[Officium]
Ss. Symphorosæ et Septem Filiorum Martyrum

[Rank]
;;Simplex;;1.1;;vide C3a
(sed rubrica cisterciensis)
;;Commemoratio;;1;;vide C3a

[Rule]
vide C3a;
1 et 2 lectiones

[Name]
Symphorósæ et filiórum ejus

[Lectio2]
Symphorosa Tiburtina, Getulli martyris uxor, ex eo septem filios peperit, Crescentium, Julianum, Nemesium, Primitivum, Justinium, Stacteum, et Eugenium: qui omnes propter christianæ fidei professionem una cum matre, Adriano imperatore, comprehensi sunt: quorum pietas multis variisque tentata suppliciis, cum stabilis permaneret, mater, quæ filiis fidei magistra fuerat, dux eisdem ad martyrium exstitit. Nam saxo ad collum alligato, in profluentem dejicitur: cujus corpus conquistum a fratre ejus Eugenio sepelitur.

[Lectio3]
Postridie ejus diei, qui fuit decimoquinto Calendas Augusti, septem fratres singuli ad palum alligati, varie sunt interfecti. Crescentio guttur ferro transfigitur: Juliano pectus confoditur: Nemesio cor transverberatur: Primitivo trajicitur umbilicus: Justinus membratim secatur: Stacteus telis configitur: Eugenius a pectore in duas partes dividitur. Ita octo hostiæ Deo gratissimæ sunt immolatæ. Corpora in altissimam foveam projecta sunt via Tiburtina, nono ab urbe lapide: quæ postea Romam translata, condita sunt in Ecclesia sancti Michaelis in foro piscario.

[Lectio93] (rubrica 1888 aut rubrica 1906 aut rubrica divino)
Symphorosa Tiburtina, Getulii Mártyris uxor, ex eo septem fílios péperit, Crescéntium, Julianum, Nemesium, Primitivum, Justinum, Stacteum, et Eugenium; qui omnes propter christianæ fidei professiónem una cum matre, Hadriáno imperatóre, comprehénsi sunt. Quorum pietas, multis variisque tentáta suppliciis, cum stábilis permanéret, mater, quæ fíliis fidei magistra fúerat, dux eisdem ad martyrium éxstitit. Nam, saxo ad collum alligato, in profluentem dejícitur: cujus corpus, conquisítum a fratre ejus Eugenio, sepelítur. Postridie ejus diéi, qui fuit décimo quinto Kalendas Augusti, septem fratres singuli ad palum alligati, varie sunt interfécti: Crescentio guttur ferro transfígitur; Juliáno pectus confóditur; Nemesio cor transverberátur; Primitivo trajícitur umbilicus; Justinus membratim secátur; Stacteus telis confígitur; Eugenius a péctore in duas partes dividitur. Ita octo hostiæ Deo gratíssimæ sunt immolátæ. Corpora in altíssimam fóveam projecta sunt via Tiburtina, nono ab Urbe lápide; quæ, póstea Romam translata, cóndita sunt in ecclésia sancti Angeli in piscina.
&teDeum