@Sancti/07-11

[Lectio93]
Pius Aquiliensis, Imperatore M. Antonino Vero, Pontifex creatus, pœnam statuit in sacerdotem cujus negligentia de sanguine domini aliquid stillaverit. Pænitentiam enim, inquit, agant quadraginta diebus, si in terram aliquid deciderit, si super altare, tribus diebus: si super linteum superius, quattuor: si in inferius defluxerit, novem diebus: si usque ad quartum, uiginti diebus: ubi cumque ceciderit, si recipi potest, lambatur; sin aliter, aut lavetur, aut radatur: quidquid lotum, aut rasum est, comburatur, et cinis in sacrarium reponatur. Multis præterea utiliter decretis martyrio coronatur, et sepelitur in Vaticano quinto idus Julii; cum sedisset annos undecim, menses duos, dies uiginti unum: et episcopos decem, presbyteros novem, diaconos uigintiunum, mense Decembri quinque ordinationibus creasset.
&teDeum