[Rank]
Beatæ Mariæ Virginis de Monte Carmelo;;Duplex majus;;4;;ex C11

[Rank] (rubrica 196)
Beatæ Mariæ Virginis de Monte Carmelo;;Simplex;;1.1;;vide C11

[Rule]
ex C11;
9 lectiones;
Doxology=Nat

[Ant 1] (rubrica cisterciensis)
@CommuneM/C11

[Oratio]
Deus, qui beatíssimæ semper Vírginis et Genetrícis tuæ Maríæ singulári título Carméli órdinem decorásti: concéde propítius; ut, cujus hódie Commemoratiónem solémni celebrámus offício, ejus muníti præsídiis, ad gáudia sempitérna perveníre mereámur:
$Qui vivis

[Lectio4]
Cum sacra Pentecostes die Apóstoli, cælitus afflati, variis linguis loqueréntur, et, invocato augustíssimo Jesu nómine, mira multa patrarent; viri plurimi (ut fertur), qui vestigiis sanctórum prophetárum Elíæ ac Eliséi instíterant, et Joánnis Baptistæ præconio ad Christi advéntum comparáti fuerant, rerum veritáte perspecta atque probata, evangelicam fidem conféstim amplexáti sunt, ac peculiari quodam afféctu beatíssimam Vírginem (cujus colloquiis ac familiaritate feliciter frui potuére) adeo venerari cœpérunt, ut primi ómnium in eo montis Carmeli loco, ubi Elías olim ascendentem nébulam, Vírginis typo insignem, conspexerat, eidem puríssimæ Virgini sacellum construxerint.

[Lectio5]
Ad novum ergo sacellum sæpe quotídie conveniéntes, rítibus piis, precatiónibus ac laudibus beatíssimam Vírginem, velut singularem ordinis tutelam, colebant. Quam ob rem fratres beátæ Maríæ de Monte Carmelo passim ab ómnibus appellari cœpérunt; eumque titulum summi Pontifices non modo confírmarunt, sed et indulgéntias peculiares iis, qui eo titulo vel ordinem vel fratres síngulos nuncuparent, concessére. Nec vero nomenclatúram tantum magnificentíssima Virgo tríbuit et tutelam, verum et insigne sacri scapularis; quod beato Simoni Anglico præbuit, ut cælésti hac veste ordo ille sacer dignoscerétur, et a malis ingruéntibus protegerétur. Ac demum, cum olim in Europa ordo esset ignotus, et ob id apud Honórium tertium non pauci pro illíus exstinctióne instarent, ástitit Honorio noctu piíssima Virgo Maria, planeque jussit ut institutum et hómines benígne complecterétur.

[Lectio6]
Non in hac tantum sæculo ordinem sibi tam acceptum multis prærogativis beatíssima Virgo insignívit; verum et in alio (cum ubíque et poténtia et misericórdia plurimum valeat) fílios in scapularis societátem relatos, qui abstinéntiam modicam precesque paucas eis præscriptas frequentarunt, ac pro sui status ratióne castitátem coluérunt, materno plane afféctu, dum igne purgatorii expiántur, solari ac in cælestem pátriam obtentu suo quantócius pie creditur efferre. Tot ergo tantisque beneficiis ordo cumulátus, solemnem beatíssimæ Vírginis Commemoratiónem, ritu perpetuo ad ejusdem Vírginis glóriam quotannis celebrandam, instituit.

[Lectio94]
Cum sacra Pentecóstes die viri plúrimi, ut fertur, qui vestígiis sanctórum prophetárum Elíæ ac Eliséi instíterant, evangélicam fidem fuíssent amplexáti, in eo montis Carméli loco, ubi Elías olim ascendéntem nébulam, beátæ Maríæ Vírginis typo insígnem, conspéxerat eídem puríssimæ Vírgini sacéllum constrúere cœpérunt; eamdémque, velut singulárem órdinis tutélam, veneráti sunt, fratrum beátæ Maríæ de Monte Carmélo exínde nómine accépto. Eis numquam défuit speciális protéctio beatíssimæ Vírginis, quæ Honórium tértium ab órdine exstinguéndo per sómnium detérruit, et insígne sacri scapuláris órdini tríbuit, quod qui gestáverint et abstinéntiam módicam precésque paucas frequentáverint, igne purgatórii deténti, obténtu suo quantócius in cæléstem pátriam pie credúntur efférri. Tot ergo tantísque benefíciis ordo cumulátus, solémnem beatíssimæ Vírginis Commemoratiónem quotánnis celebrándam instítuit.
&teDeum

[Responsory7]
@Commune/C11::s/sanctam festivitátem/Solémnem Commemoratiónem/

[Ant 2]
Caput tuum * ut Carmélus, et comæ cápitis tui sicut púrpura Regis vincta canálibus, allelúja.

[Ant 3]
Glória Líbani * data est ei, decor Carméli et Saron, allelúja.