[Officium]
S. Petri ad Vincula

[Rank]
;;Duplex majus;;4;;ex C1
(sed rubrica cisterciensis)
;;Semiduplex;;2.2;;ex C1

[Rule]
ex C1;
9 lectiones
Psalmi Dominica
Antiphonas horas

[Ant Vespera]
Heródes rex * appósuit ut apprehénderet et Petrum; quem, cum apprehendísset, misit in cárcerem, volens post Pascha prodúcere eum pópulo.
Petrus quidem * servabátur in cárcere; orátio autem fiébat sine intermissióne ab Ecclésia ad Deum pro eo.
Dixit Angelus * ad Petrum: Circúmda tibi vestiméntum tuum, et séquere me.
Misit Dóminus * Angelum suum, et liberávit me de manu Heródis, allelúja.
Tu es Petrus, * et super hanc petram ædificábo Ecclésiam meam.;;116

[Hymnus Vespera]
v. Miris modis repénte liber, férrea,
Christo jubénte, vincla Petrus éxuit:
Ovílis ille Pastor et Rector gregis,
Vitæ reclúdit páscua et fontes sacros,
Ovésque servat créditas, arcet lupos.
_
Patri perénne sit per ævum glória;
Tibíque laudes concinámus ínclytas,
Ætérne Nate; sit, supérne Spíritus,
Honor tibi decúsque: sancta júgiter
Laudétur omne Trínitas per sǽculum.
Amen.

[HymnusM Vespera]
v. Petrus beátus catenárum láqueos,
Christo jubénte, rupit mirabíliter:
Custos ovílis et Doctor Ecclésiæ,
Pastórque gregis, conservátor óvium,
Arcet lupórum truculéntam rábiem.
_
Glória Patri per imménsa sǽcula,
Sit tibi Nate decus et impérium,
Honor, potéstas, Sanctóque Spirítui:
Sit Trinitáti salus indivídua,
Per infiníta sæculórum sǽcula. Amen.

[Versum 1]
@Sancti/02-22

[Ant 1]
@Sancti/02-22

[Oratio]
Deus, qui beátum Petrum Apóstolum, a vínculis absolútum, illǽsum abíre fecísti: nostrórum, quæsumus, absólve víncula peccatórum; et ómnia mala a nobis propitiátus exclúde.
$Per Dominum
_
@Sancti/02-22:Commemoratio4:s/\$Per Dominum//

[Hymnus Matutinum]
@Sancti/02-22:Hymnus Vespera

[HymnusM Matutinum]
@Sancti/02-22:HymnusM Vespera

[Lectio1]
De Actibus Apostolórum
!Act 12:1-5
1 Misit Heródes rex manus ut afflígeret quosdam de Ecclésia.
2 Occídit autem Jacóbum, fratrem Joánnis, gládio.
3 Videns autem quia placéret Judǽis, appósuit ut apprehénderet et Petrum. Erant autem dies azymórum.
4 Quem, cum apprehendísset, misit in cárcerem, tradens quátuor quaterniónibus mílitum custodiéndum, volens post Pascha prodúcere eum pópulo.
5 Et Petrus quidem servabátur in cárcere; orátio autem fiébat sine intermissióne ab Ecclésia ad Deum pro eo.

[Responsory1]
@Sancti/02-22

[Lectio2]
!Act 12:6-8
6 Cum autem productúrus eum esset Heródes, in ipsa nocte erat Petrus dórmiens inter duos mílites vinctus caténis duábus, et custódes ante óstium custodiébant cárcerem.
7 Et ecce Angelus Dómini ástitit, et lumen refúlsit in habitáculo, percussóque látere Petri, excitávit eum, dicens: Surge velóciter. Et cecidérunt caténæ de mánibus ejus.
8 Dixit autem Angelus ad eum: Præcíngere, et cálcea te cáligas tuas. Et fecit sic. Et dixit illi: Circúmda tibi vestiméntum tuum, et séquere me.

[Responsory2]
@Sancti/02-22

[Lectio3]
!Act 12:9-11
9 Et éxiens sequebátur eum, et nesciébat quia verum est quod fiébat per Angelum; existimábat autem se visum vidére.
10 Transeúntes autem primam et secúndam custódiam venérunt ad portam férream, quæ ducit ad civitátem, quæ ultro apérta est eis; et exeúntes processérunt vicum unum, et contínuo discéssit Angelus ab eo.
11 Et Petrus ad se revérsus, dixit: Nunc scio vere quia misit Dóminus Angelum suum, et erípuit me de manu Heródis et de omni exspectatióne plebis Judæórum.

[Responsory3]
@Sancti/02-22

[Lectio4]
Theodósio junióre imperánte, cum Eudócia ejus uxor Jerosólymam solvéndi voti causa venísset, ibi multis est affécta munéribus. Præ céteris insígne donum accépit férreæ caténæ, auro gemmísque ornátæ, quam illam esse affirmábant, qua Petrus Apóstolus ab Heróde vinctus fúerat. Eudócia, caténam pie veneráta, eam póstea Romam ad fíliam Eudóxiam misit; quæ illam Pontífici máximo détulit. Isque vicíssim illi monstrávit álteram caténam, qua, Neróne imperatóre, idem Apóstolus constríctus fúerat.

[Responsory4]
@Sancti/06-29

[Lectio5]
Cum ígitur Póntifex Románam caténam cum ea, quæ Jerosólymis alláta fúerat, contulísset, factum est ut illæ inter se sic connecteréntur, ut non duæ, sed una caténa ab eódem artífice confécta esse viderétur. Quo miráculo tantus honor sacris illis vínculis habéri cœpit, ut proptérea hoc nómine sancti Petri ad víncula ecclésia, título Eudóxiæ, dedicáta sit in Exquíliis, ejúsque memóriæ dies festus institútus Kaléndis Augústi.

[Responsory5]
@Sancti/06-29

[Lectio6]
Quo ex témpore honos, qui eo die profánis Gentílium celebritátibus tríbui sólitus erat, Petri vínculis habéri cœpit, quæ tacta ægros sanábant et dǽmones ejiciébant. Quo in génere, anno salútis humánæ nongentésimo sexagésimo nono áccidit, ut quidam comes, Ottónis imperatóris familiáris, occupátus ab immúndo spíritu, seípsum déntibus dilaniáret. Quare is jussu imperatóris ad Joánnem Pontíficem dúcitur, qui ut sacra caténa cómitis collum áttigit, erúmpens nefárius spíritus hóminem líberum relíquit; ac deínceps in Urbe sanctórum vinculórum relígio propagáta est.

[Responsory6]
@Sancti/02-22:Responsory4
&Gloria
R. Et ídeo tibi tráditæ sunt claves regni cælórum.

[Lectio94]
Theodósio junióre imperánte, Eudócia ejus uxor Jerosólymæ insígne præ céteris donum accépit férreæ caténæ, quam illam esse affirmábant, qua Petrus Apóstolus ab Heróde vinctus fúerat. Eudócia caténam pie veneráta, Romam ad fíliam Eudóxiam misit, ubi a summo Pontífice compósita cum ea, qua Neróne imperatóre idem beátus Apóstolus constríctus fúerat, ambæ inter se sic connéxæ sunt, ut non duæ, sed una caténa ab uno artífice confécta esse viderétur. Hinc, cum et ægrotórum salus et obsessórum liberátio, sacro horum vinculórum contáctu, sæpe obtinerétur, tantus honor sacris illis vínculis habéri cœpit, ut proptérea hoc nómine sancti Petri ad víncula ecclésia, título Eudóxiæ, dedicáta sit in Exquíliis, ejúsque memóriæ dies festus, profánis Gentílium solemnitátibus abólitis, institútus fúerit Kaléndis Augústi.
&teDeum

[Lectio7]
Léctio sancti Evangélii secúndum Matthǽum
!Matt 16:13-19
In illo témpore: Venit Jesus in partes Cæsaréæ Philíppi, et interrogábat discípulos suos, dicens: Quem dicunt hómines esse Fílium hóminis? Et réliqua.
_
Homilía sancti Augustíni Epíscopi
!Ex serm. 29 de Sanctis, in medio
Solus Petrus inter Apóstolos méruit audíre: Amen dico tibi, quia tu es Petrus, et super hanc petram ædificábo Ecclésiam meam; dignus certe, qui ædificándis in domo Dei pópulis lapis esset ad fundaméntum, colúmna ad sustentáculum, clavis ad regnum. De hoc ait sermo divínus: Et ponébant, inquit, infírmos suos, ut umbra saltem transeúntis Petri obumbráret eos. Si tunc opem ferre póterat umbra córporis, quanto magis nunc plenitúdo virtútis? si tunc supplicántibus próderat aura quædam pertranseúntis, quanto magis grátia nunc permanéntis? Mérito per omnes Christi ecclésias auro pretiósius habétur ferrum illud pœnálium vinculórum.

[Responsory7]
@Sancti/02-22:Responsory5

[Lectio8]
Si tam medicábilis fuit obumbrátio visitántis, quanto magis caténa vinciéntis? Si inánis quædam spécies vácuæ imáginis habére pótuit in se vim salútis, quanto plus de córpore meruérunt attráhere salubritátis, férreo póndere sacris impréssa membris, víncula passiónis? Si ad præsídia supplicántium tam potens fuit ante martýrium, quanto magis éfficax post triúmphum? Felíces illi nexus, qui, de mánicis et compédibus in corónam mutándi, Apóstolum contingéntes, Mártyrem reddidérunt! Felícia víncula, quæ reum suum usque ad Christi crucem, non tam condemnatúra quam consecratúra, misérunt!

[Responsory8]
@Sancti/02-22:Responsory7
&Gloria
R. Et ego dico tibi, quia tu es Petrus, et super hanc petram ædificábo Ecclésiam meam.

[Ant Laudes]
@:Ant Vespera:s/;;116//

[Capitulum Laudes]
@Sancti/06-29

[Hymnus Laudes]
@Sancti/02-22

[Versum 2]
@:Versum 1

[Ant 2]
@Sancti/02-22

[Lectio Prima]
@Sancti/06-29

[Capitulum Sexta]
@Sancti/06-29

[Capitulum Nona]
@:Lectio Prima
$Deo gratias

[Ant Vespera 3]
@:Ant Vespera:s/$/_/gm s/_/;;109/s s/_/;;112/ s/_/;;115/ s/_/;;125/ s/116/138/

[Ant 3]
Solve, * jubénte Deo, terrárum, Petre, caténas, qui facis ut páteant cæléstia regna beátis.