[Officium]
S. Laurentii Martyris

[Rank]
;;Duplex II classis cum octava simplici;;5;;ex C2a
(sed rubrica 196)
;;Duplex II classis;;5;;ex C2a
(sed rubrica cisterciensis)
;;Duplex II classis;;4;;ex C2a

[Rule]
ex C2a
9 lectiones
Psalmi Dominica
Antiphonas horas
Psalm5 Vespera=116
Psalm5 Vespera3=115

[Ant Vespera]
Lauréntius * ingréssus est Martyr, et conféssus est nomen Dómini Jesu Christi.
Lauréntius * bonum opus operátus est, qui per signum crucis cæcos illuminávit.
Adhǽsit * ánima mea post te, quia caro mea igne cremáta est pro te, Deus meus.
Misit Dóminus * Angelum suum, et liberávit me de médio ignis, et non sum æstuátus.
Beátus Lauréntius * orábat, dicens: Grátias tibi ago, Dómine, quia jánuas tuas íngredi mérui.

[Ant Vespera] (rubrica cisterciensis)
Lauréntius * bonum opus operátus est, qui per signum crucis cæcos illuminávit.
Lauréntius * ingréssus est Martyr, et conféssus est nomen Dómini Jesu Christi.
Adhǽsit * ánima mea post te, quia caro mea igne cremáta est pro te, Deus meus.
Misit Dóminus * Angelum suum, et liberávit me de médio ignis, et non sum æstuátus.
Ego me óbtuli * sacrifícium Deo in odórem suavitátis.

[Ant 1]
Levíta Lauréntius * bonum opus operátus est, qui per signum crucis cæcos illuminávit, et thesáuros Ecclésiæ dedit paupéribus.

[Oratio]
Da nobis, quǽsumus, omnípotens Deus: vitiórum nostrórum flammas exstínguere; qui beáto Lauréntio tribuísti tormentórum suórum incéndia superáre.
$Per Dominum

[Octava 1]
!Commemoratio Octavæ S. Laurentii
Ant. Beátus Lauréntius, * dum in cratícula superpositus urerétur, ad impiíssimum tyrannum dixit: Assátum est jam, versa et manduca; nam facultates Ecclésiæ, quas requiris, in cælestes thesáuros manus páuperum deportavérunt.
_
V. Levita Lauréntius bonum opus operátus est.
R. Qui per signum crucis cæcos illuminávit.
_
$Oremus
v. Da nobis, quǽsumus, omnípotens Deus: vitiórum nostrorum flammas exstínguere; qui beáto Lauréntio tribuísti tormentórum suórum incéndia superáre.
$Per Dominum

[Invit]
Beátus Lauréntius Christi Martyr triúmphat coronátus in cælis: * Veníte, adorémus Dóminum.

[Ant Matutinum]
Quo progréderis * sine fílio, pater? quo, sacérdos sancte, sine minístro próperas?;;1
Noli me derelínquere, * pater sancte, quia thesáuros tuos jam expéndi, quos tradidísti mihi.;;2
Non ego te désero, * fili, neque derelínquo; sed majóra tibi debéntur pro Christi fide certámina.;;3
V. Glória et honóre coronásti eum, Dómine.
R. Et constituísti eum super ópera mánuum tuarum.
Beátus Lauréntius * orábat, dicens: Dómine Jesu Christe, Deus de Deo, miserére mihi servo tuo.;;4
Dixit Románus * ad beátum Lauréntium: Vídeo ante te júvenem pulchérrimum, festína me baptizáre.;;5
Beátus Lauréntius * dixit: Mea nox obscúrum non habet, sed ómnia in luce claréscunt.;;8
V. Posuísti, Dómine, super caput ejus.
R. Corónam de lápide pretióso.
Strinxérunt * córporis membra pósita super cratículam: subiciéntibus prunas insúltat Levíta Christi.;;14
Igne me examinásti, * et non est invénta in me iníquitas.;;16
Interrogátus * te Dóminum conféssus sum, assátus grátias ago.;;20
V. Magna est glória ejus in salutári tuo.
R. Glóriam et magnum decórem impónes super eum.

[Lectio1]
@Commune/C6:Lectio1 in 2 loco

[Responsory1]
R. Levíta Lauréntius bonum opus operátus est, qui per signum crucis cæcos illuminávit, 
* Et thesáuros Ecclésiæ dedit paupéribus.
V. Dispérsit, dedit paupéribus: justítia ejus manet in sǽculum sǽculi.
R. Et thesáuros Ecclésiæ dedit paupéribus.

[Lectio2]
!Sir 51:8-13
8 Laudábit usque ad mortem ánima mea Dóminum, 
9 et vita mea appropínquans erat in inférno deórsum. 
10 Circumdedérunt me úndique, et non erat qui adjuváret. Respíciens eram ad adjutórium hóminum, et non erat. 
11 Memorátus sum misericórdiæ tuæ, Dómine, et operatiónis tuæ, quæ a sǽculo sunt: 
12 quóniam éruis sustinéntes te, Dómine, et líberas eos de mánibus géntium.
13 Exaltásti super terram habitatiónem meam, et pro morte defluénte deprecátus sum.

[Responsory2]
R. Puer meus, noli timére, quia ego tecum sum, dicit Dóminus:
* Si transíeris per ignem, flamma non nocébit tibi, et odor ignis non erit in te.
V. Liberábo te de manu pessimórum et éruam te de manu fórtium.
R. Si transíeris per ignem, flamma non nocébit tibi, et odor ignis non erit in te.

[Lectio3]
!Sir 51:14-17
14 Invocávi Dóminum, Patrem Dómini mei, ut non derelínquat me in die tribulatiónis meæ, et in témpore superbórum, sine adjutório. 
15 Laudábo nomen tuum assídue, et collaudábo illud in confessióne, et exaudíta est orátio mea. 
16 Et liberásti me de perditióne, et eripuísti me de témpore iníquo. 
17 Proptérea confitébor, et laudem dicam tibi, et benedícam nómini Dómini.

[Responsory3]
R. Strinxérunt córporis membra pósita super cratículam: ministrántibus prunas insúltat Levíta Christi: 
* Beáte Laurénti, Martyr Christi, intercéde pro nobis.
V. Mea nox obscúrum non habet, sed ómnia in luce claréscunt.
R. Beáte Laurénti, Martyr Christi, intercéde pro nobis.
&Gloria
R. Beáte Laurénti, Martyr Christi, intercéde pro nobis.

[Lectio4]
Sermo sancti Leónis Papæ
!In Natali S. Laurentii, post initium
Cum furor gentílium potestátum in electíssima quæque Christi membra sævíret, ac præcípue eos qui órdinis erant sacerdotális impéteret, in levítam Lauréntium, qui non solum ministério sacramentórum sed étiam dispensatióne ecclesiásticæ substántiæ præeminébat, ímpius persecútor efférbuit, dúplicem sibi prædam de uníus viri comprehensióne promíttens; quem, si fecísset sacræ pecúniæ traditórem, fáceret étiam veræ religiónis exsórtem. Armátur ítaque gémina face homo pecúniæ cúpidus et veritátis inimícus: avarítia, ut rápiat aurum; impietáte, ut áuferat Christum. Póstulat sibi ab immaculáto sacrárii prǽsule opes ecclesiásticas, quibus avidíssimus inhiábat, inférri. Cui levíta castíssimus, ubi eas repósitas habéret osténdens, numerosíssimos sanctórum páuperum óbtulit greges, in quorum victu atque vestítu inamissíbiles condíderat facultátes, quæ tanto intégrius erant salvæ, quanto sánctius probabántur expénsæ.

[Responsory4]
R. Quo progréderis sine fílio, pater? quo, sacérdos sancte, sine diácono próperas? 
* Tu nunquam sine minístro sacrifícium offérre consuéveras.
V. Quid ergo in me displícuit paternitáti tuæ? numquid degénerem me probásti? Experíre utrum idóneum minístrum elégeris, cui commisísti Domínici sánguinis dispensatiónem.
R. Tu nunquam sine minístro sacrifícium offérre consuéveras.

[Lectio5]
Fremit ergo prædo frustrátus, et in ódium religiónis, quæ talem divitiárum usum instituísset, ardéscens, direptiónem thesáuri potióris aggréditur, apud quem nullam denariórum substántiam reperísset; ut illud depósitum, quo sacrátius erat dives, auférret. Renuntiáre Christo Lauréntium jubet, et solidíssimam illam levítici ánimi fortitúdinem diris parat urgére supplíciis; quorum ubi prima nil óbtinent, vehementióra succédunt. Láceros artus et multa vérberum sectióne conscíssos subjécto prǽcipit igne torréri; ut per cratem férream, quæ jam de fervóre contínuo vim in se habéret uréndi, conversórum altérna mutatióne membrórum, fíeret cruciátus veheméntior et pœna prodúctior.

[Responsory5]
R. Noli me derelínquere, pater sancte, quia thesáuros tuos jam expéndi. 
* Non ego te désero, fili, neque derelínquo; sed majóra tibi debéntur pro fide Christi certámina.
V. Nos quasi senes levióris pugnæ cursum recípimus, te autem quasi júvenem manet gloriósior de tyránno triúmphus: post tríduum me sequéris sacerdótem levíta.
R. Non ego te désero, fili, neque derelínquo; sed majóra tibi debéntur pro fide Christi certámina.

[Lectio6]
Nihil óbtines, nihil próficis, sæva crudélitas. Subtráhitur torméntis tuis matéria mortális, et, Lauréntio in cælos abeúnte, tu déficis flammis tuis. Superári cáritas Christi flamma non pótuit; et ségnior fuit ignis, qui foris ussit, quam qui intus accéndit. Sævísti persecútor in Mártyrem: sævísti, et auxísti palmam, dum ággeras pœnam. Nam quid non ad victóris glóriam ingénium tuum réperit, quando in honórem transiérunt triúmphi étiam instruménta supplícii? Gaudeámus ígitur, dilectíssimi, gáudio spiritáli, et de felicíssimo íncliti viri fine gloriémur in Dómino, qui est mirábilis in Sanctis suis, in quibus nobis et præsídium constítuit et exémplum; atque ita per univérsum mundum claríficat glóriam suam, ut a solis ortu usque ad occásum, leviticórum lúminum coruscánte fulgóre, quam clarificáta est Jerosólyma Stéphano, tam illústris fíeret Roma Lauréntio.

[Responsory6]
R. Beátus Lauréntius clamávit et dixit: Deum meum colo, illi soli sérvio; 
* Et ídeo non tímeo torménta tua.
V. Mea nox obscúrum non habet, sed ómnia in luce claréscunt.
R. Et ídeo non tímeo torménta tua.
&Gloria
R. Et ídeo non tímeo torménta tua.

[Lectio7]
Léctio sancti Evangélii secúndum Joánnem
!Joannes 12:24-26
In illo témpore: Dixit Jesus discípulis suis: Amen, amen dico vobis, nisi granum fruménti cadens in terram, mórtuum fúerit, ipsum solum manet. Et réliqua.
_
Homilía sancti Augustíni Epíscopi
!Tract. 51 in Joannem, sub medium
Ipse Dóminus Jesus erat granum mortificándum et multiplicándum; mortificándum infidelitáte Judæórum, multiplicándum fide populórum. Jam vero exhórtans ad passiónis suæ sectánda vestígia, Qui amat, inquit, ánimam suam, perdet eam. Quod duóbus modis intéllegi potest. Qui amat, perdet; id est, si amas, perdes. Si cupis vitam tenére in Christo, noli mortem timére pro Christo. Item álio modo: Qui amat ánimam suam, perdet eam; noli amáre, ne perdas; noli amáre in hac vita, ne perdas in ætérna vita.

[Responsory7]
R. In cratícula te Deum non negávi, 
* Et ad ignem applicátus te Dóminum Jesum Christum conféssus sum.
V. Probásti, Dómine, cor meum, et visitásti nocte.
R. Et ad ignem applicátus te Dóminum Jesum Christum conféssus sum.

[Lectio8]
Hoc autem, quod postérius dixi, magis habére vidétur evangélicus sensus; séquitur enim: Et qui odit ánimam suam in hoc mundo, in vitam ætérnam custódit eam. Ergo, quod supra dictum est, Qui amat, subintellégitur in hoc mundo, in vitam ætérnam ipse custódit eam. Magna et mira senténtia, quemádmodum sit hóminis in ánimam suam amor ut péreat, ódium ne péreat. Si male amáveris, tunc odísti; si bene óderis, tunc amásti. Felíces, qui odérunt custodiéndo, ne perdant amándo.

[Responsory8]
R. O Hippólyte, si credíderis in Dóminum Jesum Christum, 
* Et thesáuros tibi osténdo, et vitam ætérnam promítto.
V. Beátus Lauréntius Hippólyto dixit: Si credis in Dóminum Jesum Christum.
R. Et thesáuros tibi osténdo, et vitam ætérnam promítto.
&Gloria
R. Et thesáuros tibi osténdo, et vitam ætérnam promítto.

[Lectio9]
Sed vide ne tibi subrépat, ut teípsum velis interímere, sic intellegéndo, quod debes odísse in hoc mundo ánimam tuam. Hinc enim quidam malígni atque pervérsi hómines, et in seípsis crudelióres et sceleratióres homicídæ, flammis se donant, aquis se præfócant, præcipítio se collídunt, et péreunt. Hoc Christus non dócuit; immo étiam diábolo præcipítium suggerénti respóndit: Redi retro, sátana: scriptum est, Non tentábis Dóminum, Deum tuum. Petro autem dixit, signíficans qua morte clarificatúrus erat Deum: Cum esses júnior, cingébas te, et ambulábas quo volébas; cum autem senúeris, alter te cinget et feret quo tu non vis. Ubi satis expréssit, non a seípso, sed ab álio debére occídi, qui vestígia séquitur Christi.
&teDeum

[Versum 0]
@Commune/C2a::s/N\./Laurenti/

[Ant Laudes]
@:Ant Vespera

[Capitulum Laudes]
!2 Cor 9:6
v. Fratres: Qui parce séminat, parce et metet; et qui séminat in benedictiónibus, de benedictiónibus et metet.
$Deo gratias

[Versum 2]
V. Dispérsit, dedit paupéribus.
R. Justítia ejus manet in sǽculum sǽculi.

[Versum 2] (rubrica cisterciensis)
@CommuneM/C2

[Ant 2]
In cratícula * te Deum non negávi, et ad ignem applicátus te Christum conféssus sum: probásti cor meum, et visitásti nocte: igne me examinásti, et non est invénta in me iníquitas.

[Octava 2]
!Commemoratio Octavæ S. Laurentii
Ant. In cratícula * te Deum non negávi, et ad ignem applicátus te Christum conféssus sum: probásti cor meum, et visitásti nocte: igne me examinásti, et non est invénta in me iníquitas.
_
V. Dispersit, dedit paupéribus.
R. Justítia ejus manet in sæculum sæculi.
_
$Oremus
v. Da nobis, quǽsumus, omnípotens Deus: vitiórum nostrorum flammas exstínguere; qui beáto Lauréntio tribuísti tormentórum suórum incéndia superáre.
$Per Dominum

[Lectio Prima]
!2 Cor 9:8-9
v. Potens est autem Deus omnem grátiam abundáre fácere in vobis, ut, in ómnibus semper omnem sufficiéntiam habéntes, abundétis in omne opus bonum, sicut scriptum est: Dispérsit, dedit paupéribus: justítia ejus manet in sǽculum sǽculi.

[Capitulum Sexta]
!2 Cor 9:7
v. Unusquísque prout destinávit in corde suo, non ex tristítia aut ex necessitáte; hílarem enim datórem díligit Deus.
$Deo gratias

[Capitulum Nona]
@:Lectio Prima
$Deo gratias

[Versum 3]
V. Levíta Lauréntius bonum opus operátus est.
R. Qui per signum crucis cæcos illuminávit.

[Versum 3] (rubrica cisterciensis)
@CommuneM/C2

[Ant 3]
Beátus Lauréntius, * dum in cratícula superpósitus urerétur, ad impiíssimum tyránnum dixit: Assátum est jam, versa et mandúca; nam facultátes Ecclésiæ, quas requíris, in cæléstes thesáuros manus páuperum deportavérunt.