et canora voce dicentes: Ave gratia plena: dominus tecum: intercede hera, et Domina, et regina, et mater dei pro nobis et qui editus est ex te, incarnatus Deus poster est; quem decet gloria, et magnificentia: omnisque honor, et adoratio, et gratiatum actio: cum patre initii experte, et cum santo, bono, vivifico spiritu, et nunc et semper, et in sæcula sæculorum. Amen.

[Responsory6]
@Commune/C11:Responsory3

[Lectio7]
Léctio sancti Evangélii secúndum Lucam
!Luc 10:38-42
In illo témpore: Intravit Jesus in quoddam castellum: et mulier quædam Martha nomine, excepit illum in domum suam. Et réliqua.
_
Homilia sancti Augustíni Epíscopi
!Serm. 27 de Verb. Dom. t. 10
Sanctum Evangelium cum legeretur, audivimus a femina religiosa susceptum esse Dominum hospitio, eaque Martha vocabatur. Et cum esset ipsa occupata in cura ministrandi, soror ejus Maria sedebat ad pedes Domini, et audiebat verbum ejus. Laborabat illa, vacabat ista. Illa erogabat, hæc implebatur. Verumtamen Martha laborans multum in illa occupatione et negotio ministrandi, interpellavit Dominum: et de sorore sua conquesta est, quod eam laborantem non adjuvaret.

[Responsory7]
R. Diffúsa est grátia in lábiis tuis: 
* Proptérea benedíxit te Deus in ætérnum.
V. Myrrha, et gutta, et cásia a vestiméntis tuis, a dómibus ebúrneis, ex quibus delectavérunt te fíliæ regum in honóre tuo.
R. Proptérea benedíxit te Deus in ætérnum.

[Lectio8]
Dominus autem pro Maria respondit Marthæ: et ipse ejus factus est advocatus, qui judex fuerat interpellatus. Martha, inquit, circa multa es occupata, quando unum est necessarium. Maria meliorem partem elegit, quæ non auferetur ab ea. Audivimus enim et interpellationem interpellantis, et sententiam judicis. Quæ sententia interpellanti respondit, susceptam defendit. Erat enim Maria intenta dulcedini verbi Domini. Intenta erat Martha quomodo pasceret Dominum: intenta Maria quomodo pasceretur a Domino. A Martha convivium Domino parabatur, in cujus convivio Maria jam jucundabatur.

[Responsory8]
R. Beáta es Virgo María, Dei Génetrix, quæ credidísti Dómino: perfécta sunt in te quæ dicta sunt tibi: ecce exaltáta es super choros Angelórum:
* Intercéde pro nobis ad Dóminum, Deum nostrum.
V. Ave, María, grátia plena, Dóminus tecum.
R. Intercéde pro nobis ad Dóminum, Deum nostrum.
&Gloria
R. Intercéde pro nobis ad Dóminum, Deum nostrum.

[Lectio9]
Cum ergo María suaviter audíret verbum dulcissimum, et corde intentissimo pasceretur, interpellato Domino a soróre sua, quomodo putamus eam timuisse, ne diceret ei Dominus: Surge, et adjuva sororem tuam? Mira enim suavitate tenebatur: quæ profecto major est mentis quam ventris. Excusata est, sedit securior. Quomodo autem excusata? Attendamus, inspiciamus, perscrutemur quod possumus, ut pascamur et nos.
&teDeum

[Ant Laudes]
@:Ant Vespera:s/;;.*//g

[Capitulum Laudes]
!Sir 24:11-12
v. In ómnibus réquiem quæsívi, et in hereditáte Dómini morábor. Tunc præcépit, et dixit mihi Creátor ómnium: et qui creávit me, requiévit in tabernáculo meo.
$Deo gratias

[Versum 2]
@:Versum 1

[Ant 2]
Quæ est ista * quæ ascéndit sicut auróra consúrgens, pulchra ut luna, elécta ut sol, terríbilis ut castrórum ácies ordináta?

[Octava 2]
!Commemoratio Octavæ Assumptionis B.M.V.
Ant. Quæ est ista * quæ ascéndit sicut auróra consúrgens, pulchra ut luna, elécta ut sol, terríbilis ut castrórum ácies ordináta?
_
V. Exaltáta est sancta Dei Génetrix.
R. Super choros Angelórum ad cæléstia regna.
_
$Oremus
Famulórum tuorum, quǽsumus, Domine, delíctis ignósce: utqui tibi plácere de áctibus nostris non valémus; Genitrícis Fílii tui Dómini nostri intercessióne salvémur:
$Qui tecum

[Responsory Tertia]
R.br. Exaltáta est * Sancta Dei Génetrix.
R. Exaltáta est * Sancta Dei Génetrix.
V. Super choros Angelórum ad cæléstia regna.
R. Sancta Dei Génetrix.
&Gloria
R. Exaltáta est * Sancta Dei Génetrix.
_
V. Assúmpta est María in cælum: gaudent Angeli.
R. Laudántes benedícunt Dóminum.

[Capitulum Sexta]
@Commune/C10:Capitulum Sexta

[Responsory Sexta]
R.br. Assúmpta est María in cælum: * Gaudent Angeli.
R. Assúmpta est María in cælum: * Gaudent Angeli.
V. Laudántes benedícunt Dóminum.
R. Gaudent Angeli.
&Gloria
R. Assúmpta est María in cælum: * Gaudent Angeli.
_
V. María Virgo assúmpta est ad æthéreum thálamum.
R. In quo Rex regum stelláto sedet sólio.

[Responsory Nona]
R.br. María Virgo assúmpta est * Ad æthéreum thálamum.
R. María Virgo assúmpta est * Ad æthéreum thálamum.
V. In quo Rex regum stelláto sedet sólio.
R. Ad æthéreum thálamum.
&Gloria
R. María Virgo assúmpta est * Ad æthéreum thálamum.
_
V. Dignáre me laudáre te, Virgo sacráta.
R. Da mihi virtútem contra hostes tuos.

[Versum 3]
@:Versum 1

[Ant 3]
Hódie * María Virgo cælos ascéndit: gaudéte, quia cum Christo regnat in ætérnum.

[Ant 3] (rubrica cisterciensis)
Tota pulchra es, * amíca mea, et mácula non est in te: favus distíllans lábia tua, mel et lac sub lingua tua, odor unguentórum tuórum super ómnia arómata: jam enim hiems tránsiit, imber ábiit et recéssit, flores apparuérunt, víneæ floréntes odórem dedérunt, et vox túrturis audíta est in terra nostra: surge, própera amíca mea, veni de Líbano, veni, coronáberis.