[Officium]
Quinta die infra Octavam Ss. Apostolorum Petri et Pauli

[Rank]
;;Semiduplex;;2;;ex C1

[Rule]
ex C1;
9 lectiones

[Versum 1]
@Commune/C1:Nocturn 2 Versum

[Ant 1]
Petrus Apostolus, * et Paulus Doctor Gentium, ipsi nos docuerunt legem tuam Domine.

[Oratio]
@Sancti/06-29

[Lectio4]
De Sermone sancti Leonis Papæ.
!Ex Serm. 82. in natali Ss. Apost. Petri et Pauli, in fine.
Pretiosa est in conspectu Domini mors sanctorum ejus: nec ullo crudelitatis genere destrui potest sacramento crucis Christi fundata religio. Non minuitur persecutionibus Ecclesia, sed augetur: et semper Dominicus ager segete ditiori vestitur, dum grana, quæ singula cadunt, multiplicata nascuntur. Unde duo ista præclara divini seminis germina in quantam sobolem germinarint, beatorum millia Mártyrum protestantur, qui apostolicorum æmuli triumphorum, Urbem nostram purpuratis et longe lateque rutilantibus populis ambierunt, et quasi ex multarum honore gemmarum conserto uno diademate coronarunt.

[Lectio5]
De quorum præsidio, dilectissimi, divinitus nobis ad exemplum patientiæ, et confirmationem fidei præparato, universaliter quidem in omnium Sanctorum commemoratione lætandum est: sed in horum excellentia Patrum merito est excellentius gloriandum, quos gratia Dei in tantum apicem inter omnia Ecclesiæ membra provexit, ut eos in corpore, cui caput est Christus, quasi geminum constitueret lumen oculorum. De quorum meritis atque virtutibus, quæ omnem loquendi superant facultatem, nihil diversum, nihil debemus sentire discretum: quia illos et electio pares, et labor similes, et finis fecit æquales.

[Lectio6]
Sicut autem et nos experti sumus, et nostri probavere majores, credimus atque confidimus, inter omnes labores istius vitæ ad obtinendam misericordiam Dei semper nos specialium patronorum orationibus adjuvandos: ut quantum propriis peccatis deprimimur, tantum apostolicis meritis erigamur: Per Dominum nostrum Jesum Christum, cui est cum Patre et sancto Spiritu eadem potestas, una divinitas, in sæcula sæculorum. Amen.


[Lectio7]
@Commune/C1:Lectio7 in 2 loco

[Lectio8]
@Commune/C1:Lectio8 in 2 loco

[Lectio9]
@Commune/C1:Lectio9 in 2 loco

[Versum 2]
@Commune/C1:Versum 1

[Ant 2]
Gloriosi principes terræ, * quomodo in vita sua dilexerunt se, ita et in morte non sunt separati.