[Officium]
S. Mariæ Magdalenæ Pœnitentis

[Rank]
;;Duplex;;3;;vide C7a
(sed rubrica 1930)
;;Duplex majus;;4;;ex C7a

[Rule]
vide C7a;
9 lectiones;
scriptura1960

[Hymnus Vespera]
v. Pater supérni lúminis,
Cum Magdalénam réspicis, 
Flammas amóris éxcitas, 
Gelúque solvis péctoris.
_
Amóre currit sáucia
Pedes beátos úngere,
Laváre fletu, térgere
Comis, et ore lámbere.
_
Astáre non timet cruci,
Sepúlcro inhǽret ánxia,
Truces nec horret mílites:
Pellit timórem cáritas.
_
O vera, Christe, cáritas,
Tu nostra purga crímina,
Tu corda reple grátia,
Tu redde cæli prǽmia.
_
* Patri simúlque Fílio,
Tibíque, Sancte Spíritus,
Sicut fuit, sit júgiter
Sæclum per omne glória.
Amen.

[HymnusM Vespera]
v. Lauda Mater Ecclesia,
Lauda Christi clementiam,
Qui septem purgat vitia
Per septiformem gratiam.
_
Maria soror Lazari,
Quæ tot commisit crimina,
Ab ipsa fauce Tartari
Redit ad vitæ limina.
_
Ægra currit ad medicum,
Vas ferens aromaticum,
Et a morbo multiplici
Verbo curatur Medici.
_
Contriti cordis unctio
Cum lacrimarum fluvio,
Et pietatis actio,
Ream solvit a vitio.
_
Post fluxæ carnis scandala,
Fit ex lebete phiala,
In vas translata gloriæ,
De vase contumeliæ.
_
Surgentem cum victoria
Jesum vidit ab inferis,
Prima meretur gaudia
Quæ plus ardebat cæteris.
_
Uni Deo sit Gloria,
Pro multiformi Gratia
Qui culpas et supplicia
Remittit et dat præmia.
Amen.

[HymnusM Vespera] (rubrica monastica)
@:Hymnus Vespera:s/\*.*//s
@:Hymnus Matutinum:s/.*\*/*/s

[Versum 1]
@Commune/C6:Versum 2

[Ant 1]
Múlier * quæ erat in civitáte peccatrix, ut cognóvit quod Jesus accúbuit in domo Simónis leprósi, áttulit alabastrum unguenti, et stans retro secus pedes Jesu, lácrimis cœpit rigáre pedes ejus, et capíllis cápitis sui tergébat, et osculabátur pedes ejus, et unguénto ungébat.

[Oratio]
Beátæ Maríæ Magdalénæ, quǽsumus, Dómine, suffrágiis adjuvémur: cujus précibus exorátus, quatriduánum fratrem Lázarum vivum ab ínferis resuscitásti:
$Qui vivis

[Invit]
Laudémus Deum nostrum * In conversióne Maríæ Magdalénæ.

[Hymnus Matutinum]
v. María castis ósculis
Lambit Dei vestígia,
Fletu rigat, tergit comis,
Detérsa nardo pérlinit.
_
* Deo Patri sit glória,
Ejúsque soli Fílio,
Cum Spíritu Paráclito,
Nunc, et per omne sǽculum.
Amen.

[HymnusM Matutinum]
v. Nardo María pístico,
Unxit beátos Dómini
Pedes, rigándo lácrimis,
Et detergéndo crínibus.
_
Honor, decus, impérium,
Sit Trinitáti únicæ
Patri, Nato, Paráclito,
Per infiníta sǽcula.
Amen.

[Lectio1]
De Canticis canticórum
!Cant 3:1-4
1 In léctulo meo, per noctes, quæsívi quem díligit ánima mea; quæsívi illum, et non invéni. 
2 Surgam, et circuíbo civitátem: per vicos et platéas, quæram quem díligit ánima mea: quæsívi illum, et non invéni. 
3 Invenérunt me vígiles qui custódiunt civitátem. Num quem díligit ánima mea vidístis? 
4 Páululum cum pertransíssem eos, invéni quem díligit ánima mea: ténui eum, nec dimíttam, donec introdúcam illum in domum matris meæ, et in cubículum genetrícis meæ.

[Responsory1]
R. María Magdaléne, et áltera María ibant dilúculo ad monuméntum:
* Jesum quem quǽritis, non est hic, surréxit sicut locútus est, præcédet vos in Galilǽam, ibi eum vidébitis.
V. Et valde mane una sabbatórum véniunt ad monuméntum, orto jam sole: et introëúntes vidérunt júvenem sedéntem in dextris, qui dixit illis.
R. Jesum quem quǽritis, non est hic, surréxit sicut locútus est, præcédet vos in Galilǽam, ibi eum vidébitis.

[Lectio2]
!Cant 8:1-4
1 Quis mihi det te fratrem meum, sugentem úbera matris meæ, ut invéniam te foris, et deósculer te, et jam me nemo despíciat? 
2 Apprehéndam te, et ducam in domum matris meæ; ibi me docébis, et dabo tibi póculum ex vino condíto, et mustum malórum granatórum meórum. 
3 Læva ejus sub cápite meo, et déxtera illíus amplexábitur me. 
4 Adjúro vos, fíliæ Jerúsalem, ne suscitétis, neque evigiláre faciátis diléctam, donec ipsa velit.

[Responsory2]
R. Congratulámini mihi, omnes qui dilígitis Dóminum, quia quem quærébam, appáruit mihi: 
* Et dum flerem ad monuméntum, vidi Dóminum meum, allelúja.
V. Recedéntibus discípulis, non recedébam, et amóris ejus igne succénsa, ardébam desidério.
R. Et dum flerem ad monuméntum, vidi Dóminum meum, allelúja.

[Responsory2] (rubrica 1960)
@:Responsory3

[Lectio3]
!Cant 8:5-7
5 Quæ est ista, quæ ascéndit de desérto, delíciis áffluens, inníxa super diléctum suum? Sub árbore malo suscitávi te, ibi corrúpta est mater tua, ibi violáta est génitrix tua. 
6 Pone me ut signáculum super cor tuum, ut signáculum super brácchium tuum, quia fortis est ut mors diléctio, dura sicut inférnus æmulátio; lámpades ejus lámpades ignis atque flammárum. 
7 Aquæ multæ non potuérunt exstínguere caritátem, nec flúmina óbruent illam.

[Responsory3]
R. Tulérunt Dóminum meum, et néscio, ubi posuérunt eum. Dicunt ei Angeli: Múlier, quid ploras? surréxit sicut dixit: 
* Præcédet vos in Galilǽam: ibi eum vidébitis.
V. Cum ergo fleret, inclinávit se, et prospéxit in monuméntum: et vidit duos Angelos in albis, sedéntes, qui dicunt ei.
R. Præcédet vos in Galilǽam: ibi eum vidébitis.
&Gloria
R. Præcédet vos in Galilǽam: ibi eum vidébitis.

[Lectio4]
Sermo sancti Gregórii Papæ
!Homilia 25 in Evangelia
María Magdaléne, quæ fúerat in civitáte peccátrix, amándo veritátem, lavit lácrimis máculas críminis: et vox Veritátis implétur, qua dícitur: Dimíssa sunt ei peccáta multa, quia diléxit multum. Quæ enim prius frígida peccándo remánserat, póstmodum amándo fórtiter ardébat. Quæ a monuménto Dómini, étiam discípulis recedéntibus, non recedébat. Exquirébat quem non invénerat; flebat inquiréndo, et amóris sui igne succénsa, ejus, quem ablátum crédidit, ardébat desidério. Unde cóntigit, ut eum sola tunc vidéret, quæ remánserat ut quǽreret: quia nimírum virtus boni óperis perseverántia est.

[Lectio5]
Quæsívit ergo prius, et mínime invénit: perseverávit ut quæreret, unde et cóntigit ut inveníret: actúmque est, ut desidéria diláta créscerent, et crescéntia cáperent quod inveníssent. Hinc est enim quod de eódem sponsa Ecclésia in Cánticis canticórum dicit: In léctulo meo per noctes quæsívi quem díligit ánima mea. Diléctum namque in léctulo quærimus, quando, in præséntis vitæ aliquántula réquie. Redemptóris nostri desidério suspirámus. Per noctem quærimus: quia, etsi jam in illo mens vígilat, tamen adhuc óculus calígat.

[Lectio6]
Sed, qui diléctum suum non invénit, restat ut surgat, civitátem circúmeat, id est, sanctam electórum Ecclésiam mente et inquisitióne percúrrat; per vicos eum et platéas quærat, id est, per angústa et lata gradiéntes aspíciat, ut, si qua inveníre in eis váleat, ejus vestígia exquírat: quia sunt nonnúlli étiam vitæ sæculáris, qui imitándum áliquid hábeant de actióne virtútis. Quæréntes autem nos vígiles invéniunt, qui custódiunt civitátem: quia sancti Patres, qui Ecclésiæ statum custódiunt, bonis nostris stúdiis occúrrunt, ut suo vel verbo vel scripto nos dóceant. Quos cum páululum pertransímus, invenímus quem dilígimus: quia Redémptor noster, etsi humilitáte homo inter hómines, divinitáte tamen super hómines fuit.

[Lectio94]
@:Lectio4
&teDeum

[Lectio7]
Léctio sancti Evangélii secúndum Lucam
!Luc 7:36-50
In illo témpore: Rogábat Jesum quidam de pharisǽis, ut manducáret cum illo. Et ingréssus domum pharisǽi discúbuit. Et réliqua.
_
Homilía sancti Augustíni Epíscopi
!Liber 50 Homilía 23, tom. 10
Evangélium cum legerétur, attentíssime audístis; et res gesta narráta atque versáta est ante óculos cordis vestri. Vidístis enim, non carne, sed mente, Dóminum Jesum Christum in domo pharisǽi recumbéntem, et ab illo invitátum non fastidiéntem. Vidístis étiam in civitáte mulíerem famósam, mala útique fama, quæ erat peccátrix, non invitátam irruísse convívio ubi suus médicus recumbébat, et quæsísse pia impudéntia sanitátem; írruens, quasi importúna convívio, opportúna benefício. Nóverat enim quanto morbo laboráret; et illum ad sanándum esse idóneum, ad quem vénerat, sciébat.

[Lectio8]
Accéssit ergo non ad caput Dómini, sed ad pedes. Et quæ diu male ambuláverat, vestígia recta quærébat. Prius fudit lácrimas cordis, et lavit Dómini pedes obséquio confessiónis, capíllis suis tersit, osculáta est, unxit; tácita loquebátur, non sermónem promébat, sed devotiónem ostendébat. Quia ergo tétigit Dóminum rigándo, osculándo, tergéndo, unguéndo pedes ejus; pharisæus, qui invitáverat Dóminum Jesum Christum, quia ex illo génere erat hóminum superbórum, de quibus Isaías prophéta dicit: Qui dicunt, Recéde longe a me, noli me tángere, quóniam mundus sum; putávit Dóminum nescísse mulíerem.

[Lectio9]
O pharisǽe invitátor et irrísor Dómini, Dóminum pascis, et a quo pascéndus sis, non intélligis? Unde scis Dóminum nescísse, quæ fúerit illa múlier, nisi quia permíssa est accédere, nisi quia, illo patiénte, osculáta est pedes ejus, nisi quia tersit, nisi quia unxit? Hæc enim non débuit permítti fácere in pédibus mundis múlier immúnda? Ad illíus ergo pharisæi pedes si talis múlier accessísset, dictúrus erat, quod Isaías de tálibus dicit: Recéde a me, noli me tángere, quóniam mundus sum. Accéssit autem ad Dóminum immúnda, ut redíret munda; accéssit ægra, ut redíret sana; accéssit conféssa, ut redíret proféssa.
&teDeum

[Versum 0]
V. Optimam partem elégit sibi María.
R. Qua: non auferétur ab ea.

[Hymnus Laudes]
v. Summi Paréntis Unice,
Vultu pio nos réspice,
Vocans ad arcem glóriæ
Cor Magdalénæ pœ́nitens.
_
Amíssa drachma régio
Recóndita est ærário,
Et gemma, detérso luto,
Nitóre vincit sídera.
_
Jesu, medéla vúlnerum,
Spes una pœniténtium,
Per Magdalénæ lácrimas
Peccáta nostra díluas.
_
Dei Parens piíssima,
Hevæ nepótes flébiles
De mille vitæ flúctibus
Salútis in portum vehas.
_
Uni Deo sit glória,
Pro multifórmi grátia,
Peccántium qui crímina
Remíttit, et dat prǽmia.
Amen.

[HymnusM Laudes]
v. Ætérne Patris Unice,
Nos pio vultu réspice,
Qui Magdalénam hódie
Vocas ad thronum glóriæ.
_
In thesáuro repósita
Regis est drachma pérdita:
Gémmaque luce ínclyta
De luto luci réddita.
_
Jesu dulce refúgium,
Spes una pæniténtium,
Per peccatrícis méritum
Peccáti solve débitum.
_
Pia mater et húmilis,
Natúræ memor frágilis,
In hujus vitæ flúctibus
Nos rege tuis précibus.
_
Uni Deo sit glória
Pro multifórmi grátia,
Qui culpas et supplícia
Remíttit, et das prǽmia.
Amen.

[Versum 2]
V. Elégit eam Deus, et præelégit eam.
R. In tabernáculo suo habitáre facit eam.

[Ant 2]
María * unxit pedes Jesu, et extérsit capíllis suis, et domus impléta est ex odóre unguénti.

[Versum 3]
@:Versum 2

[Ant 3]
Múlier * quæ erat in civitáte peccátrix, áttulit alabástrum unguénti, et stans retro secus pedes Dómini, lácrimis cœpit rigáre pedes ejus, et capíllis cápitis sui tergébat.